تاۋىق پەن جۇمىرتقا تاپشىلىعى جەتپەي تۇر ەدى

رەسەيدە قۇس ەتى 27 پايىزدان استامعا كۇرت قىمباتتاپ, رەسەيدىڭ «؛مينسەلحوزى»؛ تاۋىق ەتى مەن جۇمىرتقانىڭ ەكسپورتىنا تولىق تىيىم سالماق. ول ازداي, باعانى تۇراقتاندىرۋ ماقساتىندا بۇل ونىمدەردى قازاقستاننان ساتىپ الا باستادى.

قازاقستاننىڭ ۇلتتىق ستاتيستيكا بيۋروسى «؛رەسەي قازاقستاننىڭ قۇس ەتى مەن جۇمىرتقاسىن تۇك قالدىرماي الىپ كەتۋى مۇمكىن»؛ دەگەن الاڭداۋشىلىق ءبىلدىردى. سوڭعى جىلدارى ەلىمىزدە 12 قۇس فابريكاسى جۇمىسىن توقتاتقان.

بيۋرونىڭ دەرەگىنشە, قازاقستان قۇس شارۋاشىلىعى جونىنەن 33 جىل بۇرىنعى كورسەتكىشىنە ءالى جەتە الماي كەلەدى. ماسەلەن, «؛قازاقستان تاۋەلسىزدىك العان جىلى ەلدە 59,9 ملن باس قۇس بولعان. سودان سوڭ قۇس شارۋاشىلىعى 90-شى جىلداردىڭ توقىراۋىندا قۇلدىراپ كەتتى. سودان بەرى شيرەك عاسىر وتسە دە, قۇس شارۋاشىلىعى دامىماي كەلەدى. سالا ءبىر ءوسىپ, ءبىر دامىماي, تۇيىقتالىپ قالدى. بىلتىر 49,8 ملن باس قۇس, بيىل 52,09 ملن باس قۇس ءوسىرىلدى»؛, &ndash؛ دەيدى ۇلتتىق بيۋرو حابارلاماسىندا.

قۇس شارۋاشىلىعىمەن اينالىساتىن كاسىپكەرلەر جەم باعاسىنىڭ قىمباتتاۋىنا شاعىمدانادى. ونىڭ ۇستىنە, بۇعان دەيىن قۇس فابريكالارىنا ءار جۇمىرتقا ءۇشىن بيۋدجەتتەن بەرىلىپ كەلگەن قايتارىمسىز دەمەۋقارجى جويىلعان. ۇكىمەت باسشىسى ءاليحان سمايلوۆ قۇس جۇمىرتقاسىنا تولەنەتىن سۋبسيديانى قايتارۋ مۇمكىن ەمەس ەكەنىن ءمالىم ەتكەن. «؛رەسپۋبليكالىق بيۋدجەت مۇمكىندىكتەرىنىڭ شەكتەۋلى بولۋىنا بايلانىستى قازىرگى تاڭدا تاعامدىق جۇمىرتقانى سۋبسيديالاۋدى قايتا باستاۋ مۇمكىن ەمەس»؛, دەگەن بولاتىن ول دەپۋتاتتارعا بەرگەن جاۋابىندا.

ەلىمىزدە ءقازىر جۇمىرتقا وندىرەتىن قۇس فابريكالارىنىڭ ازايعانىن قازاقستان قۇس وندىرۋشىلەر وداعىنىڭ پرەزيدەنتى رۋسلان ءشارىپوۆ تە راستادى:

&ndash؛ بيىل بىلتىرمەن سالىستىرعاندا 200 مىڭ جۇمىرتقاعا از ءونىم بەرىلدى. اقمولا وبلىسىندا قۇس فابريكاسىنىڭ قۇر تۇرعانىنا 3-4 جىل بولدى. شىعىس قازاقستان وبلىسىندا ءقازىر ءبىر دە ءبىر فابريكا جوق. ول وڭىرگە تاۋىق ەتى مەن جۇمىرتقا ەلىمىزدىڭ وزگە وڭىرلەرىنەن جەتكىزىلەدى, &ndash؛ دەيدى ول.

دۇكەن مەن بازارلاردا ءقازىر جۇمىرتقانىڭ ءبىر داناسى 65-75 تەڭگەدەن ساتىلادى. ەت قىمباتتاپ تۇرعان زاماندا جۇرت جۇمىرتقا مەن قۇس ەتىن تالعاجاۋ ەتەتىن ەدى. ەندى ول دا قىمباتتاپ كەلەدى.

ساراپشىلاردىڭ پىكىرىنشە, قازىرگى تۇرىمىزبەن ەلىمىزدە قۇس شارۋاشىلىعىنىڭ ماسەلەلەرى ازىرگە شەشىلمەيتىن سەكىلدى. ءۇمىت جوق. ەلىمىزدە نەبارى 69 قۇس فابريكاسى تىركەلگەن, ونىڭ قانشاسى ناقتى جۇمىس ىستەپ تۇرعانى بەلگىسىز. سالادا قۇلدىراۋ بايقالا باستادى, بىلتىر جۇمىرتقامەن قامتاماسىز ەتۋ 96,3 پايىزدى ؛ قۇراسا, بيىلعى ول 93,9 پايىزدى كورسەتتى.