"؛قانشا ايەلدىڭ تاعدىرى سىنعانىن كۇتەمىز؟"؛: ماجىلىستە زورلىق-زومبىلىق ماسەلەسى كوتەرىلدى

ماجىلىس دەپۋتاتى جۇلدىز سۇلەيمەنوۆا ەلىمىزدەگى تۇرمىستىق زورلىق-زومبىلىق ماسەلەسىن كوتەرىپ, پرەمەر-مينيستر ءاليحان سمايىلوۆقا ساۋال جولدادى. ؛

"جەمقورلىق ءۇشىن سوتتالىپ, ارتىنان راقىمشىلىققا يە بولعان ەكس-شەنەۋنىك ءوز ايەلىن ءولتىردى دەگەن كۇدىككە ءىلىندى" دەگەن جانتۇرشىگەرلىك اشىق اقپاراتتاردان قوعام دۇربەلەڭگە ءتۇستى. وتباسىلىق زورلىق-زومبىلىق, قاتىگەز پاتريارحالدىق وزبىرلىققا شىداماعان ايەلدەردىڭ جان داۋىسىن ەستيتىن جانە قاتاڭ شارا قابىلدايتىن ۋاقىت جەتتى دەپ بىلەمىز", - دەدى دەپۋتات. ؛

سۇلەيمەنوۆانىڭ ايتۋىنشا, ؛تۇرمىستىق زورلىق-زومبىلىق بولعان جاعدايدا, حاتتاما جاساۋ ءۇشىن ءقازىر كۋاگەرلەردىڭ, ايعاقتارىنا جانە بەينە باقىلاۋعا سۇيەنە وتىرىپ, زورلىق-زومبىلىق جاساۋ فاكتىسى بويىنشا جابىرلەنۋشىنىڭ ارىزىنسىز ءىس قوزعاۋ ءقاراستىرىلعان.

"بىراق وسىعان قاراماستان, زورلىق-زومبىلىقتىڭ تولاستاماۋى ايەلدەردىڭ قۇقىعىن قورعاۋ, بالالاردىڭ قاۋىپسىزدىگىن ساقتاۋ زاڭناماسىن قاتاڭداتۋمەن بىرگە, قوعامدا قىلمىسقا مۇلدەم توزبەۋشىلىك ءپرينسيپى, زاڭ مەن ءتارتىپتىڭ قاتاڭ ساقتالۋى دارىپتەلىپ, ناسيحاتتالۋىن قاجەت ەتەدى. سول كەزدە قابىلدانعان زاڭدار ساپالى ورىندالاتىن بولادى", دەدى سۇلەيمەنوۆا. ؛

2021 جىلى ۇيدەگى زورلىق-زومبىلىقتىڭ سوتقا تەك 40 پايىزى جەتكەن. ال ونداي ابيۋزەرلەرگە كوبىنە كەشىرىم بەرىلىپ, بوساعان, ال ولاردىڭ تەك 39 پايىزى عانا 2 ساعاتتان 3 تاۋلىككە دەيىن اكىمشىلىك قاماۋدا وتىرعان.

&ndash؛ وتباسىلىق زورلىق-زومبىلىق, قاتىگەز پاتريارحالدىق وزبىرلىققا شىداماعان ايەلدەردىڭ جان داۋىسىن ەستيتىن جانە قاتاڭ شارا قابىلدايتىن ۋاقىت جەتتى دەپ بىلەمىز. وسىدان تۋرا ءبىر عاسىر بۇرىن قازاق حالقى دامىعان پروگرەسسيۆتى ەل بولۋى ءۇشىن ايەل تەڭدىگىن ىسكە اسىرىپ, قوعامداعى قازاق ايەلىنىڭ اۋىر جاعدايىن شەشۋگە تالپىندى. قىزداردى بىلىمگە, ونەرگە ۇندەدى, وتباسىنداعى ءجونسىز قاتالدىقتى, مەيىرىمسىزدىكتى اياۋسىز اشكەرەلەدى. قازاق ايەلدەرىنىڭ ەندىگى تاعدىرى بارىمىزگە تىكەلەي بايلانىستى. وتباسىنداعى زورلىق-زومبىلىقتى توقتاتۋ ءۇشىن &ndash؛ ءبىرىنشى ەلىمىزدە قۇندىلىقتارعا نەگىزدەلگەن مادەنيەتتى قالىپتاستىرۋ, يدەولوگيانى جەتىلدىرۋ, جاۋاپكەرشىلىكتى كۇشەيتۋ, ەڭ باستىسى زاڭدى قاتاڭداتۋ جانە ونىڭ ساپالى ورىندالۋىن جۇزەگە اسىرۋىمىز قاجەت, - دەيدى دەپۋتات.

قىركۇيەكتىڭ باسىندا بالالارعا جانە وتباسىنداعى ايەلدەرگە قارسى جاسالاتىن زورلىق-زومبىلىقتى توقتاتۋ ماقساتىندا, اماناتتىق-دەپۋتاتتار ارنايى زاڭ جوباسىن تەز ارادا ازىرلەگەن. ۇكىمەتتىك ەمەس ۇيىمدار, بەلسەندى ەكسپەرتتەر, مەملەكەتتىك ورگاندارمەن بىرلەسكەن كەڭەيتىلگەن فراكسيا وتىرىسىندا زاڭ جان-جاقتى تالقىلانىپ, پىسىقتالعان.

&ndash؛ ەڭ باستىسى, زاڭ جوباسىندا زورلىق-زومبىلىق قىلمىستىق ءىس بولىپ تانىلادى, پەدوفيلدەر ءومىرباقي باس بوستاندىعىنان ايىرىلادى, جاۋاپكەرشىلىك پەن جازا كۇشەيتىلەدى. سونىمەن قاتار, بۇل قۇجات ايەلدەر مەن بالالاردى قورعاۋعا جوعارى جاۋاپكەرشىلىك جانە تۇرمىستىق زورلىق-زومبىلىق جاعدايلارىنا قاتاڭ ارەكەت ەتۋ تەتىكتەرىن قاراستىرادى. دەگەنمەن, نەبىر «؛قىڭىر مۇددەلى»؛ توپتاردىڭ ارالاسۋىمەن اتالعان زاڭ تۇجىرىمداسىنداعى نورمالاردى ۇكىمەت قولداماي وتىر. ءارتۇرلى ەكسپەرتتىك ورتاعا سالىپ, تۇسىنىكسىز سەبەپتەرمەن زاڭ ءالى ماجىلىسكە كەلگەن جوق. ءوزىمىز جاساعان, ايەلدەر مەن بالالاردى ناقتى قورعايتىن زاڭ جوباسىنا قاجەتتى قورىتىندىنى ۇكىمەت سوزبالاۋدا. سوندا تاعى دا قانشاما ايەلدەردىڭ تاعدىرىن سىنعانىن كۇتەمىز؟ - دەيدى ول.