• usd 468.56

  • eur 497.56

  • rub 7.3

  • cny 67.18

13 شىلدە, 23:33:35
الماتى
+35°

03 شىلدە, 2024 news

توقاەۆ: قىتاي قازاق حالقىنا ەشقاشان جاماندىق جاساعان جوق, جاردەم عانا بەرگەن

بۇل تۋرالى مەملەكەت باسشىسى قاسىم-جومارت توقاەۆ اقوردادا قحر ءتوراعاسى سي سزينپينمەن كەزدەسۋىندە ايتتى.

فوتو: اقوردا

- ەڭ الدىمەن شاقىرۋىمدى قابىل الىپ, قازاقستانعا مەملەكەتتىك ساپارمەن كەلگەنى ءۇشىن ءقادىرلى دوسىم سي سزينپين مىرزاعا شىنايى ريزاشىلىعىمدى بىلدىرەمىن. وسى ساپارىڭىز قازاق-قىتاي جىلناماسىنداعى ايتۋىلى ءارى تاريحي وقيعا. وعان قوسا بۇل ەكى ەل اراسىنداعى ىنتىماقتاستىقتى جاڭا دەڭگەيگە كوتەرۋگە دەگەن ءسىزدىڭ نيەتىڭىزدىڭ ايقىن كورىنىسى دەپ بىلەمىن. مەن بۇل يگى ۇمتىلىستى تولىقتاي قولدايمىن, - دەدى توقاەۆ.

سونداي-اق ول ەكى ەل اراسىنداعى ىنتىماقتاستىق ودان ءارى بەكي تۇسەتىنىن ايتتى.

- بۇل ءبىزدىڭ ەلدەرىمىزگە ورتاق قۇندىلىقتار مەن ورتاق ۇستانىم دەپ ايتتى. ونىڭ تاريحي تامىرى تەرەڭدە جاتقانى ءسوزسىز. ەجەلدەن ءبىزدىڭ حالقىمىز اراسىندا ءوزارا قولداۋ نەگىزىندە تىعىز ساۋدا جانە گۋمانيتارلىق بايلانىستار بەلسەندى دامىپ كەلگەن. تاريح قويناۋىنا ۇڭىلەتىن بولساق, قىتاي ەلى قازاق حالقىنا ەشقاشان جاماندىق جاساعان جوق, ەشقانداي توسقاۋىلدار قۇرعان ەمەس, جاردەم عانا بەرگەن. ءبىزدىڭ ەلدەرىمىز ءاردايىم ءوزارا تىعىز بايلانىستا جانە شىنايى قارىم-قاتىناستا بولدى. بۇگىن دە سولاي جانە سولاي بولىپ قالا بەرمەك. مەن وعان كامىل سەنەمىن. ءبىر سوزبەن, ءبىز وسى سارا جولدى مىندەتتى تۇردە جالعاستىرامىز. حالىقتارىمىز اراسىنداعى سان قىرلى ىنتىماقتاستىقتى بەكەمدەي بەرەمىز. بۇگىنگى كەلىسسوز ناتيجەلەرى سونىڭ ايقىن دالەلى, - دەدى پرەزيدەنت اقوردادا.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر