27 قاراشا, 2024 news
رەسەي قازاقستانعا ءۇش قالادا جىلۋ ەلەكتر ستانسالارىن سالۋعا نەسيە بەرۋى مۇمكىن
ء
ماجىلىس "؛قازاقستان رەسپۋبليكاسىنىڭ ۇكىمەتى مەن رەسەي فەدەراسياسىنىڭ ۇكىمەتى اراسىنداعى قازاقستان رەسپۋبليكاسىنىڭ اۋماعىندا كوكشەتاۋ, سەمەي جانە وسكەمەن قالالارىندا كومىر جاعاتىن جىلۋ ەلەكتر ورتالىقتارىن سالۋ جوبالارى تۋرالى كەلىسىمدى راتيفيكاسيالاۋ تۋرالى"؛ زاڭدى جۇمىسقا الدى.
كورنەكى سۋرەت
ەكولوگيا ماسەلەلەرى جانە تابيعات پايدالانۋ كوميتەتىنىڭ ءتوراعاسى ەدىل جاڭبىرشين كوكشەتاۋ, سەمەي جانە وسكەمەن قالالارىندا كومىر جاعاتىن جىلۋ ەلەكتر ورتالىقتارىن سالۋ جوبالارى تۋرالى كەلىسىمدى راتيفيكاسيالاۋعا قاتىستى قۇجاتتى تانىستىردى. زاڭ جوباسى كوكشەتاۋ, سەمەي جانە وسكەمەن قالالارىندا كومىر جاعاتىن ەلەكتر ورتالىقتارىن سالۋ جوبالارىن ىسكە اسىرۋ بويىنشا قر ۇكىمەتى مەن رف ۇكىمەتى اراسىنداعى ىنتىماقتاستىقتى جۇزەگە اسىرۋعا باعىتتالعان.
-كەلىسىم جابدىقتاردى جوبالاۋ, دايىنداۋ جانە جەتكىزۋ, جاڭا جىلۋ ەلەكتر ورتالىقتارىن جانە پايدالانۋعا بەرۋ جونىندەگى جۇمىستاردى, سونداي-اق قازاقستانعا رەسەيدىڭ مەملەكەتتىك ەكسپورتتىق كرەديتىن بەرۋگە جەڭىلدىكتى قارجىلاندىرۋ تەتىكتەرىن ورىنداۋ شارتتارىن ايقىندايدى, - دەدى دەپۋتات.
ماجىلىس دەپۋتاتتارى زاڭ جوباسىنا قاتىستى قاۋلى قابىلداپ, كوميتەت قۇجاتتى جۇمىسقا الدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر