«بۇل ءبىزدىڭ مەيىرىم مەن جىلىلىققا تولى ءتول مەرەكەمىز» - العىس ايتۋ كۇنىنىڭ ءمانى تۋرالى ۇلتتىق كارىس ورتالىعىنىڭ وكىلى

العىس ايتۋ كۇنى &ndash؛ كوپۇلتتى ەلدى بىرىكتىرەتىن مەرەكە جىل سايىن 1 ناۋرىزدا تويلانادى. مەرەكە قارساڭىندا الماتى ۇلتتىق كارىس ورتالىعى ءتوراعاسىنىڭ ورىنباسارى گەورگيي كان جەكە ءوزى ءۇشىن العىس ايتۋدىڭ نەنى بىلدىرەتىنىن ايتىپ بەردى, دەپ حابارلادى الماتى قالاسىنىڭ وڭىرلىك كوممۋنيكاسيالار قىزمەتى. ؛

«؛العىس كۇنى مەن ءۇشىن, قازاقستاننىڭ بارلىق كارىستەرى ءۇشىن جانە ءبىزدىڭ وتباسىلارىمىز ءۇشىن بۇل وتە مەيىرىم مەن جىلىلىققا تولى ءتول مەرەكە. ويتكەنى 1937 جىلى مۇندا كارىستەر جەر اۋدارىلعان. ولاردىڭ اراسىندا ءبىزدىڭ اكەلەرىمىز, اتالارىمىز بار. بەستوبە تاۋىنىڭ باۋرايىندا جادىگەرلەردى ساقتادىق, وندا جەركەپەلەردەن قالعان شۇڭقىرلار, اتا-بابالارىمىزدىڭ بەيىتتەرى بار. سول جەرگە «؛قازاق حالقىنا مىڭ العىس»؛ ەسكەرتكىشىن ورناتتىق. بۇل العاشقى العىس ەسكەرتكىشى, كەلىپ گۇل قوياتىن مونۋمەنتكە اينالدى»؛, - دەدى گ.كان.

سپيكەردىڭ ايتۋىنشا, اتالعان مەرەكە قيىن كەزدەرى قازاقستانعا جەر اۋدارىلعان ۇلتتاردىڭ باستاماسىمەن تۋىنداعان.

«؛سول جىلدارى ءبىزدى سەنىمنەن ايىرىلعان ادامدار رەتىندە اكەلگەندە قازاقتار ءبىزدىڭ امان قالۋىمىزعا كومەكتەسكەنىن بالا كەزىمىزدەن ەستيتىنبىز. 1937 جىلى قالىڭ كۇزدە, قار جاۋىپ تۇرعاندا, قازاقتار كومەكتەسپەسە, قالاي كۇن كورەتىن ەدىك. سوندىقتان بۇل ءبىزدىڭ مەيىرىم مەن جىلىلىققا تولى ءتول مەرەكەمىز. العىس ايتۋ كۇنىنە ءبىز باستاماشى بولدىق, قاراپايىم راحمەت ايتىپ, ء«؛بىز قازاق حالقىنا ريزامىز»؛ دەپ ايتۋ كەرەك! ويتكەنى, بۇل ءبىزدىڭ پارىزىمىز, ونى ءارقاشان ەستە ۇستاۋىمىز كەرەك»؛, - دەپ تولىقتىردى سپيكەر.

سونىمەن بىرگە ول جان تەبىرەنتەرلىك ەستەلىكپەن ءبولىستى, ونى ول ەرەكشە جىلىلىقپەن ەسكە الدى.

«؛بيىل جازدا اتىراۋ وبلىسى, ماحامبەت اۋدانى, بەيبارىس اۋىلىندا بولدىق. ول جەرگە كارىستەر 1937 جىلى اكەلىندى. دالاعا اكەلىپ تاستادى, امان قالدى, ءومىر ءسۇردى, ءولدى. ول جەرلەردە كارىستەردىڭ بەيىتتەرى بولعان. كوبى وقۋعا, جۇمىس ىستەۋگە كەتتى, بەيىتتەر قالدى. سودان ءبىر كوكتەمدە جايىق بۇل بەيىتتەردى شايا باستادى. مەن وسى جازدا سول جاققا بارىپ, ادامدارمەن كەزدەستىم. جەرگىلىكتى تۇرعىندار بەيىتتەردى قايتا جوندەپ قويۋ كەرەكتىگىن ايتتى. قازاقتا ء«؛ولى رازى بولماي, ءتىرى بايمايدى»؛ دەگەن بار دانالىق بار. ولار تىرىلەرگە عانا ەمەس, ولىلەرگە دە كومەكتەستى. مەن تاڭ قالدىم. ءبىز ءقازىر وسى ادامگەرشىلىك فاكتىنى ماڭگىلىك ەتۋ ءۇشىن بارلىعىن جاساپ جاتىرمىز»؛, - دەپ ءبولىستى گ.كان.

سونداي-اق سپيكەر وسى ادامي قاسيەتتەردىڭ ارقاسىندا بۇگىندە قازاقستان حالقى دوستىق, بىرلىك پەن كەلىسىمدە ءومىر ءسۇرىپ جاتقانىن ايتا كەلە, سوعان بايلانىستى بارشانى شۇكىرشىلىك ەتۋگە, يگى ىستەر جاساۋعا, جاقسى امالداردى ەستەن شىعارماۋ كەرەكتىگىن ەسكە سالدى.