09 ءساۋىر, 2023 بارلىق ايماقتار
فوتو: qamshy.kz
حالىقتىق پارلامەنت 19 ناۋرىزدا وتكەن ءماسليحات جانە ءماجىلىس دەپۋتاتتارىن سايلاۋ ناتيجەلەرىنە قارسى ميتينگ وتكىزدى. رىسبەك سارسەنباي مەن مۇحتار تايجان باستاعان نارازىلىق بىلدىرۋشىلەر قاتارىندا ينگا يمانباي, سانجار بوقاەۆ سىندى قوعام بەلسەندىلەرى دە بار.
ميتينگكە پروكۋراتۋرا وكىلدەرى كەلىپ, شەرۋدىڭ زاڭسىز ەكەنىن ايتىپ, شەرۋگە شىعۋشىلاردان تاراۋىن سۇرادى.
الايدا نارازىلىق بىلدىرۋشىلەر پروكۋراتۋرا وكىلدەرىنە قارسى شىعىپ, شەرۋدى توقتاتپادى. زاڭگەر ءالنۇر يلياشەۆ ميتينگ كەزىندە قۇقىقبۇزۋشىلىق ورىن المايتىنىن, حالىقتىڭ بەيبىت شەرۋگە شىعۋعا قۇقىعى بار ەكەنىن ايتىپ, پروكۋراتۋرا وكىلدەرىنە جاۋاپ بەردى.
ميتينگە شىعۋشىلاردىڭ قولىنان "جەلتوقسان مەن قاڭتاردى ۇمىتپايمىز. كەشىرمەيمىز" دەگەن ۇراندى دا بايقاۋعا بولادى. شەرۋگە جەلتوقتانشىلار دا قاتىستى.
حالىقتىق پارلامەنت سايلاۋ ناتيجەلەرى مەن سەپاراتيزمگە قارسى قاۋلى قابىلداپ, شەرۋ سوڭىندا قازاقستاننىڭ ءانۇرانى شىرقالدى.
ميتينگ بارىسىندا زاڭبۇزۋشىلىقتار ورىن العان جوق. نارازىلىققا شىققاندار بەيبىت تۇردە تارقادى. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر