فوتو: اشىق دەرەككوز
رامازان ايىندا يەرۋساليمدەگى ءال-اقسا مەشىتىنە يزرايلدىك پوليسيا باسىپ كىردى. پالەستينالىق مۇسىلماندارعا گراناتا, رەزەڭكە وقپەن شابۋىل جاسالدى. شابۋىل سارسەنبى كۇنى باستالدى. ؛
رەسمي دەرەك بويىنشا قاقتىعىس كەزىندە 500-گە جۋىق پالەستينالىق ۇستالىپ, 100-دەن استامى زارداپ شەككەن. يزرايلدىك پوليسيا قىزمەتكەرلەرى جاراقات العان مۇسىلماندارعا اۋرۋحانادا ەم الۋىنا دا رۇقسات بەرمەي وتىر.
تۇركيا پرەزيدەنتى تايىپ ەردوعان يزرايل باسقىنشىلارىنىڭ ارەكەتىن قاتاڭ تۇردە سىنعا الدى.
"رامازان ايىندا ءيزرايلدىڭ ءال اقسا مەشىتى مەن مۇسىلماندارعا جاساعان تەررورلىق ارەكەتىن قاتاڭ سىنعا الاتىنىمدى بىلدىرگىم كەلەدى. مەشىتتە قۇلشىلىق جاساعان بەيبىت تۇرعىندارعا شابۋىل جاسالدى. مۇنىڭ اتى &ndash؛ زۇلىمدىق جانە پروۆوكاسيالىق ساياسات. پالەستينالىق باۋىرلارىمىز جالعىز ەمەس. مۇنداي ارامزا ارەكەتتى قاتاڭ تۇردە سىنعا الامىن جانە شابۋىلدى توقتاتۋعا شاقىرامىن", دەدى ەردوعان.
تۇركيا پرەزيدەنتى پالەستينا پرەزيدەنتى ماحمۋد ابباسقا حابارلاسىپ, كوڭىل ايتتى.
بۇدان بولەك ؛بۇۇ-نىڭ پالەستينانى باسىپ العان تەرريتورياداعى ادام قۇقىقتارىنىڭ جاعدايى تۋرالى ارنايى بايانداماشىسى فرانچەسكا البانەزە سارسەنبىدە ءيزرايلدىڭ قاۋىپسىزدىك كۇشتەرى يەرۋساليمدەگى ءال-اقسا مەشىتىندە پالەستينالىق مۇسىلماندارعا قارسى شابۋىلدى ايىپتادى. ؛
"پالەستينالىق مۇسىلماندار رامازان ايىندا قۇلشىلىق جاساۋ ءۇشىن ءال اقسا مەشىتىنە كىرگەن كەزدە يزرايلدىك پوليسيا نەگىزسىز شابۋىل جاسادى", دەپ جازدى البانەزە. ؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر