نۇرلان نوعاەۆ: بالىق شارۋاشىلىعىن دامىتۋ – وبلىستاعى الەۋەتتى باعىتتىڭ ءبىرى

20 اقپاندا ماڭعىستاۋ وبلىسىنىڭ اكىمى نۇرلان نوعاەۆ قاراقيا اۋدانىنداعى قۇرىق اۋىلىنا باردى. تۇرعىندارمەن كەزدەسۋ وتكىزىپ, ازاماتتاردى جەكە قابىلدادى, - دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.

36 مىڭنان استام تۇرعىنى بار قاراقيا اۋدانى قارقىندى دامىپ جاتىر. اۋداندا 16 ورتا مەكتەپ, ءۇش قوسىمشا ءبىلىم بەرۋ ۇيىمى, كوللەدج جانە ساناتوريالىق تيپتەگى مەكتەپ-ينتەرنات بار.

بىلتىر قۇرىق پورتى ارقىلى 1,8 ميلليون توننا جۇك تاسىمالداندى. اۆتوموبيل كولىگىمەن 618 مىڭ توننا جۇك كولىگى جونەلتىلدى. ال «؛بولاشاق»؛ ستانسياسى ارقىلى بارلىعى 2,2 ميلليون توننا جۇك, 2021 جىلى 1,3 ميلليون توننا جۇك تاسىمالداندى.

سونىمەن قاتار 2022 جىلى اۋىل شارۋاشىلىعى سالاسى جاقسى كورسەتكىشتەرمەن اياقتالدى. اۋىل شارۋاشىلىعى جانۋارلارىنىڭ اسىل تۇقىمدى مال ازىعىنا كەتەتىن شىعىنداردى ازايتۋ ءۇشىن 84 شارۋاشىلىقتىڭ 14-ىنە 21,8 ملن.تەڭگە تولەندى. بيىل ناۋرىزدا قالعان 70 شارۋا قوجالىعىنا قارجى بەرىلەدى.

قاراقيا وڭىرىندە كاسىپكەرلىك تە قارقىندى دامۋدا. مەملەكەتتىك باعدارلامالار اياسىندا جوبا ۇسىنعان 49 ازامات جالپى سوماسى 1 ملرد تەڭگە نەسيە الدى. ناتيجەسىندە 100-دەن استام جۇمىس ورنى اشىلدى. سونداي-اق اتالعان باعدارلاما اياسىندا جاڭا بيزنەس-يدەيالاردى جۇزەگە اسىرۋ ءۇشىن 67 ادام 89,6 ملن تەڭگە كولەمىندە قايتارىمسىز گرانت الدى.

2023 جىلى قۇرىق, جەتىباي, سەنەك اۋىلدارىندا «؛اۋىل حالقىنىڭ تابىسىن ارتتىرۋ»؛ پيلوتتىق جوباسىن جۇزەگە اسىرۋ جوسپارلانىپ وتىر. ەگەر جوبا ورىندالسا, اۋىل تۇرعىندارى ءتيىمدى شارتتارمەن شاعىن نەسيە الادى. وسىلايشا, جۇمىس ىستەپ, تابىس ارتتىرۋعا, باسقا دا اۋىل تۇرعىندارىن جۇمىسپەن قامتۋعا مۇمكىندىك بولادى.

قاراقيا اۋدانىندا رەسپۋبليكالىق ء«؛بىر اۋىل &ndash؛ ءبىر ءونىم»؛ پيلوتتىق جوباسى ىسكە اسىپ جاتىر. جوبانىڭ باستى ماقساتى &ndash؛ اۋىلداعى جۇمىسسىزدىقتى ازايتۋ.

بىلتىر قاراقيالىق 65 تۇرعىن مەملەكەتتەن قايتارىمسىز گرانت الدى. ال قۇرىق اۋىلىندا 29 ادام قارجىلاي كومەك الىپ, جەكە كاسىپپەن اينالىسۋدا. سونىڭ ءبىرى - راۋشانگۇل قۋاندىقوۆا. ول جەكە كاسىپكەر رەتىندە مەملەكەتتەن 5 ملن تەڭگە كولەمىندە قايتارىمسىز گرانت العان. قارجىعا ءجۇن وڭدەيتىن تيۋل توقىما ستانوگىن ساتىپ الدى. ءقازىر مۇندا 23 مامان جۇمىس ىستەيدى, مال تەرىسىنەن 40-تان استام ءونىم, ياعني بىلعارى سومكە, تاقيا, تاپىشكە, توقىما بۇيىمدارىن جاسايدى.

كەزدەسۋدە قۇرىق اۋىلىنىڭ تۇرعىندارى جۇمىسپەن قامتۋ, مال شارۋاشىلىعى, كاسىپكەرلىك, بالىق شارۋاشىلىعىن دامىتۋ بويىنشا ءبىرقاتار ماسەلە كوتەردى.

ايماق باسشىسى كاسپيي تەڭىزىنىڭ الەۋەتىن ءتيىمدى پايدالانىپ, ماڭعىستاۋ وبلىسىندا بالىق شارۋاشىلىعىن دامىتۋعا ارنايى باعدارلاما ازىرلەۋ قاجەتتىگىن ايتتى.

&ndash؛ بالىق شارۋاشىلىعىن دامىتۋ &ndash؛ وبلىستاعى الەۋەتتى باعىتتاردىڭ ءبىرى. ۇكىمەت 2030 جىلعا دەيىن ارنايى باعدارلاما ازىرلەدى. بالىق وسىرۋمەن اينالىساتىندارعا بەس ءتۇرلى سۋبسيديا قاراستىرىلعان. بىلتىر ءبىز بالىق شارۋاشىلىعى ءبولىمىن قۇردىق. وسى ورايدا ەكسپورتتىق الەۋەتتى ارتتىرۋعا, بالىق شارۋاشىلىعىنا ينۆەستيسيا تارتۋعا باسا نازار اۋدارۋ قاجەت. بالىق شارۋاشىلىعىنىڭ دامۋى قوسىمشا ءونىم كولەمىن ارتتىرۋمەن قاتار جاڭا جۇمىس ورىندارىن اشۋعا مۇمكىندىك بەرەدى, &ndash؛ دەدى نۇرلان نوعاەۆ.