وتباسى بانك كليەنتتەرى 115 ملرد تەڭگەدەن استام وتەماقى الادى

وتباسى بانكىندە («؛بايتەرەك»؛ حولدينگىنىڭ ەنشىلەس ۇيىمى) اشىلعان قازاقستاندىقتاردىڭ 883 071 دەپوزيتى 10% كولەمىندە, جالپى سوماسى 115 ملرد تەڭگەدەن استام وتەماقى الادى.

تەڭگەلىك دەپوزيتتەردى قورعاۋ باعدارلاماسىنىڭ ەرەجەلەرىنە سايكەس, وتەماقى 20 ملن تەڭگەدەن اسپايتىن سالىم سوماسىنا 10% كولەمىندە ەسەپتەلەتىن بولادى. بۇل ءبىر بانكتە اشىلعان بارلىق دەپوزيتتەردىڭ جالپى سوماسى.

2023 جىلدىڭ 23 اقپانىنداعى جاعداي بويىنشا, وتباسى بانك سالىمشىلارىنىڭ 80% جۋىعى (689 597) 200 000 تەڭگە كولەمىندەگى وتەماقىعا قول جەتكىزەدى. كليەنتتەردىڭ تاعى 13,3% (113 686) 200 000 تەڭگەدەن 500 000 تەڭگەگە دەيىنگى سوماعا سەنىم ارتا الادى. 1 ملن تەڭگەگە دەيىنگى مەملەكەتتىك قولداۋدى سالىمشىلاردىڭ 3,99 % (34 127) يەمدەنەدى. ال 2 ملن تەڭگە كولەمىندەگى ەڭ جوعارى سوما 2 375 دەپوزيت يەلەرىنىڭ ەسەپشوتىنا تۇسەدى.

وتەماقى الۋعا ءوتىنىش بەرگەندەردىڭ اراسىندا شوتىندا نەبارى 10 تەڭگەگە دەيىنگى جيناعى بار سالىمشىلار دا بولدى. ولاردىڭ بارلىعى (539) 1 تەڭگە كولەمىندە وتەماقى الادى.

وتەماقى 2023 جىلدىڭ 10 اقپانىنا دەيىن ءوتىنىش بەرۋ ارقىلى تولەمگە كەلىسىمىن راستاعان سالىمشىلارعا عانا اۋدارىلادى. ەگەر دەپوزيتتەن اقشا ءىشىنارا شىعارىلعان بولسا, وندا وتەماقى ساقتالعان دەپوزيتتىڭ ەڭ از قارجى قالدىعىنا ەسەپتەلەدى. سونداي-اق 2022 جىلدىڭ 23 اقپانىنان كەيىن سالىمعا تولىقتىرىلعان قاراجات ەسەپكە الىنبايدى.

ەگەر بانك سالىمشىسىندا ارالىق جانە الدىن الا تۇرعىن ءۇي زايمدارىن الۋ ماقساتىندا, ونىڭ ىشىندە ءۇشىنشى تۇلعالاردىڭ مىندەتتەمەلەرى بويىنشا دەپوزيتتى ؛ قامتاماسىز ەتۋ رەتىندە بەرىلگەن بولسا, سونداي-اق اتالمىش دەپوزيت 2022 جىلدىڭ 23 اقپانىنا دەيىن ساقتالسا, وندا اتالمىش سالىم بويىنشا دا وتەماقى قاراستىرىلادى.

2023 جىلدىڭ 6 ناۋرىزىنان باستاپ وتباسى بانك سالىمشىلارى ءۇشىن دەپوزيتتەن كەيىنگى وپەراسيالار قولجەتىمدى بولدى. اتاپ ايتساق بۇل &ndash؛ قۇقىقتار مەن مىندەتتەردى بەرۋ, بىرىكتىرۋ, ءبولۋ/ىشىنارا الۋ, تاريفتىك باعدارلامانى وزگەرتۋ. بۇعان دەيىن بۇل قىزمەتتەر وتىنىشتەردى قابىلداۋ جانە وتەماقى سوماسىن ەسەپتەۋ مەرزىمى اياقتالعانعا دەيىن ۋاقىتشا توقتاتىلعان بولاتىن.

وتەماقى كەلەسى دەپوزيتتەر بويىنشا تولەنبەيدى:

1) 2023 جىلدىڭ 23 اقپانىنا دەيىن (قوسا العاندا):

- جابىلعان دەپوزيتتەر؛

- كەپىل رەتىندە بولعان, كەيىن نەسيە وتەلىپ, كەلىسىمشارتى توقتاتىلعان دەپوزيتتەر؛

- تۇرعىن ءۇي زاەمىنا كوشكەن/تۇرعىن ءۇي زاەمى راسىمدەلگەن, ونىڭ ىشىندە اۆتوماتتى تۇردە كوشكەن دەپوزيتتەر بويىنشا؛

 ؛ 2) دەپوزيت ونلاين تابىستاۋ قىزمەتى ارقىلى (اقىلى تۇردە) ساتىلعان نەمەسە ساتىپ الىنعان دەپوزيتتەر بويىنشا.

 ؛ 3) دەپوزيت 23.02.2023 جىلعا دەيىن (امبەباپ قۇقىققا يە بولۋ تىركەۋىن قوسا العاندا) 10.02.2023 جىلعا دەيىن وتەماقى الۋعا ءوتىنىش بەرمەگەن سالىمشىعا تابىستالعان جاعدايدا.

جالپى بارلىعى 854 مىڭنان استام كليەنت وتباسى بانكىندەگى سالىمدارىنا وتەماقى الۋعا ءوتىنىش بەرگەن, ونىڭ ىشىندە 63 مىڭنان استامى بالالار سالىمدارى بويىنشا.

وتەماقى قاراجاتى وتباسى بانكىنە تۇسكەننەن كەيىن, سالىمشىلاردىڭ شوتتارىنا 2 جۇمىس كۇنى ىشىندە اۋدارىلادى.