20 قىركۇيەك, 2023 بارلىق ايماقتار
ەرلان سايروۆ: كۋاگەرلەر روپ وپەراتورىنىڭ تۇپكى بەنەفيسيارى ءاليا نازارباەۆا دەپ كورسەتتى
بۇل تۋرالى ءماجىلىس دەپۋتاتى «amanat» پارتياسىنىڭ جانىنداعى سىبايلاس جەمقورلىققا قارسى ءىس-قيمىل جونىندەگى رەسپۋبليكالىق كەڭەستىڭ اتىراۋ قالاسىندا وتكەن كوشپەلى وتىرىسى بارىسىندا ايتتى.
فوتو: اشىق دەرەك كوزدەرىنەن الىنعان
ە. سايروۆتىڭ ايتۋىنشا, پارتيا جانىنداعى كەڭەستىڭ مۇشەلەرى رەسپۋبليكاعا بەلگىلى زاڭگەرلەر, مەملەكەت قايراتكەرلەرى مەن قوعام بەلسەندىلەرى جانە دەپۋتاتتار. كەڭەستىڭ جۇمىسى بارىسىندا وڭىرلەردەگى پروبلەمالارعا عانا ەمەس, بۇگىندە وزەكتى بولىپ وتىرعان ەلدەگى ماسەلەلەرگە باسا ءمان بەرەدى. وسى ورايدا كەڭەس ءتوراعاسى جينالعانداردىڭ نازارىن روپ وپەراتورىنا قاتىستى ماسەلەگە اۋداردى. ؛
«؛ادىلەتتى قازاقستاننىڭ كىرپىشى زاڭدى ورىنداۋداعى شىندىقتان قۇرالادى. بارلىعى زاڭ جانە زاڭدى قۇقىققا سايكەس بولۋى كەرەك. بارشامىزعا بەلگىلى جاقىندا روپ دەپ اتالاتىن ۇيىم باسشىلارىنىڭ ءبىرقاتارى قىلمىستىق جاۋاپقا تارتىلدى. سوت بارىسىندا كوپتەگەن كۋاگەرلەر جەمقورلىققا قارجىنىڭ تۇپكى بەنەفيسيارى ءاليا نازارباەۆا دەپ كورسەتتى. ءبىراق سوت تا, باس پروكۋراتۋرا وكىلدەرى دە سوت پروسەسىندە بۇل ازاماتتاردىڭ ۋاجىنە ەشقانداي نازار اۋدارمادى. ەگەر قازاقستاندا ادىلەتتى قوعام ورناتامىز دەسەك, ءاربىر ازامات ءوزىنىڭ كىناسىزدىگىن سوتقا كەلىپ دالەلدەۋى قاجەت»؛, ؛- دەدى دەپۋتات. ؛
سونداي-اق ول ازاماتتاردىڭ ءۋاجىن مىندەتتى تۇردە باس پروكۋراتۋراعا جەتكىزەتىنىن جانە بۇل ماسەلە كەڭەستىڭ باقىلاۋىندا بولاتىنىن جەتكىزدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر