• usd 468.56

  • eur 497.56

  • rub 7.3

  • cny 67.18

14 شىلدە, 01:00:00
الماتى
+35°

02 شىلدە, 2024 news

قىتاي باسشىسى: جاڭا قازاقستاننىڭ جەتىستىكتەرىنە تامسانۋعا عانا كەلە جاتقان جوقپىن

قىتاي حالىق رەسپۋبليكاسىنىڭ ءتوراعاسى سي سزينپين الداعى مەملەكەتتىك ساپار الدىندا قازاقستاننىڭ بۇقارالىق اقپارات قۇرالدارىنا ارناپ جازعان اۆتورلىق ماقالاسىندا بۇل كەلۋىنىڭ ءمانىن بىلايشا تۇسىندىرەدى.

فوتو: اشىق دەرەككوزدەن

ماقالانىڭ باسىندا اۆتور قازاقستاننىڭ وزىنە ءتان, دەربەس مادەنيەتى مەن وركەنيەتى بار ەل ەكەنىنە توقتالادى.

- ءدال وسىنداي تاڭعاجايىپ ۋاقىتتا پرەزيدەنت قاسىم-جومارت توقاەۆتىڭ شاقىرۋىمەن قازاقستان رەسپۋبليكاسىنا مەملەكەتتىك ساپارمەن بارىپ, شانحاي ىنتىماقتاستىق ۇيىمىنىڭ سامميتىنە قاتىسامىن. مەن سىزدەردىڭ كورىكتى ەلدەرىڭىزگە قحر ءتوراعاسى رەتىندە بەسىنشى رەت اياق باسقالى تۇرمىن. قازاقستاننىڭ تاڭعاجايىپ ءتول مادەنيەتى, كوز تارتار تابيعاتى, دوس پەيىلدى جانە قوناقجاي حالقى &ndash؛ وسىنىڭ ءبارى مەنىڭ جان دۇنيەمدە ەرەكشە جاناشىرلىق وياتادى. مەن زور ءۇمىت ارتىپ وتىرعان الداعى ساپار جاڭا قازاقستاننىڭ جەتىستىكتەرى مەن بۇگىنگى كەلبەتىنە ءسۇيىنىپ قاراپ, تامسانۋعا عانا ەمەس, پرەزيدەنت قاسىم-جومارت توقاەۆپەن ەكىجاقتى سەرىكتەستىكتىڭ وزەكتى ماسەلەلەرىن تالقىلاپ, شىۇ-نى ءارى قاراي دامىتۋدىڭ جانە قىتاي-قازاق قارىم-قاتىناسىنىڭ باسىم باعىتتارىن ايقىنداۋعا مۇمكىندىك بەرەدى, - دەپ جازادى سي سزينپين.

قىتاي باسشىسى ەكى ەلدىڭ تاتۋ كورشىلىكتى تۋ ەتىپ دامۋى ۋاقىتتىڭ تالابى ەكەنىن ايتادى.

- وسىناۋ سان عاسىرلىق دوستىق ءبىزدىڭ ەلدەردىڭ اراسىنداعى قارىم-قاتىناستى دامىتۋ تاريحتىڭ پارمەنى, ۋاقىتتىڭ قالاۋى ەكەنىن كورسەتەدى, - دەيدى قحر ءتوراعاسى.

بۇعان دەيىن حابارلانعانىنداي, 2-4 شىلدە كۇندەرى پرەزيدەنت قاسىم-جومارت توقاەۆتىڭ شاقىرۋىمەن قىتاي حالىق رەسپۋبليكاسىنىڭ ءتوراعاسى سي سزينپين قازاقستانعا مەملەكەتتىك ساپارمەن كەلەدى. ول سونداي-اق, شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ ء24-شى وتىرىسىنا قاتىسادى.

دەرەككوز: قازاقپارات

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر