«تاڭىر جارىلقاسىن!» مۇرات ەسجاننىڭ «ويان, قازاعى» پروكاتقا شىقتى

بۇعان دەيىن ءفيلمنىڭ تەلەسەريال نۇسقاسى كورەرمەنگە جول تارتقان بولاتىن. تەلەحيكايادا الاش قايراتكەرى ءمىرجاقىپ دۋلاتۇلى ءومىرىنىڭ 1909-1935 جىلدارداعى كەزەڭى قامتىلادى. ءمىرجاقىپتىڭ «؛ويان, قازاق!»؛ كىتابىنىڭ جارىققا شىعۋى, «؛باقىتسىز جامال»؛ رومانىنىڭ جازىلۋى, رەۆوليۋسيادان كەيىنگى جىلدارداعى, اشارشىلىق كەزىندەگى قوعامدىق-ساياسي قىزمەتى, قىزىلوردا, سەمەي, ماسكەۋدىڭ ايگىلى «؛بۋتىركا»؛ اباقتىسىنداعى جىلدارى جانە جان جارى عاينيجامالمەن ماحاببات حيكاياسى سەريالدا كەزەك باياندالعان.

كينو نۇسقاسىنا سول وقيعا جەلىلەرىن سىعىمداپ, ءبىرتۇتاس ەتىپ بەرەدى. قويۋشى-رەجيسسەر مۇرات ەسجاننىڭ كوركەمدىك شەشىمدەرى, اشتىق جىلدارىنداعى حالىقتىڭ باسىنا تۇسكەن ناۋبەتتى, ءمىرجاقىپ دۋلاتۇلىنىڭ ازاتتىق جولىنداعى جان كەشتى كۇرەسىن كىشكەنتاي عانا دەتالداردى ويناتۋ ارقىلى دا ادەمى بەرىلگەن.

رەجيسسەر مۇرات ەسجان نارىقتاعى كينولارعا قاتىستى پىكىر ءبىلدىردى.  ؛

&ndash؛ وسى تاجىريبەدە بايقاعانىمىز نارىق كوپ نارسەنى شەشەدى. كومەديا سياقتى جەڭىل فورماتتاعى كينولاردىڭ جارناماسى جاقسى, كورەرمەنى كوپ, سوعان قاراي تابىسى دا جوعارى بولادى ەكەن. سول ءۇشىن بۇنداي جانرداعى فيلمدەر تۇسىرىلە بەرەدى, تۇسىرىلە بەرەدى. ال ەندى تاريحي, سالماقتى دۇنيەلەرگە جارناما ازدىعىنان كوزىقاراقتى كورەرمەن كەلمەي قالادى دا ەكرانداعى عۇمىرى قىسقا بولادى ەكەن. ءبىزدىڭ ەلدە تاريحي كينولاردىڭ از ءتۇسىرىلۋ سەبەبى وسى. بۇنداي دۇنيەلەردى كورمەيدى, تۇسىنۋگە كوپشىلىكتىڭ دەڭگەيى جەتپەيدى دەگەن تۇجىرىم قالىپتاسادى. قارلىعاشتىڭ قاناتىمەن سۋ سەپكەندەي وسى سەنىمدى بۇزساق, &ndash؛ دەپ كورەرمەننىڭ مول جينالىپ, ۇلت جاناشىرلارى جايىندا ءفيلمدى كورسە, رۋحى بيىكتەسە دەگەن ىزگى قالاۋىن جەتكىزدى.  ؛

كورەرمەننىڭ كوپتىگىنەن زالدا ينە شانشار ورىن بولمادى. تۇساۋكەسەرگە كەلگەن زيالى قاۋىم وكىلدەرى جوعارى باعالاپ, رەجيسسەرلىق جۇمىستى, باستى ءرولدى سومداعان باقىت قاجىباەۆتىڭ شەبەرلىگىن تۇس-تۇستان ماقتاپ جاتتى. ونەر سۇيەر قاۋىمدى ۇلى تۇلعا جايىندا تۇسىرىلگەن تولىقمەتراجدى ءفيلمدى كورۋگە شاقىرامىز!

kinopark جەلىسى ءدال قازىرگى ۋاقىتتا الماتى, استانا, قاراعاندى, قىزىلوردا, اقتاۋ, اتىراۋ, ورال, اقتوبە, شىمكەنت, تۇركىستان, جاڭاوزەن قالالارىندا بار. بۇگىننەن باستاپ فيلم سەمەي, وسكەمەن, تالدىقورعان, جەزقازعان, پەتروپاۆل, پاۆلودار قالالارىنداعى جەكەمەنشىك كينوتەاترلارعا قويىلادى.

«؛chaplin»؛ كينوتەاترلار جەلىسى كەستەسىنىڭ تىعىزدىعىنا بايلانىستى فيلم بۇل كينوجەلىلەردە كورسەتىلمەيدى.

 ؛