"؛ۋكراين بالالارىن قايتا تاربيەلەۋ لاگەرىنە الىپ كەتىپ جاتىر"؛: گااگاداعى حالىقارالىق سوت رەسەيگە قارسى ءىس قوزعايدى

جاقىندا گااگاداعى حالىقارالىق سوت رەسەيدىڭ ۋكرايناعا باسىپ كىرگەنىنە بايلانىستى ەكى قىلمىستىق ءىس اشىپ, بىرنەشە ادامدى قاماۋعا الۋعا وردەر بەرەدى.

new york times ؛پورتالىنىڭ حابارلاۋىنشا, رەسەيگە ەكى پۋنكت بويىنشا ايىپ تاعىلماق: ءبىرىنشىسى &ndash؛ ۋكراينانىڭ ازاماتتىق ينفراقۇرىلىمىن ادەيى تالقانداۋ؛ ەكىنشىسى &ndash؛ ۋكراينا جەرىندەگى قورعانسىز بالالاردى رەسەيگە كۇشتەپ الىپ كەتۋ. رەسەيلىكتەر ۋكراين بالالارىن قايتا تاربيەلەۋ لاگەرلەرىنە الىپ كەتىپ جاتىر. ؛

حالىقارالىق سوتتىڭ باس پروكۋرورى كاريم حان تاياۋدا ۋكرايناعا بارىپ, جاعدايمەن جەكە ءوزى تانىسقان بولاتىن. رەسەي شابۋىلىنان كەيىن ۋكراينانىڭ ينفراقۇرىلىمىنا ايتارلىقتاي زارار كەلدى, ميلليونداعان ادام زارداپ شەگىپ, جۇزدەگەن بەيبىت تۇرعىن قازا تاپقان.

ازىرگە حالىقارالىق سوت كىمدى ايىپتايتىنى بەلگىسىز. new york times پورتالىنىڭ كەيبىر دەرەككوزدەرى رەسەي پرەزيدەنتى پۋتينگە ايىپ تاعىلۋى مۇمكىن دەپ ەسەپتەيدى. ءبىراق باسىلىم سوت پروسەسىنىڭ بولاشاعىنا كۇماندانا قارايدى. ويتكەنى حالىقارالىق سوت قىلمىستىق ءىستى سىرتتاي جۇرگىزە المايدى. ال رەسەي گااگا سوتىن مويىندامايدى. ؛