• usd 468.56

  • eur 497.56

  • rub 7.3

  • cny 67.18

20 شىلدە, 13:44:35
الماتى
+35°

ۇلىتاۋ وبلىسىنداعى ؛قاراجال ءوڭىرىنىڭ تۇرعىنى 28 جاستاعى ارايلىم ەسىمدى قالىڭدىعى مىنگەن كولىكتى سوعىپ, جول جيەگىنە شىعارىپ جىبەرگەن. اتالعان وقيعا ؛قاراجال-قاراعاندى ​​تاس جولىندا بولدى. ؛

قازا تاپقان قىز بەن كۇدىكتى جىگىت جاقىن ارادا نەكەسىن قيدىرماق بولعان. الايدا تۋىستارى ارالارىندا كەلىسپەۋشىلىكتەر تۋىنداپ, جىگىت قىزدى ؛كۇندە ۇرىپ-سوعاتىنىن ايتقان. ؛قايعىلى وقيعادان بۇرىن قىز اتا-اناسىنا تەلەفون سوعىپ, ونى الىپ كەتۋىن ؛وتىنەدى. ءبىراق ونى ۇيىنە الىپ بارا جاتقاندا, قاراجالدان قاراعاندىعا قاراي شىعا بەرىستەگى تاسجولدا ماس كۇيەۋ جىگىت ولاردى توقتاتىپ, كولىكتەرىنىڭ تەرەزەلەرىن تەمىر قۇبىرمەن سىندىرعان.

كەيىن كولىكتەگىلەر پوليسياعا بارماق بولادى. الايدا ىشىمدىككە تويىپ العان كۇيەۋ جىگىت كولىكتىڭ ارتىنان قالماي, ؛ارتقى بامپەرىن جانە سول جاق قاپتالىنان كەلىپ ؛سوققان. كولىك اۋدارىلىپ, ارىققا ءتۇسىپ كەتكەن. ارايلىم وقيعا ورنىندا قازا تاۋىپ, اناسى مەن اعاسىنىڭ دوستارى جاراقات العان. ؛ ؛

"5 تامىزدا بەس جولاۋشىسى بار كولىك جول اپاتىنا ءتۇسىپ, قاراجال قالاسىنىڭ پوليسيا بولىمىندە 345-باپ 2-بولىگى بويىنشا "ابايسىزدا ادام دەنساۋلىعىنا اۋىر زيان كەلتىرۋگە اكەپ سوققان جول قوزعالىسى ەرەجەلەرىن بۇزۋ" تىركەلدى. 18 تامىزدا 28 جاستاعى جابىرلەنۋشىنىڭ قازا بولۋىنا بايلانىستى ءىس 345 - باپ 3-بولىگىنە "ابايسىزدا ادام ولىمىنە اكەپ سوقتىرعان جول ەرەجەسىن بۇزۋ" قايتا قارالعان, - دەپ حابارلادى ۇلىتاۋ وبلىسى پد ءباسپاسوز قىزمەتى.

ۆەدومستۆو مالىمەتىنشە, سوتالدى تەرگەپ-تەكسەرۋ بارىسىندا ءتيىستى سوت ساراپتامالارى تاعايىندالعان. 6 قىركۇيەكتە ساراپتاما قورىتىندىسى الىنعاننان كەيىن قىلمىستىق ءىس 99-باپ 1-بولىگى "ادام ءولتىرۋ" بويىنشا قايتا قارالعان.

"باسقا زارداپ شەككەندەرگە قاتىستى قىلمىستىق كودەكستىڭ 24-بابى 3-بولىگى جانە 99-بابى 2-بولىگىنىڭ 1-تارماعى بويىنشا "ەكى جانە ودان دا كوپ ادامدى ولتىرۋگە قاستاندىق جاساۋ" بويىنشا سوتالدى تەرگەپ-تەكسەرۋ باستالدى. كۇدىكتى ۇستالىپ, ۋاقىتشا ۇستاۋ يزولياتورىنا قامالدى. سوتالدى تەرگەۋ جالعاسىپ جاتىر. قىلمىستىق ءىستى تەرگەۋدى پد مەن وبلىس پروكۋراتۋراسىنىڭ باسشىلىعى باقىلاۋعا الدى", - دەدى ۆەدومستۆو وكىلدەرى.

 ؛
"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر