كورنەكى سۋرەت
قازاقستاندا بانكتەر دەمالىس كۇنى بورىشكەرلەرگە ەكى رەت قانا قوڭىراۋ شالا الاتىنداي نورما ەنگىزىلۋى مۇمكىن. ؛ قارجى نارىعىن رەتتەۋ اگەنتتىگى ازىرلەگەن قاۋلى جوباسى اشىق نقا پورتالىندا جاريالانىپ, قوعامدىق تالقىعا ۇسىنىلدى.
قاۋلىعا ساي, ميكروقارجى ۇيىمدارى بورىشكەردىڭ تىركەلگەن مەكەنجايىنا جۇمىس كۇندەرى 8.00-21.00 ارالىعىندا اپتاسىنا ءۇش رەت قانا ىزدەپ بارىپ, سونداي-اق اپتاسىنا ءۇش رەت قانا قوڭىراۋ شالا الادى. دەمالىس كۇندەرى 9.00-19.00 ارالىعىندا ەكى رەت قانا قوڭىراۋلاتۋعا رۇحسات.
اگەنتتىك مالىمەتىنشە, قولدانىستاعى ەرەجەدە بورىشكەرگە قاشان, قانشالىقتى قوڭىراۋ شالۋعا بولاتىنى ناقتى رەتتەلمەگەن. وسىنىڭ كەسىرىنەن كوللەكتورلار ياكي ميكروقارجى ۇيىمدارى كەيدە ىڭعايسىز ۋاقىتتا نەمەسە وتە ءجيى قوڭىراۋ شالىپ, ازاماتتاردىڭ اشۋىن كەلتىرەتىن. سايكەسىنشە, ولاردىڭ قىزمەتىنە ارىز-شاعىم ءجيى تۇسەتىن.
بۇرىن ميكروقارجى ۇيىمدارىنا دەمالىس جانە مەيرام كۇندەرى بورىشكەرگە قوڭىراۋ شالۋعا تىيىم سالىنسا, ەندى رۇحسات, تەك بەلگىلەنگەن تارتىپكە ساي, كۇنىنە ەكى رەتتەن ارتىق مازالاماۋى كەرەك.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر