مەملەكەت بالالاردى وتباسىنان تارتىپ الا ما؟ – وقۋ-اعارتۋ مينيسترلىگى جاۋاپ بەردى

مينيستر ايتپاقشى, قازىرگى تاڭدا پارلامەنتتە ايەلدەردىڭ قۇقىعى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا ازىرلەنگەن زاڭ جوباسى تالقىلانىپ جاتىر.

- بۇل زاڭ جوباسىندا وتباسىلاردان بالالاردى مەملەكەتتىك ورگانداردىڭ تارتىپ الۋىنا مۇمكىندىك بەرەتىن نورمالار بار دەگەن جاڭساق اقپاراتتار تاراتىلىپ جاتىر. ول اقپاراتتىڭ ەشبىرى شىندىققا سايكەس كەلمەيدى, - دەپ مالىمدەدى ۆيسە-مينيستر. ؛  ؛  ؛  ؛ ؛

ونىڭ سوزىنشە, قارالىپ وتىرعان زاڭ جوبالارىندا جانە ماجىلىستەگى باسقا دا نورماتيۆتىك-قۇقىقتىق اكتىلەردە بالالاردى وتباسىلاردان تارتىپ الۋعا قاتىستى بىردە-بىر نورما جوق.

- مەملەكەتتىك ساياسات بالانى تۋعان وتباسىندا تاربيەلەۋ قۇقىعىن قامتاماسىز ەتىپ, بالالاردى تاربيەلەۋ مەن ولاردىڭ قاۋىپسىزدىگىن قامتاماسىز ەتۋ ماسەلەلەرىندە ەڭ الدىمەن اتا-انالارعا باسىمدىق بەرۋگە باعىتتالعان. مەملەكەت ومىرلىك قيىن جاعدايعا تاپ بولعان وتباسىلاردى قولداۋعا ارنالعان ءتيىمدى شارالاردى ۇنەمى ىسكە اسىرىپ كەلەدى, - دەپ ايتتى ەدىل وسپان.