21 مامىر, 2023 بارلىق ايماقتار
فوتو:baq.kz
بۇگىن «؛استانا وپەرا»؛ تەاترىندا مادەنيەت جانە ونەر قىزمەتكەرلەرى كۇنىنە ارنالعان اۋقىمدى مەرەكەلىك كەش ءوتتى. تۇڭعىش رەت وتكىزىلىپ وتىرعان ايتۋلى ءىس-شارا اياسىندا ساحنادا ءبىر ۋاقىتتا ەلىمىزدىڭ ءار وڭىرىنەن كەلگەن 1000-نان استام مۋزىكانت ونەر كورسەتتى, دەپ حابارلايدى baq.kz.
مەرەكەلىك ءىس-شارا باستالار الدىندا مادەنيەت جانە سپورت ءمينيسترى اسحات ورالوۆ جينالعان قوناقتارعا, كورنەكتى مادەنيەت قايراتكەرلەرى مەن شىعارماشىلىق زيالى قاۋىم وكىلدەرىنە, مەملەكەت باسشىسى قاسىم-جومارت توقاەۆتىڭ قۇتتىقتاۋ حاتىن وقىدى.
كونسەرتتىك باعدارلاماعا ەلىمىزدىڭ وڭىرلەرىنەن كەلگەن 24 شىعارماشىلىق ۇجىم وكىلدەرى قاتىستى. حور ۇجىمدارى, وركەسترلەر, ۆيرتۋوز اسپاپشىلارى, وپەرا جانە حالىق انشىلەرى اتاقتى سكريپكاشى, ديريجەر جانە كومپوزيتور, قازاقستان رەسپۋبليكاسىنىڭ ەڭبەك سىڭىرگەن قايراتكەرى مارات بيسەنعاليەۆتىڭ «؛ۇلى دالا اۋەنى»؛ اتتى وداسىن بىرگە ورىندادى.
وتاندىق مادەنيەت جانە ونەر قىزمەتكەرلەرىنە ارنالعان اۋقىمدى تۋىندى ۇلتتىق جانە كلاسسيكالىق مۋزىكانى ۇيلەستىرگەن. تىڭداۋشىلار اسەرگە تولى تانىس اۋەندەردى جاڭا نۇسقادا تاماشالاي الدى.
كونسەرتتىك باعدارلاما اياقتالعاننان كەيىن اسحات ورالوۆ ساحنادا ونەر كورسەتكەن ارتيستەر مەن شىعارماشىلىق ۇجىمداردىڭ جەتەكشىلەرىنە العىس حات تابىستادى.
مادەنيەت جانە ونەر قىزمەتكەرلەرى كۇنىنە ارنالعان ءىس-شارالار اپتالىعىن لايىقتى تۇردە اياقتادىق دەپ ويلايمىن. ءبىزدىڭ باستامامىزدى قولداعانداردىڭ بارلىعىنا جانە مەملەكەتتىك وپەرا جانە بالەت تەاترىنىڭ ساحناسىندا ونەر كورسەتۋگە شاقىرۋدى قابىلداعان شىعارماشىلىق ۇجىمدارعا راحمەت ايتقىم كەلەدى. وسى جوباعا قولداۋ ءبىلدىرىپ, قاتىسقانى ءۇشىن مارات بەيسەنعاليەۆكە ەرەكشە العىس. مينيسترلىگىمىز مادەنيەت پەن ونەر سالاسىن دامىتۋ جانە قولداۋ باعىتىنداعى جۇمىستى جالعاستىرادى. الداعى ۋاقىتا بەلگىلەنگەن ناقتى تاپسىرمالاردى سىزدەرمەن بىرگە ورىنداي الاتىنىمىزعا كۇمانىم جوق, - دەدى قر مادەنيەت جانە سپورت ءمينيسترى اسحات ورالوۆ.
بىر اپتا بويى ەلىمىز بويىنشا كونسەرتتەر, كورمەلەر, دوڭگەلەك ۇستەلدەر جانە باسقا دا بارلىعى 100-دەن استام ءىس-شارا ءوتتى. سونداي-اق 300 مادەنيەت قىزمەتكەرى «؛مادەنيەت سالاسىنىڭ ۇزدىگى»؛ توسبەلگىسىمەن, 2000-ى قۇرمەت گراموتالارىمەن جانە العىس حاتتارمەن ماراپاتتالدى. اسحات ورالوۆ بۇگىنگى كونسەرت مەرەكەلىك ءىس-شارالاردىڭ كەرەمەت كۋلميناسياسى بولعانىن جانە وسىنداي كەشتەر بۇدان بىلاي جاقسى داستۇرگە اينالاتىنىنا سەنىم ءبىلدىردى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر