پسيحيكالىق دەنساۋلىق ورتالىعىنىڭ ەمدەلۋشىلەرى اشتىق جاريالادى

پاۆلودار وبلىسىندا پسيحيكالىق دەنساۋلىق ورتالىعىنىڭ 16 ەمدەلۋشىسى اشتىق جاريالاعان. ؛

"سوت شەشىمىمەن ءماجبۇرلى تۇردە پسيحيكالىق دەنساۋلىق ورتالىعىنان ەم الىپ جاتقان 16 ادام تاماقتان باس تارتتى",&ndash؛ دەپ حابارلادى پاۆلودار وبلىسىنىڭ دەنساۋلىق ساقتاۋ باسقارماسى.

وبلىستىق پسيحيكالىق دەنساۋلىق ورتالىعىنىڭ باسشىسى قاحان يمانبەكوۆتىڭ ايتۋىنشا, ەمدەلۋشىلەر مەديسينالىق دەمالىس تالاپ ەتكەن. الايدا 2020 جىلدان باستاپ قازاقستان رەسپۋبليكاسى دەنساۋلىق ساقتاۋ ءمينيسترىنىڭ بۇيرىعىنا سايكەس سوت شەشىمىمەن الكوگول مەن ناشاقورلىقتان ءماجبۇرلى تۇردە ەمدەلىپ جاتقان ناۋقاستاردى دەمالىسقا شىعارۋعا بولمايدى.

بۇرىن ناۋقاستار مەديسينالىق دەمالىس الىپ, ءبىراز ۋاقىتقا بوساتىلاتىن. ؛ ءبىراق ولاردىڭ ەشقايسى ەمحاناعا قايتا ورالماعان, دەپ حابارلادى كازتاگ اقپاراتتىق اگەنتتىگى.

سونىمەن قاتار, ەمدەلۋشىلەر ورتالىقتاعى تاماققا سىن ايتقان. قاحان يمانبەكوۆ ءبىر ناۋقاسقا بەرىلەتىن بەس مەزگىل تاماق قۇنى 1123 تەڭگە تۇراتىنىن اتاپ ءوتتى. بۇل اۋرۋحانالار ءۇشىن ەڭ جوعارى كورسەتكىشتەردىڭ ءبىرى.

كەلىسسوزدەردەن كەيىن اشتىق جاريالاعان 16 ادامنىڭ بەسەۋى تاماق ىشە باستاعان.

 ؛