15 اقپان, 2023 ماڭعىستاۋ وبلىسى
فوتو: ماڭعىستاۋ وبلىسى اكىمدىگى
بۇگىن, 15 اقپاندا مەملەكەتتىك كىرىستەر دەپارتامەنتىندە ماڭعىستاۋ وبلىسى اكىمىنىڭ ورىنباسارى رۋسلان بەكتەمىردىڭ قاتىسۋىمەن جەرگىلىكتى بيۋدجەتكە تۇسەتىن تۇسىمدەردى ۇلعايتۋ مۇمكىندىگى جانە ولاردى شەشۋ جولدارى تالقىلاندى, - دەپ حابارلايدى ماڭعىستاۋ وبلىسى اكىمدىگىنىڭ ءباسپاسوز قىزمەتى.
جيىن بارىسىندا 2022 جىلعى جەرگىلىكتى بيۋدجەتتىڭ كىرىس بولىگىنىڭ ورىندالۋى مەن الداعى جوسپارى باياندالدى. سونداي-اق سالىق سالىناتىن بازالار بويىنشا اكىمشىلەندىرۋ بولىگىندەگى پروبلەمالىق ماسەلەلەر ءسوز بولدى.
مەملەكەتتىك كىرىستەر ورگاندارىنىڭ مالىمەتىنشە, بىلتىر ءوڭىر بيۋدجەتىنە 213 ملرد. تەڭگە تۇسكەن. ونىڭ ىشىندە سالىقتىق تۇسىمدەر &ndash؛ 201 ملرد. تەڭگە, ياعني 94% پايىزدى قۇرادى. وسى ورايدا 2023 جىلعا ارنالعان جەرگىلىكتى بيۋدجەتتىڭ كىرىس بولىگىن تولىقتىرۋ ءۇشىن قوسىمشا رەزەرۆتەردى ىزدەۋ بويىنشا شەشىم قابىلدانىپ وتىر.
- بيۋدجەتكە تۇسەتىن تۇسىمدەر ەكونوميكانىڭ تۇراقتى ءوسىمىن, حالىقتىڭ تابىسى مەن ازاماتتاردىڭ ءومىر ءسۇرۋ ساپاسىن ارتتىرۋعا سەپتىگىن تيگىزەدى. سوندىقتان ءتيىستى مەملەكەتتىك ورگاندار ءوزارا بىرلەسىپ, سالىق بازاسىن ۇلعايتۋ ارقىلى بيۋدجەتكە قوسىمشا تۇسىمدەردى قامتاماسىز ەتۋى كەرەك. جاۋاپتى ماماندار تۇراقتى تۇردە مونيتورينگ جۇرگىزىپ, بەرەشەگى بار سالىق تولەۋشىلەر مەن كومپانيالارعا زاڭ اياسىندا ءتيىستى شارالار قولدانۋى قاجەت, - دەدى
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر