اباي وبىلىستىنداعى ءورت سالدارىنان ءۇش اۋىلدىڭ تۇرعىندارى ۇيلەرىن تاستاپ كەتكەن

اباي وبلىسىندا ءۇش اۋىلدىڭ تۇرعىندارى ورمان ورتىنە بايلانىستى ۇيلەرىنەن كەتىپ قالدى دەپ حابارلادى وبلىستىق اكىمدىكتىڭ ءباسپاسوز قىزمەتى.

اكىمدىكتىڭ حابارلاۋىنشا, ۋسپەنسكوە, پودنەبەسنوە جانە بارىشەۆكا اۋىلدارىنىڭ تۇرعىندارى باسپانالارىن تاستاپ كەتۋگە ءماجبۇر بولعان. ولار ءقازىر تۋىستارىن ساعالاپ وتىر.

9 ماۋسىمعا قاراعان ءتۇنى بورودۋليحا اۋىلىنداعى مەكتەپ پەن كوللەدجدەن ەۆاكۋاسيالىق پۋنكتتەر ۇيىمداستىرىلعان.

"ورتتىڭ ورمان شەتىنەن قاشىقتىعى &ndash؛ 11 شاقىرىم. اۋدانى - 20 گەكتار. ەلدى مەكەندەرگە ءقاۋىپ ءتونىپ تۇرعان جوق. سوعان قاراماستان, رومانوۆكا, كامىشەنكا ەلدى مەكەندەرىنىڭ شەكاراسىندا جەر جىرتۋ جۇمىستارى جۇرگىزىلىپ جاتىر. اۋا رايى جاعدايى: +34 گرادۋس, سولتۇستىكتەن سوققان جەلدىڭ جىلدامدىعى &ndash؛ 2 م/س" دەپ جازىلعان اكىمدىك حابارلاماسىندا.

اكىمدىك وكىلدەرىنىڭ ايتۋىنشا, اباي وبلىسىنىڭ اكىمى نۇرلان ۇرانحاەۆ تا وقيعا ورنىنا بارعان.

ورتتى سوندىرۋگە شامامەن ورتپەن كۇرەس قىزمەتىنىڭ جەكە قۇرامىنىڭ 300 وكىلى, 70 شاقتى تەحنيكا, ءۇش تىكۇشاق جۇمىلدىرىلعان.

مامىر ايىنىڭ سوڭىندا وسى رەزەرۆاتتا ءىرى ءورت بولىپ, 3,5 مىڭ گەكتار اۋماقتى شارپىعان بولاتىن. ؛

 ؛

دەرەككوز: ازاتتىق راديوسى