11 ناۋرىز, 2024 news
فوتو: facebook/نۇرسۇلتان بايمەنوۆ
گۇلشارا ءابدىحالىقوۆانى "حاننىڭ قىزى" دەپ اتاعان ءسوزى ارقىلى ءبىراز تانىلعان قىزىلوردا وبىلسىنىڭ تۇرعىنى ساندۋعاش تۇرلىبەكوۆانىڭ ۇستالۋىنا بايلانىستى دەرەك شىقتى.
قىزىلوردا وبلىسى ؛جاڭاقورعان اۋدانى پوليسيا ءبولىمىنىڭ مالىمەتىنشە, ؛ساندۋعاش تۇرلىبەكوۆانىڭ ۇستىنەن ەكى ادام "بوپسالاۋ" فاكتىسى بويىنشا ارىزدانعان. ؛
؛
"6 ناۋرىزدا قىزىلوردا وبلىسىندا ازاماتشا تۇرلىبەكوۆانى ۇستاۋ دەرەگى بويىنشا تومەندەگىنى حابارلايمىز. 28 اقپان جانە 6 ناۋرىز كۇندەرى قىزىلوردا وبلىسىنىڭ پوليسيا دەپارتامەنتىنە ەكى وبلىس تۇرعىنى بۇل ازاماتشانى قىلمىستىق جاۋاپكەرشىلىككە تارتۋ تۋرالى ارىزبەن جۇگىندى. تۇرلىبەكوۆا بوپسالاۋ ارقىلى جانە ار-نامىس پەن قادىر-قاسيەتكە نۇقسان كەلتىرەتىن مالىمەتتەردى تاراتامىن دەپ قورقىتىپ, جابىرلەنۋشىلەردەن ءىرى كولەمدە اقشا تالاپ ەتكەنى انىقتالدى. بۇل دەرەك بويىنشا قىلمىستىق ءىس قوزعالدى. تۇرلىبەكوۆا اۋىر قىلمىسقا كۇدىكتەلدى, بۇدان بولەك تاعى بىرنەشە بوپسالاۋ فاكتىلەر انىقتالدى جانە پروسەسكە قاتىسۋشىلاردىڭ جاۋاپتارىن بۇرمالاۋعا ىقپال ەتىپ, تەرگەۋدىڭ جان-جاقتى جۇرگىزىلۋىنە كەدەرگى كەلتىرۋ مۇمكىن, وسىعان سايكەس تەرگەۋ سوتىمەن وعان قاتىستى كۇزەتپەن ۇستاۋ سانكسيالاندى. ۇستاۋ زاڭ شەڭبەرىندە جۇرگىزىلدى, ارنايى قۇرالدار مەن جاۋىنگەرلىك ادىستەر قولدانىلعان جوق. كۇدىكتى ۋاقىتشا ۇستاۋ يزولياتورىنا قامالدى" دەلىنگەن پوليسيا حابارلاماسىندا. ؛
؛
؛
بۇعان دەيىن الەۋمەتتىك جەلىلەردە ساندۋعاش تۇرلىبەكوۆانى پوليسيا ۇستاپ اكەتىپ بارا جاتقانى بەينەلەنگەن فوتو تاراعان. ول كەزدە قۇزىرلى ورگاندار ماردىمدى اقپارات تاراتپاعان بولاتىن.
ساندۋعاش تۇرلىبەكوۆا قىزىلوردا وبلىسىنىڭ ەكس-اكىمى گۇلشارا ءابدىحالىقوۆانىڭ جاڭاقورعان اۋدانىنا ساپارى بارىسىندا پوليسيانىڭ جولدى جاپقانىنا نارازىلىق ءبىلدىرىپ, "جولدى جاباتىن حاننىڭ قىزىسىز با؟" دەگەن سوزىنەن كەيىن كوپشىلىككە تانىلىپ كەتكەن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر