قازاقستانداعى مەكتەپتەر توتەنشە جاعدايعا دايىن بولماي شىقتى

ەلىمىزدىڭ بارلىق مەكتەبى توتەنە جاعدايلارعا دايىن ەمەس. ؛جىل باسىنان بەرى ءبىلىم بەرۋ مەكەمەلەرىندە 50 مىڭنان استام كەمشىلىك انىقتالعان. بۇل تۋرالى توتەنشە جاعدايلار مينيسترلىگى مالىمدەدى.

ساقتىق شاراسىنا سالعىرت قاراعاندار سالدارىنان سوڭعى 10 ايدا ءتىلسىز جاۋ 14 بالانىڭ ءومىرىن جالماعان. قايعىلى جاعدايلاردىڭ كوبى ءورت, ءيىس ءتيىپ ۋلانۋدان بولعان, دەپ حابارلادى اlmaty.tv.

اپاتتىڭ الدىن الۋعا بىزدەگى ءبىلىم وشاقتارىنىڭ ەشبىرى دايىن بولماي شىقتى. توتەنشە جاعدايلار مينيسترلىگىنىڭ اقپارىنشا, جىل باسىنان بەرى 5 مىڭنان استام مەكتەپكە تەكسەرىس جۇرگىزىلىپتى. ناتيجەسىندە ساقتىق ەرەجەلەرىن ەسكەرمەگەن 50 مىڭعا جۋىق زاڭبۇزۋشىلىق انىقتالعان. ءتىپتى, 55 وقۋ ورداسىندا قاراپايىم دابىل تۇيمەشەگى دە قويىلماعان ەكەن.

"وسى جىلى مەكتەپتەردە 4 ءورت وقيعاسى بولدى. ءورت كەزىندە 8 جاعدايدا اۆتوماتتى دابىل جۇيەسى ىسكە قوسىلىپ, 1 جاعدايدا جۇمىس ىستەمەي قالدى. ءورت قاۋىپسىزدىك تالاپتارىنىڭ نەگىزگى بۇزىلۋى ءورتتى اۆتوماتتى تۇردە انىقتايتىن دابىلدىڭ بولماۋىنان ورىن العان", &ndash؛ دەدى قر توتەنشە جاعدايلار مينيسترلىگى ورتكە قارسى قىزمەت كوميتەتىنىڭ ءتوراعاسى نۇربولات دەربىسوۆ.

قاۋىپسىزدىكتىڭ ساقتالماۋى كوبىنە مەكتەپ جەتىسپەۋشىلىگىنەن بولادى. كەي وڭىردە ساباق اكىمدىك عيماراتىندا وتەدى. تار كابينەتتىڭ ءوزىن ارەڭ كادەگە جاراتىپ وتىرعاندا, ساقتىق شاراسى شەت قالىپ قوياتىن كورىنەدى.سوڭعى 5 جىلدا ءتىلسىز جاۋ ەلىمىزدە 776 بالانىڭ ءومىرىن جالماعان. بيىلدىڭ وزىندە 14 وقۋشى اجال قۇشىپتى. ؛

زاڭ بويىنشا مەكتەپتە ءتىلسىز جاۋدىڭ الدىن الۋ تالابى ساقتالماعان جاعدايدا بالا وقىتۋعا تىيىم سالىنادى. الايدا ەلدەگى ءبىلىم وشاعىنىڭ بارلىعى ەرەجەنى ەسكەرمەگەن بولىپ وتىر. ؛