جالاقى جەتپەيدى. 90-شى جىلدارعا ورالامىز با؟

جۋىردا جاماۋباەۆ بايانداعانداي, ءقازىر جوو ستۋدەنتتەرى ءۇشىن قارجىلىق ساۋاتتىلىق كۋرستارىن ەنگىزۋ پىسىقتالىپ جاتىر جانە وقۋشىلار ءۇشىن دە ارنايى كۋرس ازىرلەنۋدە.

بىراق ۇكىمەت ءبىر نارسەنى بىلمەيدى.

نەمەسە بىلسە دە, بىلمەگەندەي كەيىپ تانىتادى. قازاقتىڭ نە سەبەپتى نەسيە الا بەرەتىنىن.

حالىق كرەديتتى قارجىلىق ساۋاتىنىڭ ازدىعىنان ەمەس, تابىسىنىڭ تومەندىگىنەن الادى.

بۇل ويىمىزدى قارجى سالاسىنداعى قازاق ءجۋرناليسى ەربول ازانبەك قوشتايدى ەكەن:

&ndash؛ حالىقتىڭ باسىنداعى كرەديت ماسەلەسىن بۇرىننان زەرتتەپ, قاراپ جۇرگەن ادام رەتىندە ايتارىم, قازاقستاندىقتاردىڭ قارىز بەن كرەديتكە ۇرىنۋىنا قارجىلىق ساۋاتتىڭ تومەندىگى, قارجى ۇيىمدارىنىڭ نەسيەنى وڭاي بەرەتىنى سەبەپ ەمەس. ارينە, اسەرى بار, ءبىراق نەگىزگى اسەر ەتۋشى كۇش بۇل ەمەس. ادامدى كرەديت الۋعا جەتەلەيتىن ەڭ باستى سەبەپ &ndash؛ تابىستىڭ تومەندىگى. اقشا جەتپەيدى. سوسىن ادام اقشانى قارىزعا الادى. قارجىلىق ساۋاتتى مىڭ جەردەن وقىتىپ, نەسيەنى بەرمەڭدەر دەپ شەكتەپ تاستاساڭ دا, اقشاعا ءزارۋ بار ادام ءبارىبىر قارىز الاتىن جەر ىزدەيدى. 90-شى جىلدارداعىداي پايىزعا قارىز بەرەتىندەر قايتا قاپتايدى وندا. ەڭ الدىمەن, حالىقتىڭ تابىسىن, جالاقىسىن كوتەرۋ كەرەك. بىزدە كەرىسىنشە, كەدەيلىكتى ەمەس, قارجىلىق ساۋاتتى ءبىرىنشى ورىنعا شىعارىپ وتىر, &ndash؛ دەيدى ول.

اقشاعا مۇقتاجدىقتان حالىق قارجى پيراميدالارىنا دا ۇرىنۋدا. ماسەلەن, قارجى پيراميدالارىنا كوبىنە وقۋ اقىسىن تولەي الماي قالعان ستۋدەنتتەر, زەينەتاقىسى وتە تومەن زەينەتكەرلەر, جالاقىسى ومىرىنە جەتپەي جۇرگەندەر كوپ الدانادى.

جاقىندا عانا ءبىر وتباسىنداعى ەرلى-زايىپتىنىڭ «؛ەلىماي &ndash؛ 2019»؛ قارجى پيراميداسىن ۇيىمداستىرىپ, 3 جىلدىڭ ىشىندە سالىمشىلارىن الداپ, 1,5 ملرد تەڭگەنى زاڭسىز يەلەنگەنى انىقتالدى. وعان دا تالاي ادام نەسيە الىپ تۇرىپ اقشا سالعان.