• usd 468.56

  • eur 497.56

  • rub 7.3

  • cny 67.18

29 ناۋرىز, 19:50:23
الماتى
+35°

بيلىك جانبولات مامايدى سوتتاعالى جاتىر. تاۋەلسىزدىكپەن قۇرداس جاس ساياساتكەردىڭ سوتى &ndash؛ «؛جاڭا قازاقستاننان»؛ ءۇمىت كۇتكەن كەز كەلگەن جاستى ويلاندىرۋى ءتيىس.

جانبولات ماماي &ndash؛ ۇلتشىل, پوليگلوت, وپپوزيسونەر, جانى بولات جاس ساياساتكەر.

جانبولات ماماي &ndash؛ جالعان وپپوزيسونەر, شەتەلدەن قارجى الاتىن الاياق, اشۋلى حالىقتى الاڭعا شاقىرعان بۇلىكشى.

كوكىرەك كوزى اشىلعان, اق پەن قارانى اجىراتا الاتىن ادىلەتشىل «؛از»؛ توپ پەن قولىندا زاكون قۋاتى بار, اقپارات الاڭىن تولىقتاي ۋىسىندا ۇستاعان بيلىكشىل «؛كوپتىڭ»؛ پىكىرى وسىنداي. ال كىمنىڭ «؛از»؛, كىمنىڭ «؛كوپ»؛ ەكەنىن «؛ۋاقىت»؛ ساعاتى كورسەتىپ كەلەدى, ءالى دە كورسەتەدى. 30 جىل كوزبوياۋشىلىق جاساعان «؛كوپ»؛ پەن «؛جاڭاوزەندە»؛, «؛قاڭتاردا»؛ قان كەشكەن «؛ازدىڭ»؛ تاريحى - سونىڭ دالەلى.  ؛

جانبولات 18 جاسىندا-اق «؛رۋح پەن ءتىل»؛ كلۋبىنىڭ جالىندى تىزگىنشىسى بولدى. ۇلتتىڭ رۋحىن جوقتادى, ءتىلدىڭ تەڭدىگىن ىزدەدى. 23 جاسىندا «؛جاڭاوزەندىكتەردىڭ»؛ جانىندا بولىپ, مۇنايشىلاردىڭ مۇڭىن ءبولىستى. سوتتالدى, اقتالدى. 29 جاسىندا ء«؛ابىليازوۆتان اقشا الدى»؛ دەگەن ايىپپەن تاعى دا اباقتىعا قامالدى. اياعىنا تۇساۋ, اۋىزىنا قاقپاق سالىندى. بۇعاۋى شەشىلگەن سوڭ تاعى دا بۇعىپ قالعان جوق. الاشتىڭ قاندى كەگى, جان جاراسى &ndash؛ «؛زۇلمات»؛ ءفيلمىن كورسەتتى. ىلە-شالا «؛قازاقستاننىڭ دەموكراتيالىق پارتياسىن»؛ قۇرۋعا كىرىستى. تىركەلمەگەن پارتيا تىرلىگىن جالعاستىرىپ كەلەدى. بيلىك «؛ۇيىمداستىرىلعان توڭكەرىس»؛ دەپ ساناعان «؛قاندى قاڭتاردا»؛ قارا ءنوپىر حالىقپەن بىرگە الاڭعا باردى. تاياق جەدى, ۇستالدى, ەندى سوتتالىپ جاتىر.

يا, جاس ساياساتكەر. ارتىق-كەم ايتىلعان ءسوزى, 100 پايىز كەسىپ-پىشىلمەگەن قادامى بولۋى زاڭدىلىق. اسىلى بۋىنى بەكىمەگەن تاۋەلسىزدىك ءۇشىن الاشتىڭ ءاربىر جاسى وسىلاي كۇرەسسە كەرەك ەدى. بۇل كۇرەس مەملەكەتتىلىكتى شايقالتۋ, ەگەمەندىكتى جوعالتۋ, ەل اراسىنا بۇلىك سالۋ ەمەس ەكەنى كوزى قاراقتى جۇرتقا ايدان انىق اقيقات. بۇل سوت &ndash؛ جانبولات مامايدىڭ عانا سوتى ەمەس. بۇل سوتتاۋ ؛&ndash؛ جالىندى جاستاردى, ؛ ۇلتشىل, مەملەكەتشىل پاتريوت ازاماتتاردى, اشىق پىكىردى, ادىلەتتى كوزقاراستى سوتتاۋ! ەگەر جانبولاتتىڭ كوزدەگەنى ؛&ndash؛ بيلىك, مانساپ, اقشا بولسا, وعان ونىڭ تالانتى دا, كۇش-جىگەرى دە, ءبىلىم, بىلىگى دە اسىپ جەتەرىنە ەشكىمنىڭ كۇمانى جوق شىعار. تەك ءسال عانا ءيىلىپ, يكەمگە كەلسە بولعانى. ءبىراق جانبولات ونداي جولدى تاڭدامادى. قارتايعان اكە-شەشەسىن, شىرىلداعان ايەلىن, شيەتتەي بالالارىن ويلاپ, وتان الدىنداعى پارىزىن «؛وتباسىنىڭ باقىتىنا»؛ بايلاعان جوق, باسىن بايگەگە تىكتى.

ەگەر قۇزىرلى ورىندار تايعا تاڭبا باسقانداي فاكتىلەرمەن «؛بۇلىكشىل جانبولاتتى»؛ سوتتاپ جاتسا وندا ءسوز بولەك ەدى. جۇلىنىنا قۇرت تۇسكەن جۇيەنىڭ كەمشىلىگىن ايتقان, قاراپايىم جۇرتتىڭ جانايقايىن جەتكىزگەن ساياسي ۇستانىمى ءۇشىن سوتتاۋ &ndash؛ باسقاسى باسقا «؛جاڭا قازاقستان»؛, «؛ەستيتىن ۇكىمەت»؛, «؛ادىلەتتى قوعام»؛ ؛ دەپ جار سالعان قازىرگى بيلىكتىڭ الەم الدىنداعى, قازاق الدىنداعى «؛قارابەت»؛ تىرلىگى, «؛سۇيەگىنە تاڭبا»؛ بولار تاريحي قاتەلىگى بولارى ءسوزسىز.

قازاقتا جانى بولات جاستار كوپ! بىرەۋلەر «؛قاسىقتاي قانى, شىبىنداي جانى قالعانشا»؛ بيلىكتى جاقتايدى. بىرەۋلەرى ماقالاسىنا ماي تامىزىپ, بيلىكتى ماقتايدى. بىرەۋلەر اقتايدى, بىرەۋلەر داتتايدى. ايەتۋىر جانىن سالادى, بارىن سالادى. ءسويتىپ, ماقساتىنا جەتەدى. مانساپ الادى, ورىنتاققا جايعاسادى. ءوز تاڭداۋى. بيلىكتى ىشىنەن وزگەرتەم دەيتىن ازاماتتاردىڭ ءۇمىتى اقتالعانىن قالايمىز. قاراپايىم جۇرت ورتاسىندا قال-قادەرىنشە ەلدىڭ قىزمەتىندە جۇرگەن «؛جانى بولاتتاردىڭ دا»؛ ەڭبەگى جانسىن دەيمىز. ال جانبولات مامايدىڭ ءجونى بولەك. ونىڭ «؛قاتەلىگى»؛ - الدىندا اباقتى كۇتىپ ؛ تۇرسادا, ايتارىن اشىق ايتىپ, شىندىق ءۇشىن شىرىلداۋى. ول قانداي شىندىق؟

مەملەكەتتىك دەڭگەيدە جۇرگىزىلگەن 30 جىلدىق «؛قارىن قامى»؛, «؛قالتا قامى»؛ - ءتىل, ءدىل, ءدىن دەيتىن ۇلتتىڭ ءۇش تۇعىرىن مۇگەدەك حالگە جەتكىزدى. شىن مانىندە ازداعان ادامنىڭ قالتاسى مەن قارىنىن قامپايتقان ساتقىن تىرلىك - الاشتىڭ ارىن, ۇلتتىق مۇراتىن, تاۋەلسىزدىك ۇستانىمىن مۇگەدەك ەتتى. تۇتاس ءبىر ءداۋىردىڭ بايلىعىن عانا ەمەس, ؛ «؛جاستىعىن»؛ ۇرلادى. تۇڭىلگەن, ءۇمىتى ۇزىلگەن, دارمەنسىز, رۋحسىز, شارشاعان «؛جوعالعان ۇرپاق»؛ شوعىرى قالىپتاستى. ءوز ۇلتىن, مەملەكەتىن, ەلىن, جەرىن شەكسىز سۇيگەن ازاماتتارعا تەك «؛بيلىكپەن اۋىز جالاسۋ»؛ دەيتىن تاڭداۋ قالدىردى. ايتپەسە جاۋسىڭ, دۇشپانسىڭ, بۇلىكشىسىڭ!!! «؛بيلىكتىڭ كەرەمەت قادامدارىن تۇسىنبەگەنىڭ ءۇشىن»؛ بولەكتەيدى, ۇسىنىس-پىكىرلەرىڭدى «؛قىستىرمايدى»؛, «؛ۇلت قامى»؛ دەگەنىڭ ۇساقتىق, «؛ەلدىڭ قامى»؛ دەگەنىڭ ەرتەك دەپ قابىلدايدى. اشىق ايتساڭ وپپوزيسيا, الاڭعا شىقساڭ «؛قىلمىسكەر»؛ بولاسىڭ!

اينالايىندار-اي! ؛ وزدەرى ايتپاقشى «؛تاۋەلسىزدىك»؛, «؛ەگەمەندىك»؛, «؛تىنىشتىق»؛ بيلىككە عانا كەرەك ەمەس شىعار! ساناسىندا ساڭلاۋى بار ءار قازاقتىڭ دۇعاسى سول ەمەس پە؟! جىلاتىپ ايتقان دوستى, جىلى ءسوز ايتقان قاستى اجىراتاتىن ۋاقىتقا كەلدىك قوي! كوزىنەن جاس توككەن كوپتىڭ ءبارى «؛كور سوقىر»؛ ەمەس! «؛كورگەنىمىز وسى تاۋەلسىزدىك, تاجىريبەمىز از»؛ دەيتىن ەمەس مىڭ جىلدىق ەل تاريحى, 30 جىلدىق «؛جاس قازاقستاننىڭ»؛ ساباعى ەندى قاتەلەسۋگە مۇمكىندىك بەرمەسە كەرەك ەدى.

دارا بيلىكتىڭ جولى &ndash؛ «؛تاۋەلسىزدىك»؛ پەن «؛بيلىكتى»؛ ءبىر ۇعىمعا اينالدىردى. بۇل دەگەن ءسوز «؛بيلىكتى قۇلاتۋ»؛ - تاۋەلسىزدىكتى جوعالتۋ دەگەنمەن بىردەي. رەسەيمەن اجىراماس وداق قۇرعان, قىتايدىڭ ينۆەستيسياسىنا شەشىلمەستەي بايلانعان, از عانا وليگارحتىڭ قامالىنا اينالعان «؛بيلىكتى قۇلاتۋ»؛ - تاۋەلسىزدىككە قاتەر توندىرەتىنى ايدان انىق. ءبىراق قازاق بالاسى «؛تاۋەلسىزدىكتەن ايىرىلادى ەكەنبىز»؛ دەپ «؛بيلىك دارمەنسىزدىگىنە»؛ كوز جۇمىپ قارايتىن ءتوزىم سابىردان شارشادى. ؛ ەگەر «؛جاڭا قازاقستان»؛ الاش جۇرتىنىڭ شىن ەگەمەندىگىن ويلاسا, «؛قازاقى سابىردىڭ»؛ قاتەرىمەن ويناماۋى ءتيىس. «؛تاۋەلسىزدىك»؛ پەن «؛حالىق»؛ ءبىر ۇعىمعا اينالعاندا عانا مەملەكەت تە, بيلىك تە مىزعىماس تۇراقتىلىققا, شايقالماس بەرەكەگە جەتەرى ءسوزسىز.

بىر جانبولات مامايدى سوتتاۋ &ndash؛ جانى بولات مىڭ جاستىڭ جىگەرىن جانيتىنى انىق. سوتتاۋمەن, تۇرمەگە توعىتۋمەن, اتۋمەن, ولتىرۋمەن جەتىستىككە جەتسە «؛نازارباەۆ بيلىگى»؛ جەتسە كەرەك ەدى. ادام ايناعا, بيلىك وپپوزيسياعا قاراپ ءوزىن تۇزەيدى. وزگەشە پىكىر, بالاما كوزقاراس ەڭ الدىمەن بيلىكتىڭ وزىنە كەرەك. جالعان وپپوزيسيا جارعا جىعادى. قاراپايىم حالىقتىڭ شىنايى تىلەگىن رەۆوليۋسيا ەمەس ەۆوليۋسيالىق جولمەن جەتكىزگەن قارسى توپتارعا, اسىرەسە جاس ساياساتكەرلەرگە مۇمكىندىك بەرىلمەسە, جاساندى ماقتاۋ, جاتتاندى ۇرانمەن ەشقانداي بيلىك ۇزاققا بارمايدى.

وسى زاماندا, وسى داۋىردە ءومىر ءسۇرىپ جاتقان جانبولاتتىڭ زامانداسى رەتىندە ءبىر اۋىز ءسوز ايتۋ &ndash؛ ءسوز ۇستاعان ءاربىر جاستىڭ مىندەتى دەپ ەسەپتەيمىن. جانبولات &ndash؛ ەشكىمنىڭ ەكى تۋىپ, ءبىر قالعانى ەمەس شىعار. ءبىراق ولدا قازاق. جاي قازاق ەمەس! ەلىم, جەرىم, ۇلتىم دەپ شىرىلداعان جاس ساياساتكەر. ءار سالادا جۇرگەن جانى بولات جاستاردىڭ بىرەۋى! بۇل جازبانى الاشتىڭ ءبىر بالاسى رەتىندە جانبولات مامايعا اراشا سۇراۋ دەپ بىلىڭىزدەر. جانبولاتتىڭ پىكىرىمەن كەلىسپەۋ, ونىڭ ۇستانىمىن قولداماۋ &ndash؛ اركىمنىڭ قۇقىعى. دەگەنمەن ايدىڭ, كۇننىڭ امانىندا, «؛جاڭا قازاقستان»؛ دەپ جار سالعان كەزەڭدە جالىنداعان جاس ساياساتكەردى 6 جىل باس بوستاندىعىنان ايىرۋ &ndash؛ بۇكىل قازاق ءۇشىن, اسىرەسە جاستار قاۋىمىنا ەشقانداي ابىروي اپەرمەسى انىق! بۇزىعى مەن تەنتەگىنىڭ وزىنە كەشىرىممەن قارايتىن حالىق ەدىك. تاۋەلسىزدىككە تۇكىرگەن بوتەندى, ميللياردتاردى قىلعىتقان جەمقورلاردى سوتتاۋدىڭ ورنىنا ساۋاتتى, قايراتتى, سانالى جاسقا كىسەن سالاتىنداي نە كۇيگە تۇستىك؟! ەلىم دەيتىن ەرلەرگە اراشا بولايىق, اعايىن!

بىلال قۋانىش, «؛قامشى»؛ اقپارات اگەنتتىگىنىڭ جەتەكشىسى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر