07 ناۋرىز, 2023 news
فوتو: kaznovosti.kz
جۋرناليستەرگە جاسالعان شابۋىل فاكتىلەرى بويىنشا 30-دان استام قىلمىستىق ءىس قوزعالىپ, 22 ادام ۇستالعان. ىشكى ىستەر ءمينيسترى مارات احمەتجانوۆ وسىلاي دەدى, دەپ حابارلايدى qamshy.kz اقپارات اگەنتتىگى.
ونىڭ سوزىنشە, جەتى ادام قاماۋعا الىنعان. ال قالعاندارىنا جاسىن ەسكەرە وتىرىپ, قوعامنان وقشاۋلانۋعا قاتىستى ەمەس بۇلتارتپاۋ شاراسى تاڭدالدى.
«؛قازىرگى ۋاقىتتا سوتقا دەيىنگى تەرگەۋ ءجۇرىپ جاتىر»؛, &ndash؛ دەدى مارات احمەتجانوۆ ۇكىمەت وتىرىسىنان كەيىن باق وكىلدەرىنىڭ ساۋالىنا جاۋاپ بەرە وتىرىپ.
سونداي-اق مينيستر, جابىرلەنگەن جۋرناليستەرگە ءىستى تەرگەۋ بارىسىنا قاتىسۋعا رۇقسات ەتىلگەنىن حابارلادى.
«؛بارلىق دەرەك بويىنشا پروسەسسۋالدى تۇلعالار &ndash؛ جابىرلەنۋشىلەر بار. ولار تەرگەۋگە بەلسەندى قاتىسىپ جاتىر. كۇدىكتىلەرمەن بەتپە-بەت جۇزدەسۋ بولدى. ارىپتەستەرىڭىز بۇل پروسەسكە قىزىعۋشىلىق تانىتىپ وتىر. ولاردىڭ پروسەسسۋالدى مارتەبەسى بار, ءارى سۇراقتار قويا الادى, ىسكە بەلسەندى قاتىسا الادى, بەلگىلى ءبىر تەرگەۋ ارەكەتتەرىن جۇرگىزۋ ءۇشىن ءوتىنىش جاساي الادى»؛, &ndash؛ دەپ قوستى مارات احمەتجانوۆ.
ەستەرىڭىزگە سالا كەتەيىك, بۇعان دەيىن ءىىم جانە ۇقك جەدەل تەرگەۋ توبى باق وكىلدەرىنە شابۋىل ۇيىمداستىرعان كۇدىكتى توپتىڭ جولىن كەسكەن بولاتىن.
شابۋىلداردى ۇيىمداستىرىپ, باستاماشى بولدى كۇدىكپەن قازاقستان ازاماتى اركاديي كلەبانوۆ (مانەۆيچ) ۇستالدى. سونداي-اق, الماتىدا ارانداتۋشىلىق ارەكەتتەردىڭ تىكەلەي ۇيلەستىرۋشىسى &ndash؛ شەتەل ازاماتى, بىلىكتى حاكەر و.توكارەۆ قولعا ءتۇستى.
قىلمىستىق توپ ۆ.بورەيكوعا, گ.باجكەنوۆاعا, گ.ەرعاليەۆاعا, س.يبراەۆاعا جانە بۇقارالىق اقپارات قۇرالدارىنىڭ باسقا دا وكىلدەرىنە قارسى 30-دان استام ارانداتۋشىلىق شابۋىل جاساعان. اتاپ ايتقاندا, اۆتوكولىكتى ورتەگەن, جۋرناليستەرگە, ولاردىڭ تۋىستارى مەن رەداكسيالارعا قوقان-لوققى كورسەتكەن, ddoss شابۋىلدار جاساعان.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر