• usd 468.56

  • eur 497.56

  • rub 7.3

  • cny 67.18

23 قىركۇيەك, 08:53:20
الماتى
+35°

بىرجان داۋلەتقازى 15 جىلعا جۋىق ۋاقىتتان بەرى الماتىداعى باقوردا بازارىنىڭ ماڭىندا كولىك رادياتورىن, كونديسيونەرىن, پەشىن جوندەۋمەن اينالىسادى. و باستا بۇل سالاعا كەلەم دەگەن وي ءۇش ۇيىقتاسا دا تۇسىنە كىرمەگەن. وقۋ وقيمىن, ءبىلىم قۋام, قىزمەت ىستەيمىن, امەريكاعا بارسام دەپ ارماندايتىن. الايدا ءومىر جولى وزگەشە ءوربىدى. ايتكەنمەن وعان ەش وكىنبەيدى, ال امەريكا تۋرالى ۇمىتقان ەمەس. تۇبىندە ءبىر بارىپ قايتاتىنىنا سەنىمدى. ؛

كەيىپكەرىمىز قىتايدىڭ ىلە-قازاق اۆتونوميالىق وبلىسىنا قاراستى كۇنەس اۋدانى زەكتى قالاشىعىنىڭ تۋماسى. ەر جەتە باستاعاننان قازاقستانعا كەلۋدى ويعا العان. ۇيگە سالماق سالماس ءۇشىن ەڭبەككە جاستاي ارالاسىپ, وقۋشى كەزىنەن ەرەسەكتەرمەن قاتار قانت زاۋىتىندا, كىرپىش شىعارىتىن جەردە ىستەيدى. 2005 جىلى مەكتەپتى ءتامامداپ, جيعان-تەرگەنىمەن قازاقستانعا كەلەدى. جوعارى وقۋ ورنىندا وقۋ نيەتىمەن قانداستارعا ارنالعان باعدارلاما اياسىندا ءبىر جىل شىمكەنتتە دايارلىق كۋرسىنان ءوتىپ, 2006 جىلى الماتىداعى اگرارلىق ۋنيۆەرسيتەتتىڭ اگرو-حيميا ماماندىعىنا گرانتقا تۇسەدى. امەريكانى كورۋ تۋرالى العاشقى ويلار وسى شاقتا پايدا بولعان. اقش-تا وقىپ جاتقان دوسىنىڭ ايتقاندارىنا قىزىعىپ, فيلمدەردەگى امەريكالىقتاردىڭ ءومىر سالتى, &ldquo؛امەريكالىق ارمان&rdquo؛ تۋرالى اڭگىمەلەر قۇشتارلىعىن ارتتىرا ءتۇستى. وسى ويدىڭ جەتەگىمەن 2 كۋرستا سىرتتاي بولىمگە اۋىسىپ, اعىلشىن ءتىلىن وقيدى. كۋرس اقشاسىن تولەۋ ءۇشىن ساۋدا ورتالىقتارىندا, مەيرامحانالاردا داياشى بولىپ جۇمىس ىستەيدى. اراسىندا شەت ءتىلىن ءبىر جىل ۇرىمشىگە بارىپ وقىپ, كەلىسىمەن قازاقستان ازاماتتىعىن الادى. ءبىراق امەريكاعا بىردەن كەتە قويۋ قايدا&hellip؛ جانباعىس, كۇنكورىس دەپ ويلاماعان جەردەن كولىك رادياتورىن جوندەۋمەن شۇعىلداناتىن اعاسىنىڭ جانىنان ءبىر-اق شىعادى. ءۇش ايدا نەنىڭ نە ەكەنىن ءتۇسىنىپ, ءبىر جىلدا شارۋانىڭ سىرىن ءبىر كىسىدەي ۇعىپ الادى. سودان بەرى بۇل كاسىپ تۇراقتى جۇمىسىنا اينالدى.

فوتو: qamshy.kz

بيىلعى اپتاپ ىستىقتا كولىك شەبەرىنىڭ الدىنان ادام ۇزىلمەدى. ۇيقىنى ۇمىتىپ 14-15 ساعاتقا دەيىن جۇمىس ىستەگەن كەزدەر كوپ. مۇنداي ءنوپىر كۇندە بۇيىرا بەرمەيتىندىكتەن, جۇمىستان ەش قاشپايدى.

فوتو: qamshy.kz

سول ءبىر تىنىمسىز كۇندەردىڭ وتەۋى ىسپەتتى تامىزدىڭ ورتا شەگىنەن بەرى جۇمىس سايابىرسىعان. بۇل ؛&ndash؛ ادەتتەگى جايت. وسى سالانىڭ وزىندىك ەرەكشەلىگى. بىرەر اي وسىلاي بولىپ, پەشىن جوندەتۋشىلەر قازاننىڭ ورتاسىنان جاڭا جىلعا دەيىن جۇمىستى قايتا قىزدىرادى دا قاڭتاردان ساۋىرگە دەيىن جۇمىس ءبىر قالىپتا جۇرەدى.

جۇمىس بىردە قاۋىرت, بىردە باياۋ بولعانىمەن تابىسسىز قالعان كەزى جوق. ءوز ءۇيى مەن ۇلكەن ءۇيدى تەڭدەي قامتاماسىز ەتىپ وتىر. ۇلكەندەردى زەكتىدەن كوشىرىپ العان. ولاردى وسىندا جايعاستىرۋدا دا نەگىزگى جۇكتى ءوزى كوتەرگەن. ارا-تۇرا شەتەل ارالاپ تۇرادى. ەل ءىشى مەن قىتايدى ايتپاعاندا قىرعىزستان, وزبەكستان, موڭعوليا, گرۋزيانى كورگەن. ەندىگىدە باكۋگە بارۋدى ويلايدى.

فوتو: qamshy.kz

فوتو: qamshy.kz

وزى &ldquo؛شەتەلدە دەمالۋ ءۇشىن اسقان باي بولۋ شارت ەمەس, تەك قولدا باردى ۇقساتا ءبىلۋ جەتكىلىكتى&rdquo؛ دەيدى. بيىل ەۋروپانىڭ 5 ەلىنە ساياحاتتاماق بولعان. الايدا العان قوس بىردەي ۇيىنە جوندەۋ جۇرگىزىپ, جوسپارىن كەيىنگە شەگەرگەن. ايتقانداي كەيىپكەرىمىزدىڭ الماتىدا ءۇش پاتەرى بار. كەيىنگى ەكەۋىنە ءۇيدىڭ ىرگەتاسى قالانا باستاعاننان قارجى قۇيىپ, نارىقتىق قۇننان تومەن باعاعا العان. ءبارى ۇل-قىزىنىڭ بولاشاعى مەن جايلى قارتتىقتىڭ قامى. الداعى جىلدارى پاسپورتتاعى ەلدەردىڭ سانىن ارتتىرىپ, اقش-قا ۆيزاعا تاپسىرىپ كورمەك. ءسويتىپ, امەريكانى كورەم دەگەن بالالىق ارمانىن ورىنداۋدى ويلايدى.

بىرجان داۋلەتقازى قوعامدىق ومىردەن دە تىسقارى ەمەس. ەلدەگى ساياسي وقيعالارعا بەيجاي قارامايدى. qamshy پورتالىنىڭ استارلى ازىلگە نەگىزدەلىپ, ساياسي ساتيراعا قۇرىلعان qamshylike جوباسىن جاساۋعا بەلسەنە ارالاسىپ, كوپتەگەن بەينەروليكتەردە اكتەرلىك قىرىن سىناپ كورگەن.

 ؛
 ؛
 ؛
پوسموترەت ەتۋ پۋبليكاسيۋ ۆ instagram
 ؛
 ؛
 ؛

پۋبليكاسيا وت bilal quanysh (@bilal_quanysh)

شەبەردى ىزدەپ كەلۋشىلەردىڭ دەنى تۇراقتى كليەنتتەر, جاڭا ادامداردىڭ ءوزى نەگىزىنەن تانىسىنىڭ كەڭەسىمەن كەلىپ جاتادى.

 ؛

&ldquo؛جوندەلسە ونى, جوندەلمەسە ونى ايتام. جاساۋعا بولاتىن نارسەنى جاڭاسىنا اۋىستىرعىزىپ اۋرەلەتپەيمىن. بۇل كاسىپتە ادال ىستەگەن دۇرىس. قۋلىق, وتىرىكپەن ءىس العا باسپايدى. ادامدى ءبىر رازى ەتسەڭ, تۇراقتى كليەنتىڭە اينالادى, تانىستارىنا دا ايتا جۇرەدى. ال ريزا بولماي كەتكەن ادام قايتىپ كەلمەيدى, ءسويتىپ كليەنت جوعالتاسىڭ&rdquo؛ دەيدى ءوزى.

 ؛

سالادا جۇرگەن 15 جىلدا 20 شاقتى بالا تاربيەلەپ شىعارعان. بۇگىندە ولاردىڭ 10-نان استامى كاسىبىن دوڭگەلەتىپ وتىر. كەيىپكەرىمىزدىڭ كەلەشەكتە ىسكە اسىرسام دەگەن ويلارى بارشىلىق. ول جايلى جار سالعاندى ەمەس, ۋاقىت ەنشىسىنە قالدىرىپ, &ldquo؛ارىق ايتىپ, سەمىز شىققاندى&rdquo؛ قۇپ كورەدى. وعان دەيىن ءناسىبىن وسى كاسىپتەن تەرىپ جۇرە بەرمەك.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر