رەسەيدە 20 جىلداي گۋبەرناتور بولعان قازاق امان تولەەۆ قايتىس بولدى

كەمەروۆو وبلىسىنىڭ بۇرىنعى گۋبەرناتورى امان تولەەۆ 79 جاسىنا قاراعان شاعىندا ؛ دۇنيەدەن وزدى. ساياساتكەردىڭ ومىردەن وزعانى تۋرالى اقپاراتتى قازىرگى ايماق باسشىسى سەرگەي سيۆيلەۆ ۆكونتاكتە جەلىسىندەگى رەسمي پاراقشاسىندا حابارلادى.

"1997 جىلدان 2018 جىلعا دەيىن كەمەروۆو وبلىسىنىڭ گۋبەرناتورى بولعان امان گۋميرۇلى تولەەۆ ومىردەن ءوتتى. ول &ndash؛ بۇكىل ءومىرىن كۋزباسس پەن رەسەيگە قىزمەت ەتۋگە ارناعان جارقىن, ەرەكشە تۇلعا. بۇل &ndash؛ ورنى تولماس قازا. وڭىرىمىزدەگى كەي وقيعالار امان گۋميرۇلىمەن بايلانىستى: كەنشىلەر ءترانسسىبىر تەمىر جولىنداعى قوزعالىستى بوگەگەن قيىن-قىستاۋ كەزەڭدەردە ايماقتى باسقارىپ, داعدارىستان شىعارا ءبىلدى", &ndash؛ دەپ جازدى گۋبەرناتور.

بۇعان دەيىن امان تولەەۆ 2018 جىلعى ءساۋىر ايىندا 60 ادام, كوبىسى بالالار قازا تاپقان "زيمنيايا ۆيشنيا" ورتىنە بايلانىستى ميتينگىدەن كەيىن اكىم قىزمەتىنەن كەتكەن بولاتىن.

سول جىلى تولەەۆ ءوزىنىڭ ساياسي مانسابىن اياقتاعانىن حابارلاعان ەدى. سونىمەن قاتار امان تولەەۆ پرەزيدەنتتىك سايلاۋعا ءۇش رەت: 1991, 1996 جانە 2000 جىلدارى ۇمىتكەر رەتىندە قاتىستى. تاسس اگەنتتىگىنىڭ مالىمەتىنشە, امان تولەەۆ 1944 جىلى 13 مامىردا تۇرىكمەن كسر-دە دۇنيەگە كەلگەن. اكەسى قازاق. اناسى جاعىنان تاتار, باشقۇرت قانى بار. ونىڭ ەسىمى امانگەلدى يمانوۆتىڭ قۇرمەتىنە قويىلعان. اكەسى مولداعازى قولدىبايۇلى تولەەۆ مايداندا قازا تاپقان.