ماڭعىستاۋدا سوڭعى ءۇش جىلدا 3 ميلليون گەكتاردان استام جەر مەملەكەتكە قايتارىلدى

16 اقپاندا ماڭعىستاۋ وبلىسىنىڭ اكىمى نۇرلان نوعاەۆ جۇمىس ساپارىمەن قاراقيا اۋدانىنا قاراستى بوستان, سەنەك جانە قۇلاندى اۋىلدارىنا باردى. ءبىرقاتار الەۋمەتتىك نىساندى ارالاپ, ەلدى مەكەن تۇرعىندارىمەن كەزدەستى, - دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.

بوستان كەنتىندە 2100 ادام تۇرادى. جالپى ءبىلىم بەرەتىن مەكتەپ, بالاباقشا, دارىگەرلىك امبۋلاتوريا جۇمىس ىستەيدى.

اكىممەن كەزدەسۋگە كەلگەن اۋىل تۇرعىندارى حالىقتى جۇمىسپەن قامتۋ, الەۋمەتتىك ماڭىزى بار تاۋارلاردىڭ باعاسى, ءبىلىم, مەديسينا سالاسىنداعى كادر تاپشىلىعى, جولدىڭ جاي-كۇيىنە قاتىستى ساۋالدارىن قويدى.

اكىمنىڭ جۇمىس ساپارى 1800-دەن استام ادام تۇراتىن سەنەك اۋىلىندا جالعاستى.

سەنەك اۋىلىنىڭ اكىمى ورازعالي بەكەنباەۆتىڭ ايتۋىنشا, تۇرعىندار ەلەكتر جارىعىمەن, ورتالىقتاندىرىلعان تۇرمىستىق گازبەن, اۋىز سۋمەن 100 پايىزعا قامتاماسىز ەتىلگەن.

اۋىل تۇرعىندارى مال جايۋعا جەر ءبولۋ بويىنشا ساۋالدارىن قويدى. ماڭعىستاۋ وبلىسى بويىنشا جەر قاتىناستارى باسقارماسىنىڭ باسشىسى ەسەمۇرات دۇزماعامبەتوۆ وبلىستا سوڭعى 3 جىلدا 3 ميلليون گەكتاردان استام جەر مەملەكەت مەنشىگىنە قايتارىلعانىن حابارلادى. ونىڭ ىشىندە يگەرىلمەي جاتقان 2 ملن 406 مىڭ 441 گەكتار اۋىل شارۋاشىلىعى القابى قاراقيا اۋدانىنداعى "سەنەك" جشس-عا تيەسىلى.

جەر تەلىمىن ەلەكتروندى ساۋدا, كونكۋرستار ارقىلى پايدالانۋعا بولادى.

قاراقيا اۋدانى اكىمدىكتەرى وتكىزگەن بايقاۋلاردا جەڭىمپاز اتانعانداردىڭ قاتارىندا «؛سەنەك»؛ اۋىلىندا ۇزاق جىلداردان بەرى ەگىن شارۋاشىلىعىمەن اينالىسىپ كەلە جاتقان تۇرعىندار بار.

&ndash؛ مەملەكەت باسشىسى قاسىم-جومارت توقاەۆتىڭ تاپسىرماسى بويىنشا اۋىل شارۋاشىلىعىن دامىتۋعا جان-جاقتى قولداۋ كورسەتىلۋدە. سول ارقىلى مال باسىن كوبەيتۋگە, اۋىل شارۋاشىلىعى داقىلدارىنان مول ءونىم الۋعا مۇمكىندىك بولادى. مەملەكەت تاراپىنان جاسالىپ جاتقان قولداۋلار مەن مۇمكىندىكتەردى ءتيىمدى پايدالانۋ قاجەت. اۋىلداعى ءومىر ءسۇرۋ دەڭگەيى مەن تۇرعىندارىنىڭ تابىسى وسىعان بايلانىستى بولعاندىقتان اكىمدىكتەر باسقا مەملەكەتتىك ورگاندارمەن بىرلەسە وتىرىپ, وسى باعىتتا جۇيەلى جۇمىس جۇرگىزۋى قاجەت, - دەدى نۇرلان نوعاەۆ.

وڭىر باسشىسى قۇلاندى اۋىلىنىڭ تۇرعىندارىمەن دە كەزدەستى.

اۋىل اكىمى سانات توكەنوۆتىڭ ايتۋىنشا, اۋىلدىق وكرۋگتە 106 شارۋا قوجالىعى مەن 175 جەكە شارۋاشىلىق تىركەلگەن. حالىقتىڭ باسىم بولىگى اداي جىلقىسىن باپتايدى. وتكەن جىلدارمەن سالىستىرعاندا جىلقى سانى 6,9 پايىزعا ارتقان. بۇعان اسىل تۇقىمدى مالدى سۋبسيديالاۋ سەبەپ بولعان.

بىلتىر قۇلاندىلىق 6 شارۋا قوجالىعى اسىل تۇقىمدى مالعا 8 ميلليون تەڭگەدەن استام سۋبسيديا العان. ال بيىل سۋبسيديا كولەمى وسەدى. 2022 جىلدىڭ سوڭىندا سۋبسيديا الۋعا قۇجاتتارىن تاپسىرعان 7 شارۋا قوجالىعى 14 ميلليون تەڭگەگە جۋىق مەملەكەتتىك قولداۋعا يە بولادى. سونىمەن قاتار 2023 جىلدىڭ مامىر ايىنان باستاپ وتىنىشتەر قابىلدانادى.

بىلتىر وبلىستا 330 اۋىل شارۋاشىلىعى سۋبەكتىسى جالپى سوماسى 702 ملن تەڭگەگە مەملەكەتتىك قولداۋ الدى. ونىڭ ء14-ى - قاراقيا وڭىرىنەن.

ماڭعىستاۋ وبلىسىنىڭ اكىمى حالىقپەن كەزدەسۋىندە اۋىل شارۋاشىلىعىمەن اينالىساتىن ازاماتتار مەملەكەتتىك قولداۋعا الا الاتىنىن اتاپ ءوتتى.

&ndash؛ اۋىل شارۋاشىلىعى بارلىق ەلدىڭ ەكونوميكاسى ءۇشىن ماڭىزدى سالا. سەبەبى ول حالىقتى ازىق-تۇلىكپەن, كۇندەلىكتى ومىرگە قاجەتتى كيىم-كەشەك تىگۋگە ارنالعان شيكىزاتپەن جانە توقىما ماتەريالدارىمەن قامتاماسىز ەتەدى. وڭىردە اۋىلداعى كاسىپكەرلىكتى دامىتۋ ماقساتىندا مەملەكەت تاراپىنان قولايلى جاعدايلار, سۋبسيديا جانە نەسيە تۇرىندە جان-جاقتى قولداۋ كورسەتىلۋدە. مويىنداۋ كەرەك, مۇناي سالاسىندا بارلىعىن جۇمىسپەن قامتۋ مۇمكىن ەمەس, سوندىقتان جاڭا مۇمكىندىكتەرگە نازار اۋدارۋ قاجەت, سونىڭ ءبىرى &ndash؛ اۋىل شارۋاشىلىعىن دامىتۋ, &ndash؛ دەدى نۇرلان نوعاەۆ.