14 قاراشا, 2023 بارلىق ايماقتار
قازاقستان حالقى 20 ميلليونعا جاقىنداپ كەلەدى
ء
بىر جىلدا ەل حالقى 1,4% كوبەيدى.
فوتو عالامتور جەلىسىنەن الىندى
2023 جىلعى 1 قىركۇيەكتەگى جاعداي بويىنشا, قازاقستان حالقىنىڭ سانى 19,9 ملن ادامدى قۇرادى, بۇل بىلتىرعىدان 1,41% ارتىق. بۇل تۋرالى finprom.kz جازدى.
بيىل جىل باسىنا قاراي ەلىمىزدە 19,8 ملن ادام بولسا, جىلدىق ءوسىم 1,35%. جالپى, ەل حالقىنىڭ ءوسۋ قارقىنى 1,28%&ndash؛1,49% دەڭگەيىندە. ەرەكشەلىك 2022 جىل بولدى. ول كەزدە حالىق سانىنىڭ 3,3% ءوسۋى العاش رەت تىركەلدى.
2023 جىلعى 1 قىركۇيەكتەگى جاعداي بويىنشا, حالىق سانى ەڭ كوپ وڭىرلەر الماتى قالاسى (2,2 ملن ادام), تۇركىستان (2,1 ملن ادام) جانە الماتى (1,5 ملن ادام) وبلىستارى. ەڭ از ۇلىتاۋ, سولتۇستىك قازاقستان جانە اباي وبلىستارىندا: تيىسىنشە 221,5 مىڭ, 531,7 مىڭ جانە 608,9 مىڭ ادام.
سونىمەن قاتار, ءبىرقاتار وبلىستاردا: سولتۇستىك قازاقستان, اباي, جەتىسۋ, شىعىس قازاقستان جانە قوستاناي وبلىستارىندا حالىق سانىنىڭ تومەندەۋى بايقالدى.
گەندەرلىك كورسەتكىش بويىنشا جىل باسىندا ەرلەر سانى ءبىر جىلدا 1,4% ءوسىپ, 9,6 ملن ادامعا, ايەلدەر سانى 1,3% ءوسىپ, 10,1 ملن ادامعا جەتتى.
وقي وتىرىڭىز: قازاقستاننىڭ 8 وبلىسىندا حالىق سانى ميلليونعا جۋىق ادامعا ازايادى &ndash؛ 2050 جىلعا بولجام
ايەلدەردىڭ جالپى سانى ەرلەر سانىنان 4,9% اسىپ تۇستى.
ەل حالقىنىڭ 35,5%-ىن 18 جاسقا دەيىنگى بالالار قۇرادى: شامامەن 7 ملن. ەلدە 29 جاسقا دەيىنگى 2,7 ملن جاس بار.
60 پەن 69 جاس ارالىعىنداعى حالىق سانى 1,6 ملن, 70 پەن 79 جاس ارالىعىنداعىلار &mdash؛ 681,6 مىڭ, 80 جاستان اسقاندار &mdash؛ 317,3 مىڭ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر