• usd 468.56

  • eur 497.56

  • rub 7.3

  • cny 67.18

14 شىلدە, 00:17:03
الماتى
+35°

09 شىلدە, 2024 news

4,8 ملرد تەڭگەدەن استام سۋبسيديا زاڭسىز تولەنىپ, ۇرلانعان

سۋبسيديالاۋ سالاسىنداعى قايتارىلۋعا جاتاتىن بۇزۋ سوماسى 4,8 ملرد تەڭگەدەن استى.

كھرنەكى سۋرەت

الماتى وبلىسىنىڭ پروكۋراتۋراسى وبلىستىڭ اۋىل شارۋاشىلىعى باسقارماسىن تەكسەرۋ ناتيجەلەرى بويىنشا بيۋدجەتتىك سۋبسيديالاردى ۇرلاۋدىڭ, ولاردى زاڭسىز تولەۋدىڭ جانە شارۋالارعا &ldquo؛تاڭداۋ ادىسىمەن&rdquo؛ تولەنگەن جۇيەلى سحەمالارىن انىقتادى.

سۋبسيديالاۋ سالاسىنداعى قايتارىلۋعا جاتاتىن بۇزۋ سوماسى 4,8 ملرد تەڭگەدەن استى.

پروكۋراتۋرانىڭ قاداعالاۋ اكتىسى بويىنشا وتەۋ پروسەسى باستالىپ, بۇگىندە بيۋدجەتكە 110 ملن تەڭگە قايتارىلدى.

اۋىلدارداعى الەۋمەتتىك-وندىرىستىك كووپەراتيۆتەر اسىل تۇقىمدى جانۋارلاردى الۋ ماقساتىندا سەلەكسيالىق جۇمىستارعا ارنالعان 1,2 ملرد تەڭگە سۋبسيديانى ۇرلاعان.

ىس جۇزىندە بۇل جۇمىستار ورىندالماي, قۇجاتتار رەسمي تۇردە رەسىمدەلىپ, وبلىستا اسىل تۇقىمدى مال سانى ۇلعايتىلماعان.

وبلىس اكىمدىگىنىڭ ەسەپتىك دەرەكتەرى بويىنشا اسىل تۇقىمدى مال شارۋاشىلىعىن دامىتۋ بويىنشا بەلسەندى جۇمىس جۇرگىزىلۋدە.

اسىل تۇقىمدى قويلاردى سەلەكسيالاۋ باعدارلاماسىن ىسكە اسىرۋ ناتيجەلەرى بويىنشا 4 جىلدا ولاردىڭ سانى 1,9 ملن-عا دەيىن ۇلعايتىلدى.

الايدا, دەرەكتەر تەك قاعاز جۇزىندە قالدى, پروكۋرورلىق تەكسەرۋ وبلىس بويىنشا اسىل تۇقىمدى قويلاردىڭ سانى نەبارى 367 مىڭ باس ەكەنىن كورسەتتى.

وبلىستا اۋىل شارۋاشىلىعىن دامىتۋدىڭ تيىمدىلىگىن تالداۋ جالعاسۋدا.

مىسالى, ۇيعىر اۋدانىندا تىركەلگەن جانۋارلار جوق بولا تۇرىپ, 2023 جىلى سەلەكسيالىق جۇمىستاردى جۇرگىزگەنى ءۇشىن 45,2 ملن.تەڭگە سوماسىنا سۋبسيديا الدى.

سۋبسيديا العان كەزدە بۇل كووپەراتيۆ ءوزىنىڭ جەكە اۋلاسى رەتىندە ۇيعىر اۋدانىنى تۇرعىندارىنىڭ اۋىلشارۋاشىلىق جانۋارلارىن تىركەگەن.

اكىمدىك مال باسىنىڭ ناقتى ساقتالۋىنا مونيتورينگ جۇرگىزبەگەندىكتەن, مەملەكەتتىك بيۋدجەتكە زالال كەلتىرىلۋدە.

ۇرلاۋ فاكتىلەرى بويىنشا سوتقا دەيىنگى 5 تەرگەۋ باستالىپ, زاڭسىز تولەنگەن سۋبسيديالاردى قايتارۋعا 3 ۇسىنۋ ەنگىزىلدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر