فوتو: اشىق دەرەككوز
الماتىدا سوت قاڭتار وقيعاسى كەزىندە قالا تۇرعىنى جاسۇلان انافياەۆتى ۋاقىتشا ۇستاۋ يزولياتورىندا ازاپتاپ ءولتىردى دەپ ايىپتالعان جەتى پوليسەيگە بەس جىلدان 10 جىلعا دەيىن تۇرمە جازاسىن كەستى. بۇل &ndash؛ قاڭتار وقيعاسىنان كەيىنگى ازاپتاۋ وقيعالارى بويىنشا پوليسەيلەرگە بەرىلگەن ەڭ اۋىر جازانىڭ ءبىرى. ؛
ايىپتالعان جەتى پوليسەيدىڭ ەكەۋى &ndash؛ ايان ەلۋبەكوۆ پەن ماحامبەت شىنجىرباەۆ 10 جىلعا, زاكير يبراگيموۆتى 9 نۇرلان تورىباەۆ, ارداق ازىمبەكوۆ پەن بەيبىت جاقىپباەۆتى 8, ارنات ءميراديلوۆتى 5 جىلعا سوتتالدى.
تەرگەۋ بارىسىندا جاسۇلان انافياەۆتىڭ جاقىندارى كۇدىكتىلەرگە تاعىلعان ايىپ تىم جەڭىل ەكەنىن ايتقان بولاتىن. ءجارىسسوز كەزىندە جابىرلەنۋشى تاراپتىڭ ادۆوكاتى ايمان قۇرمانباەۆا سۋدياعا ايىپتى قىلمىستىق كودەكستىڭ "ازاپتاۋ" بابىنان "ادام ءولتىرۋ" بابىنا اۋىستىرۋدى سۇراعان ەدى. ءبىراق سۋديا ءوتىنىشتى قابىلداعان جوق.
"بۇل جەردە ادامدى اسا قاتىگەزدىكپەن ولتىرگەن. ونىڭ ساراپتامالارى بار. ۋاقىتشا ۇستاۋ يزولياتورىنىڭ بەينەباقىلاۋ كامەرالارى وشىرىلگەن. كۋالەردىڭ جاۋاپتارى بار, قان-قان ەدەندى سۇرتكەن, جۋعىزعان" &ndash؛ دەدى ءىستى باقىلاعان قۇقىققورعاۋشى ؛رينات ريفحات.
ايىپتالۋشىلار سوت پروسەسى كەزىندە وزدەرىنە تاعىلعان ايىپتى مويىنداعان جوق, ال 7 ماۋسىمدا وتكەن سوتتا ؛سۋديا جەتى پوليسەيدىڭ "كىناسى تولىق دالەلدەندى" دەپ مالىمدەدى.
سوت ايىپتالۋشىلارعا انافياەۆتىڭ قارىنداسى مەن جارىنا 20 ميلليون تەڭگە مورالدىق شىعىندى بىرىگىپ تولەۋدى مىندەتتەدى. سوتتالۋشىلار پروسەسس شىعىندارىن دا تولەۋى كەرەك. ۇكىم ازىرگە زاڭدى كۇشىنە ەنگەن جوق, ەكى تاراپ 15 كۇننىڭ ىشىندە اپەللياسيالىق شاعىم تۇسىرە الادى.
؛
دەرەككوز: ازاتتىق راديوسى
؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر