فوتو: اشىق دەرەككوز
سىبايلاس جەمقورلىققا قارسى ءىس-قيمىل اگەنتتىگى داۋرەن اباەۆ مادەنيەت جانە سپورت ءمينيسترى بولىپ تۇرعان كەزدەگى زاڭ بۇزۋشىلىقتاردى تەكسەرە باستاعان, دەپ حابارلايدى كازتاگ. ؛
"انتيكور داۋرەن اباەۆ مادەنيەت جانە سپورت مينيسترلىگى بولىپ تۇرعان كەزدەگى زاڭسىزدىقتاردى تەكسەرىپ, نازار اۋدارا باستادى. ءقازىر 2022 جىلى "ەۋرازيا" حالىقارالىق كينوفەستيۆالىنە قاتىستى تەكسەرىس جۇمىستارىن جۇرگىزۋدە", - دەپ جازادى دەرەككوز. ؛
اتالعان اقپاراتقا قاتىستى رەداكسيا ساۋالىنا انتيكور قىسقا جاۋاپ قايىرعان. ؛
"سىبايلاس جەمقورلىققا قارسى ءىس-قيمىل اگەنتتىگى مادەنيەت جانە سپورت مينيسترلىگىنىڭ لاۋازىمدى تۇلعالارىنا قاتىستى ءبىرقاتار قىلمىستىق ءىستى تەرگەپ جاتىر", دەلىنگەن انتيكور جاۋابىندا. ؛
ەسكە سالساق, ؛داۋرەن اباەۆ 2022 جىلدىڭ قاڭتارىنان 2023 جىلدىڭ قاڭتارىنا دەيىن مادەنيەت جانە سپورت ءمينيسترى قىزمەتىن اتقاردى. بيىلعى جىلدىڭ ناۋىرىزىنان باستاپ تمد باس حاتشىسىنىڭ ورىنباسارى لاۋازىمىندا. ءقازىر د.اباەۆ قىزمەت بابىنا بايلانىستى بەلارۋس استاناسى مينسكىدە تۇرادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر