اقمولا وبلىسىندا سۋ تاسقىنىنان كەيىن ءۇي سالۋعا بولىنگەن قاراجاتتىڭ 300 ميلليون تەڭگەسى ۇرلانعان

ۇكىمەتتىڭ مالىمەتىنشە, اقمولا وبلىسىنىڭ ارنايى پروكۋرورلارىمەن 300 ميلليون تەڭگەدەن استام قاراجاتتى جىمقىرعانى ءۇشىن اتباسار اۋدانىنىڭ اكىمدىگىنە قاراستى قۇرىلىس ءبولىمى, "پرەستيج ستروي 7" جانە "فۋندامەنتال" ءجشس-تىڭ باسشىلارىنا قاتىستى سوتقا دەيىنگى تەرگەپ-تەكسەرۋ اياقتالدى.

"اتالعان قاراجاتتار 2021 جىلى ۇكىمەت رەزەرۆىنەن اتباسار اۋدانىندا سۋ تاسقىنى ايماعىندا تۇراتىن 200 جانۇيانى كوشىرۋ ءۇشىن ەكى 100 پاتەرلى ۇيلەردى سالۋعا بولىنگەن. كۇدىكتىلەر ارەكەتتەرى اسا ءىرى كولەمدە جىمقىرۋ &ndash؛ تالان-تاراجعا سالۋ, ياعني قىلمىستىق كودەكستىڭ 189-بابى 4-بولىگى بويىنشا سارالاندى. كورسەتىلگەن باپ بويىنشا مۇلكىن تاركىلەۋمەن قوسا 12 جىلعا دەيىن باس بوستاندىعىنان ايىرۋ جازاسى قاراستىرىلعان", &ndash؛ ؛دەلىنگەن حابارلامادا.

ەكى كۇدىكتى سوت سانكسياسىمەن كۇزەتپەن ۇستاۋعا, قىلمىسقا ءۇشىنشى سەرىكتەس ءۇيقاماققا الىندى.

تەرگەۋ بارىسىندا قىلمىستىق جولمەن الىنعان مۇلىك &ndash؛ الماتى, استانا قالالارىندا كوممەرسيالىق جىلجىمايتىن مۇلىك, ارنايى تەحنيكا, قۇرىلىس قۇرىلعىلار جانە بانكتىق شوتتاردا 50ملن تەڭگەدەن استام اقشالاي قاراجات تابىلدى. تيىم سالىنعان مۇلىكتىڭ باعالانعان قۇندىلىعى 335 ميلليون تەڭگەدەن استى.

پروكۋرورلارمەن, اتالعان مۇلىكتىڭ ءبىر بولىگى جالعا بەرىلىپ, قىلمىستىق پايدا تۇسىرىلگەنى انىقتالدى.

سول سەبەپتى, ءبىر كۇدىكتىنىڭ ارەكەتى قىلمىستىق جولمەن الىنعان اقشانى جانە وزگە مۇلىكتى زاڭداستىرۋ (جىلىستاتۋ), ياعني قىلمىستىق كودەكستىڭ 218-بابى 3-بولىگى بويىنشا قوسىمشا سارالاندى. بۇل ءۇشىن مۇلكىن تاركىلەۋمەن قوسا 10 جىلعا دەيىن باس بوستاندىعىنان ايىرۋ جازاسى قاراستىرىلعان. ءقازىر قىلمىستىق پروسەسكە قاتىسۋشىلارمەن  ؛قىلمىستىق ءىس ماتەريالدارىمەن تانىسۋ ءجۇرىپ جاتىر.