• usd 468.56

  • eur 497.56

  • rub 7.3

  • cny 67.18

14 شىلدە, 00:51:16
الماتى
+35°

ۋكراينا سىرتقى ىستەر مينيسترلىگى تمد ليدەرلەرىنىڭ ماسكەۋدەگى پارادقا بارۋىن "تاۋەلسىزدىك ءۇشىن كۇرەسىپ جاتقان ۋكراين حالقىنا قارسى دۇشپاندىق قادام" دەپ اتادى.

مالىمدەمەدە پاراد كەزىندە ۋكرايناعا قارسى سوعىسقا قاتىسىپ جاتقان رەسەيلىك اسكەري تەحنيكا كورسەتىلگەنى ايتىلعان. سونىمەن قاتار, ۆلاديمير ءپۋتيننىڭ "ۋكرايندەردى ءولتىرۋدى, ۋكراينانىڭ قالالارى مەن اۋىلدارىن تالقانداۋدى, بالا ۇرلاۋ مەن وككۋپاسيالانعان ۋكراين اۋماقتارى تۇرعىندارىنا قارسى رەپرەسسيانى اقتاعانى" دا جازىلعان.

"ىس-شارانىڭ الدىندا رەسەي ۋكراينانى ودان سايىن قيراتۋ ءۇشىن 25 قاناتتى زىمىرانىن ۇشىردى" دەدى ولار. بۇل تۋرالى ازاتتىق راديوسى جازدى.

مالىمدەمە اۆتورلارى ورتالىق ازيا مەن كاۆكاز حالقى 78 جىل بۇرىن ءناسيزمدى جەڭۋگە ولشەۋسىز ۇلەس قوستى دەپ جازعان. ال وسى ەلدەردىڭ قازىرگى باسشىلارىنىڭ پارادقا قاتىسۋى "ازاتتىعى ءۇشىن كۇرەسى جاتقان ۋكراين حالقىنا قارسى دۇشپاندىق قادام" دەپ باعالانعان.

ەسكە سالا كەتەيىك, 9 مامىردا ماسكەۋدەگى قىزىل الاڭدا ەكىنشى دۇنيەجۇزىلىك سوعىستاعى جەڭىستىڭ 78 جىلدىعىنا وراي اسكەري پاراد ءوتتى. شاراعا رەسەي پرەزيدەنتى ۆلاديمير پۋتينمەن بىرگە قازاقستان پرەزيدەنتى قاسىم-جومارت توقاەۆ, قىرعىزستان, تاجىكستان, وزبەكستان, تۇركىمەنستان پرەزيدەنتتەرى جانە بەلارۋس باسشىسى الەكساندر لۋكاشەنكو مەن ارمەنيا پرەمەرى نيكول پاشينيان قاتىسقان.

پۋتين پارادتاعى سوزىندە "باتىستاعى گلوباليستىك ەليتا رەسەيگە سوعىس اشتى" دەپ ايىپتاپ, باتىس ەليتاسىن ناسيستەرگە تەڭەگەن. رەسەي پرەزيدەنتى "باتىس رەسەيدىڭ قۇردىمعا كەتىپ, ىدىراعانىن قالايدى" دەدى.

ول سوۆەت وداعىنىڭ ەكىنشى دۇنيەجۇزىلىك سوعىس كەزىندەگى وداقتاستارىن اتاپ ءوتىپ, پارادقا كەلگەن تمد ەلدەرىنىڭ باسشىلارىنا العىس ءبىلدىردى.

"قامشى" سىلتەيدى
ىلمەك سوزدەر: تمد پۋتين ۋكراينا

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر