27 قاراشا, 2024 news
الماتى وبلىسىندا 7 جاسار بالانى اۆتوبۋس باسىپ كەتتى
7 جاستاعى ءبۇلدىرشىن وقيعا ورنىندا جان تاپسىردى.
كورنەكى سۋرەت
27 قاراشا الماتى وبلىسى قاراساي اۋدانىنا قاراستى ىرگەلى اۋىلىندا ورنالاسقان "اسىل ارمان" تۇرعىن ءۇي كەشەنىنىڭ اۆتوتۇراعىندا اۆتوبۋس جۇرگىزۋشىسى 7 جاسار بالانى قاعىپ كەتتى.
كۋاگەرلەردىڭ ايتۋىنشا, وقيعا بولعان جەر جاياۋ جۇرگىنشىلەرگە ءقاۋىپتى, ياعني جاياۋ جۇرگىنشىلەر وتكەلى مەن ايالداما جوق.
پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە 27 قاراشادا jac اۆتوبۋسىنىڭ جۇرگىزۋشىسى "اسىل ارمان" تۇرعىن ءۇي كەشەنىندەگى تۇراق اۋماعىندا ارتقا ءجۇرىپ بارا جاتىپ, 7 جاسار بالانى قاعىپ كەتكەن. بالا العان جاراقاتتارىنان وقيعا ورنىندا كوز جۇمدى.
"وقيعا ىرگەلى اۋىلىنداعى "اسىل ارمان" تۇرعىن ءۇي كەشەنىنىڭ كولىك تۇراعىندا بولعان. بۇل جاعداي الەۋمەتتىك جەلىلەردە تارالىپ, تۇرعىنداردىڭ الاڭداۋشىلىعىن تۋدىردى. ءقازىر بۇل وقيعا بويىنشا سوتقا دەيىنگى تەرگەۋ جۇرگىزىلىپ جاتىر. سوعان سايكەس پروسەسسۋالدىق شەشىم قابىلدانادى", &ndash؛ ؛دەدى پوليسيا دەپارتامەنتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر