• usd 468.56

  • eur 497.56

  • rub 7.3

  • cny 67.18

14 شىلدە, 00:12:14
الماتى
+35°

09 شىلدە, 2024 news

ەندى قۇمار ويىن ويناعان شەنەۋنىكتەر قىزمەتىنەن بوساتىلادى

مەملەكەتتىك نەمەسە اسكەري قىزمەتكەرلەردىڭ قۇمار ويىن ويناعانى بەلگىلى بولسا, قىزمەتىنەن بوساتىلادى. بۇل تۋرالى سپورت جانە تۋريزم ۆيسە-مينيسترى ميراس تولەباەۆ ايتتى.

كورنەكى سۋرەت

«؛مەملەكەتتىك نەمەسە اسكەري قىزمەتكەردىڭ قۇمار ويىن ويناعانى تۋرالى فاكت انىقتالسا, ول بىردەن قىزمەتىنەن بوساتىلادى. مەملەكەتتىك قىزمەتكەرلەرگە قاتىستى ەسكەرتۋ جاسالمايدى. بىردەن قىزمەتتەن بوسايدى»؛, &ndash؛ دەدى تولەباەۆ

سەنات قازاقستانداعى لۋدومانياعا قارسى كۇرەس جونىندەگى زاڭ جوباسىن ماقۇلدادى. زاڭعا سايكەس, مەملەكەتتىك قىزمەتشىلەرگە, اسكەري قىزمەتشىلەرگە جانە 21 جاسقا تولماعان ادامدارعا قۇمار ويىن ويناۋعا تىيىم سالىنادى. قۇجات سونىمەن قاتار بۋكمەكەرلىك كەڭسەلەردەگى ستاۆكالاردى ەسەپكە الۋ جۇيەسىن رەفورمالاپ, شوتتى تولتىرۋ جانە ۇتىس الۋ كەزىندە بيومەتريالىق سايكەستەندىرۋدى ەنگىزەدى.

«؛21 جاسقا دەيىنگى ازاماتتاردى, بورىشكەرلەردىڭ ءبىرىڭعاي تىزىلىمىندە تۇرعان ازاماتتاردى, سونداي-اق, قۇمار ويىندارعا جانە ءباس تىگۋگە قاتىسۋعا شەكتەلگەن ادامداردى قاتىسۋعا جىبەرگەنى ءۇشىن اكىمشىلىك جاۋاپكەرشىلىكتى ەنگىزۋ بويىنشا تۇزەتۋلەر ەنگىزىلدى»؛, &ndash؛ دەپ كورسەتىلگەن زاڭ جوباسىنا قورىتىندى ماتىنىندە.

تۇزەتۋگە سايكەس, ەلەكتروندىق جانە ينتەرنەت-كازينولاردى ۇيىمداستىرۋ قىلمىستىق جاۋاپكەرشىلىك بولادى. قۇمار ويىندارعا تاۋەلدى ادامداردى وڭالتۋ جانە ولارعا كونسۋلتاسيالىق باقىلاۋ جۇرگىزۋ ءتارتىبىن بەلگىلەيدى.

تۋريزم مينيسترلىگىنىڭ حابارلاۋىنشا, جەتى مىڭنان استام قازاقستاندىق egov mobile ارقىلى قۇمار ويىندار مەن ءباس تىگۋگە وز-وزىنە شەكتەۋ قويدى. ؛

قر ازاماتتارى مەن رەزيدەنتتەرىن قۇمار ويىندارعا جانە ءباس تىگۋگە قاتىسۋدان ءوز بەتىنشە شەكتەۋ جونىندەگى ونلاين قىزمەت 18 ناۋرىزدا پيلوتتىق رەجيمدە ىسكە قوسىلعان. ءبىرىنشى ساۋىردەگى مالىمەتتەرگە سايكەس, قىزمەتتى جەتى مىڭنان استام ادام پايدالانعان. قاعاز فورماتىندا قۇمار ويىندار مەن ءباس تىگۋدەن ءۇش مىڭنان استام ادام وزدەرىن شەكتەگەن.

ويىن بيزنەسىنە قاتىستى اپپاراتتىق-باعدارلامالىق كەشەندەرىن ينتەگراسيالاۋ ءتارتىبى «؛اقپاراتتاندىرۋ تۋرالى»؛ قازاقستان رەسپۋبليكاسىنىڭ زاڭىندا بەلگىلەنگەن تارتىپپەن, سونداي-اق قازاقستان رەسپۋبليكاسى ۇكىمەتىنىڭ 2016 جىلعى 20 جەلتوقسانداعى №832 قاۋلىسىمەن بەكىتىلگەن اقپاراتتىق-كوممۋنيكاسيالىق تەحنولوگيالار جانە اقپاراتتىق قاۋىپسىزدىكتى قامتاماسىز ەتۋ سالاسىنداعى ءبىرىڭعاي تالاپتارىندا بەلگىلەنگەن تارتىپپەن رەتتەلەدى.

"قامشى" سىلتەيدى
ىلمەك سوزدەر: قۇمار ويىن

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر