جەر سىلكىنىسى 2029 جىلعا دەيىن جالعاسۋى مۇمكىن – سەيسمولوگ

جىل باسىندا 4,5 بالل شاماسىندا بولعان جەراستى ءدۇمپۋى ءبىراز جۇرتتى ابىگەرگە ءبىر سالسا, كەشە بولعان 5,3 بالدىق ءزىلالادان ءبىرقاتار عيماراتتارعا زاقىم كەلگەن. سەيسمولوگ مۇحتار حايداروۆ تابيعي قۇبىلىس ەۋرازيا قۇرلىعىندا ءار عاسىر سايىن 25 جىل بويى ءتۇرلى دەڭگەيدە قايتالانىپ تۇراتىنىن ايتادى.

&ndash؛ نەگىزى جەر سىلكىنىسىنە بايلانىستى بولجام جاساۋ وتە قيىن. ال جەر سىلكىنىسىنىڭ بيىل جيىلەپ كەتۋىنىڭ سەبەبىنە كەلسەك, بۇنى قازاقستاننىڭ ەۋرازيا ماتەريگىندە ورنالاسقانىمەن بايلانىستىرۋعا بولادى. بۇل قۇرلىقتا جەر سىلكىنىسىنىڭ وزىندىك سيكلى بار. كەي ؛ۋاقىتتاردا قۋاتتىلىعى ءارتۇرلى جەر سىلكىنىستەرى 25 جىلعا دەيىن سوزىلىپ جاتادى. ماسەلەن, وتكەن عاسىردىڭ باسىندا جەر سىلكىنىسى 25 جىل بويى قايتالانىپ تۇرعان. قازىرگى كەزەڭگە كەلسەك, 2009 جىلى يندونەزيادا ماگنيتۋداسى 9 باللدى قۇرايتىن جەر سىلكىنىسى بولدى. 2008 جىلى قىتايدا, 2011 جىلى جاپونيادا, بىلتىر تۇركيادا 8 باللعا جۋىق جەر سىلكىنىسى بولعانىن بىلەمىز. وسى تەوريانى باسشىلىققا الاتىن بولساق, سەيسمولوگتار قۋاتتىلىعى ءارتۇرلى ءزىلزالالار 2029 جىلعا دەيىن جالعاسادى دەگەن بولجام ايتادى, &ndash؛ دەيدى مۇحتار حايداروۆ.

سەيسمولوگ الماتى سياقتى سەيسميكالىق جەردە قاشان دا قامدانىپ, دايىن جۇرگەن ارتىق ەتپەيتىنىن ايتادى.