نۇرلان ۇرانحاەۆ اباي اۋدانىنىڭ جاڭا اكىمىن تانىستىردى

بۇگىن اباي اۋدانىنىڭ اكتيۆىمەن كەزدەسۋدە وبلىس اكىمى نۇرلان ۇرانحاەۆ العاشقى رەت اۋدان جانە وبلىستىق ماڭىزى بار قالا اكىمدەرىنىڭ سايلاۋى ناتيجەسىندە سايلانعان اۋداننىڭ جاڭا باسشىسىن تانىستىردى.

قازاقستان رەسپۋبليكاسىنىڭ «؛سايلاۋ تۋرالى»؛ زاڭىنا سايكەس اۋدانىنىڭ اۋماقتىق سايلاۋ كوميسسياسىنىڭ شەشىمىنىڭ نەگىزىندە مەيىرجان سەرىكبوسىنۇلى سماعۇلوۆ اباي اۋدانىنىڭ اكىمى لاۋازىمىنا سايلاندى.

مەيىرجان سەرىكبوسىنۇلى ەڭبەك جولىن باس مامان بولىپ باستاپ, مەملەكەتتىك قىزمەتتىڭ بارلىق باسپالداعىن كەزەڭ-كەزەڭىمەن ءوتتى. اۋىلدىق وكرۋگ اكىمى بولدى, كەيىننەن اۋدان اكىمىنىڭ ورىنباسارى بولىپ قىزمەت اتقاردى.

وڭىر باسشىسى نۇرلان ۇرانحاەۆ وتكەن سايلاۋ دەموكراتيالىق, الەۋمەتتىك-قۇقىقتىق دامۋ باعىتىن تاڭداعان ەل دامۋىنىڭ جاڭا كەزەڭىن كورسەتەتىنىن ەرەكشە اتاپ ءوتتى. سونداي-اق جاڭا باسشىنى قۇتتىقتاپ, قىزمەتىنە تابىس تىلەدى.

«؛بۇل &ndash؛ دەموكراتيالىق, الەۋمەتتىك, قۇقىقتىق باعىتتى تاڭداپ العان ەلىمىز ءۇشىن, دامۋدىڭ جاڭا كەزەڭى ەكەنى ءسوزسىز.
كۇنى كەشە, 5 قاراشادا ەل تاريحىندا العاش رەت, 45 وڭىرىندە اكىمدەر سايلاۋى ءوتتى. ولاردىڭ قاتارىندا, اباي ەلىنىڭ بولۋى دا زاڭدى قۇبىلىس دەپ ەسەپتەيمىن! كوپكە ۇلگى بولعان, قاسيەتتى ءوڭىر, ءوزىنىڭ ساياسي مادەنيەتىن كورسەتىپ, تاڭداۋىن جاسادى. وسى ورايدا, سايلاۋدىڭ جوعارى دارەجەدە وتۋىنە تىكەلەي, سەپتىگىن تيگىزگەن بارشا اۋدان تۇرعىندارىنا ريزاشىلىعىم مەن العىسىمدى بىلدىرەمىن!»؛, - دەدى وبلىس اكىمى.

جيىن بارىسىندا نۇرلان ۇرانحاەۆ اۋداننىڭ بۇرىنعى اكىمىنە ەڭبەگى مەن ءوڭىردىڭ دامۋىنا قوسقان ۇلەسى ءۇشىن ريزاشىلىعىن ءبىلدىرىپ, الداعى ۋاقىتتا دا وڭىردەگى جۇمىسىن جالعاستىراتىنىن جەتكىزدى.