• usd 468.56

  • eur 497.56

  • rub 7.3

  • cny 67.18

13 شىلدە, 23:31:26
الماتى
+35°

20 ماۋسىم, 2024 news

توقاەۆ «ماسس-مەديا تۋرالى» زاڭعا قول قويدى

جاڭا زاڭعا «بۇقارالىق اقپارات قۇرالدارى تۋرالى» جانە «تەلەراديو حابارلارىن تاراتۋ تۋرالى» زاڭداردىڭ نەگىزگى ەرەجەلەرى ەندى. اتالعان زاڭدار الداعى ۋاقىتتا كۇشىن جويادى.

كورنەكى سۋرەت

مەملەكەت باسشىسى «؛ماسس-مەديا تۋرالى»؛ قازاقستان رەسپۋبليكاسىنىڭ زاڭىنا قول قويدى, &ndash؛ دەپ حابارلادى اقوردا.

زاڭ مەملەكەت باسشىسىنىڭ 2022 جىلعى 16 ناۋرىزداعى «؛جاڭا قازاقستان: جاڭارۋ مەن جاڭعىرۋ جولى»؛ اتتى قازاقستان حالقىنا جولداۋىندا مەملەكەتتىڭ مۇددەلەرىن, قوعامنىڭ سۇرانىستارىن جانە مەديا سالاسىنىڭ دامۋ ۇردىستەرىن ەسكەرە وتىرىپ, بۇقارالىق اقپارات قۇرالدارى تۋرالى زاڭدى قايتا قاراۋ تۋرالى بەرگەن تاپسىرماسىن ورىنداۋ ماقساتىندا ازىرلەندى. جاڭا زاڭعا «؛بۇقارالىق اقپارات قۇرالدارى تۋرالى»؛ جانە «؛تەلەراديو حابارلارىن تاراتۋ تۋرالى»؛ زاڭداردىڭ نەگىزگى ەرەجەلەرى ەندى. اتالعان زاڭدار الداعى ۋاقىتتا كۇشىن جويادى.

جاڭا زاڭدا ءبىرقاتار تىڭ ەرەجەلەر قاراستىرىلعان.

اتاپ ايتقاندا, بۇقارالىق اقپارات قۇرالدارىمەن قاتار, ينتەرنەت-رەسۋرستاردى دا قامتيتىن «؛ماسس-مەديا»؛ دەگەن جاڭا ءارى اناعۇرلىم كەڭ ۇعىم ەنگىزىلدى.

مەملەكەتتىك اقپاراتتىق ساياسات جۇزەگە اسىرىلاتىن ءبىرىڭعاي مەديا پلاتفورما قۇرۋ كوزدەلگەن. ونىڭ ىشىندە مەملەكەتتىك ەمەس بۇقارالىق اقپارات قۇرالدارىنا گرانتتار بەرۋ, اككرەديتتەۋدىڭ وڭايلاتىلعان ءتارتىبى ارقىلى (اككرەديتاسيا كارتالارىن بەرۋدىڭ اۆتوماتتاندىرىلعان پروسەسى) جۋرناليستەردى مەملەكەتتىك ورگاندار مەن ۇيىمدارعا تىركەۋ جانە باسقا دا مىندەتتەر قاراستىرىلعان.

جۋرناليستەر ءۇشىن قوسىمشا قۇقىقتىق كەپىلدىكتەر بەلگىلەنگەن. ء«؛جۋرناليستىڭ ەرەكشە مارتەبەسى»؛ دەگەن ۇعىم ەنگىزىلدى. ياعني, ءجۋرناليستىڭ قۇقىقتارى مەن بوستاندىقتارىنىڭ قورعالۋىن, ولاردىڭ اقپارات ىزدەۋ, سۇراتۋ, الۋ جانە تاراتۋ كەزىندەگى, سونداي-اق «؛ماسس-مەديا تۋرالى»؛ زاڭدا بەلگىلەنگەن وزگە دە ەرەكشە قۇقىقتارىن جۋرناليست مارتەبەسى دەپ ءتۇسىنۋ كەرەك.

شىندىققا سايكەس كەلمەيتىن جانە ازاماتتاردىڭ ار-نامىسىنا, قادىر-قاسيەتىنە جانە ىسكەرلىك بەدەلىنە نۇقسان كەلتىرەتىن مالىمەتتەردى تەرىسكە شىعارۋ تۋرالى باق-قا تالاپ قويۋ مەرزىمى بۇقارالىق اقپارات قۇرالدارىندا مالىمەتتەر جاريالانعان كۇننەن باستاپ 1 جىل دەپ بەلگىلەنگەن.

شەتەلدىك بۇقارالىق اقپارات قۇرالدارىنىڭ وكىلدىكتەرى مەن ولاردىڭ جۋرناليستەرىن اككرەديتتەۋ ءتارتىبى جەتىلدىرىلدى.

باق-تىڭ سۇراتۋلارىن قاراۋ مەرزىمى 7-دەن 5 جۇمىس كۇنىنە دەيىن قىسقارتىلدى. بۇل جۋرناليستەرگە قاجەتتى اقپاراتتى قىسقا مەرزىمدە الۋعا مۇمكىندىك بەرەدى. وسىلايشا اقپاراتتىڭ وزەكتىلىگى ساقتالادى.

باق-تىڭ ءوز قىزمەتىن ءوزى رەتتەۋ ماقساتىندا زاڭدا قوعامدىق-كاسىپتىك كەڭەستەر قۇرۋ كوزدەلگەن. كەڭەستەر رەسپۋبليكالىق جانە وڭىرلىك دەڭگەيلەردە قۇرىلۋى مۇمكىن.

بۇل كەڭەستەردىڭ نەگىزگى قىزمەتى &ndash؛ جۋرناليستەردىڭ ادەپ كودەكسىن ازىرلەۋ.

گرانتتىق قارجىلاندىرۋدى ەنگىزۋ ارقىلى مەملەكەتتىك اقپاراتتىق ساياساتتى قارجىلاندىرۋ تەتىكتەرى جەتىلدىرىلدى.

ۇلتتىق تەلە-راديو حابارلارىن تاراتۋ مۇددەسىن قورعاۋ ماقساتىندا مەملەكەتتىك تىلدەگى وتاندىق تەلە-راديو باعدارلامالاردىڭ اپتا سايىنعى كولەمى 50 پايىزدان 60 پايىزعا دەيىن ۇلعايتىلدى.

وتاندىق تەلە-راديو ارنالاردا شەتەلدىك تەلە-راديو باعدارلامالارىن رەترانسلياسيالاۋ كولەمى 20 پايىزدان 10 پايىزعا دەيىن تومەندەتىلدى.

وز-وزىنە قول جۇمساۋدى ناسيحاتتايتىن اقپاراتتى, ءوزىن-وزى ءولتىرۋدىڭ جولدارى مەن وعان ۇندەيتىن اقپاراتتى تاراتۋعا جانە (نەمەسە) جاريالاۋعا تىيىم سالىنادى.

"قامشى" سىلتەيدى
ىلمەك سوزدەر: ماسس-مەديا جاڭا زاڭ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر