نارتاي ارالبايۇلى: 775 ملن دوللاردى سپورتقا ءبولىپ, 8 قولامەن كەلدىك

قازاقستان جوعارى جەتىستىكتەر سپورتىنا  ؛بيۋدجەتتەن 775 ميلليون دوللار ءبولىپ وتىر. بۇل تۋرالى بۇگىن ءماجىلىس وتىرىسىندا دەپۋتات نارتاي ارالبايۇلى حابارلادى. ؛

"مىناۋ نە ماسقارا؟ حالىق كەدەيشىلىكتىڭ قۇزىنا قۇلاپ جاتقاندا سپورتقا 775 ميلليون دوللار ءبولۋ ساۋ ادامنىڭ اقىلىنا سيا ما؟ ەڭ سوراقىسى, قيساپسىز اقشا بولسەك تە, جەتكەن جەتىستىگىمىز جوق. مىسالى, 2021 جىلى توكيودا وتكەن جازعى وليمپيادا ويىندارىندا قازاقستان قۇراماسى بار-جوعى 8 قولا مەدال يەلەنىپ, 92 مەملەكەتتىڭ ىشىندە ء83-شى ورىن الدى. سوندا الگى 775 ميلليون دوللارعا جەتكەن جەتىستىگىمىز وسى ما؟ ەندى سالىستىرىپ ايتايىن, جوعارى جەتىستىكتەر سپورتىنا 41 ميلليون دوللار بولگەن نيدەرلاندى توكيوداعى وليمپيادادا 10 التىن, 12 كۇمىس, 14 قولا مەدال الدى. ال جوعارى جەتىستىكتەر سپورتىنا 46 ميلليون دوللار بولگەن دانيا توكيودا 3 التىن, 4 كۇمىس, 4 قولا مەدال الدى. ءبىز 775 ميلليون دوللاردى سپورتقا ءبولىپ 8 قولامەن كەلدىك", دەيدى دەپۋتات. ؛

سونداي-اق دەپۋتات مينيسترلىكتىڭ 180 سپورت تۇرىنە قىرۋار قارجى ءبولىپ وتىرعانىنا نارازى. ؛

"تەك 50-گە جۋىعى عانا جازعى وليمپيادا ويىندارىنىڭ تىزىمىنە ەنگەن. قالعان 100-دەن استام سپورت تۇرىنە مينيسترلىك نە ءۇشىن بيۋدجەتتەن اقشا ءبولىپ وتىر؟ سالىستىرىپ ايتايىن, ۇلىبريتانيا وليمپيادا باعدارلاماسىنا كىرەتىن تەك 15 سپورت تۇرىنە بيۋدجەتتەن قارجى بولەدى, گەرمانيا 18 سپورت ؛ تۇرىنە قازىنادان اقشا بەرەدى, ال كورشىمىز وزبەكستان تەك 17 سپورت تۇرىنە بيۋدجەتتىڭ قارجىسىن جۇمسايدى. بىزدىكى نە شاشپالىق؟ قازاقستان قازىنادان اقشا بەرەتىن 180 سپورت ءتۇرىنىڭ ىشىندە پەنچاك سيلات, سپورتتىق بالىق اۋلاۋ, بياتل, ترياتل, پەتانك, تەكبول, ۋنيفايت, چەرليدينگ دەگەندەر ءجۇر. بۇل ؛ ؛ اتاۋلاردى بۇرىن ەستىگەندەر بار ما ءوزى؟ ايتپاقشى قازاقستاننىڭ بيۋدجەتىنەن قارجى بولىنەتىن جانە ءبىر سپورت ءتۇرى بار, سپورت نا پيلونە دەگەن. ىزدەپ قاراڭىزدار, مينيسترلىك بۇعان قالاي قارجى ءبولىپ وتىر دەپ جاعا ۇستايسىزدار", دەپ مالىمدەدى نارتاي ءارالبايۇلى. ؛

وز ساۋالىندا دەپۋتات مينيسترلىك بەكىتكەن 180 سپورت ءتۇرىن شۇعىل تۇردە قىسقارتۋدى ۇسىندى. ؛

"مەملەكەت باسىمدىق بەرەتىن باعىتتاردا وليمپيادالىق, ۇلتتىق, ودان كەيىن, پارا جانە سۋردوليمپيادالىق سپورتتار قالۋى ءتيىس. وليمپيادالىق سپورتتاردىڭ بارلىعى بىردەي  ؛ ؛جەمىس بەرىپ جاتقان جوق. سوندىقتان ساراپتاما جاساپ, جۇلدە اكەلەتىن تۇرلەرىنە عانا باسىمدىق بەرۋ كەرەك", دەپ ۇسىندى ول. ؛

 ؛