بيىل اقشۇقىر جانە سايىن شاپاعاتوۆ اۋىلدارىنا سۋ تارتۋ ماسەلەسى شەشىلەدى

9 اقپاندا ماڭعىستاۋ وبلىسى اكىمىنىڭ ءبىرىنشى ورىنباسارى جۇماباي قاراعاەۆ جۇمىس ساپارىمەن ءتۇپقاراعان اۋدانىنا قاراستى اقشۇقىر جانە سايىن شاپاعاتوۆ اۋىلدارىنا باردى. ءبىرقاتار الەۋمەتتىك نىساندى ارالاپ, اۋىل تۇرعىندارىمەن كەزدەستى, - دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.

الدىمەن جۇماباي قاراعاەۆ اقشۇقىر اۋىلىنداعى "سىيىمدىلىعى 600 م3 بولاتىن 8 قۇدىق سۋ يماراتىنىڭ" جۇمىسىمەن تانىستى. سۋ يماراتىندا قۋاتتىلىعى تاۋلىگىنە 1000 م3 سۋ تۇشىتۋ قوندىرعىسى جۇمىس ىستەپ تۇر. ودان بولەك اۋىلعا ىرگەلەس جەردە قۋاتتىلىعى تاۋلىگىنە 5000 م3 سۋ تۇشىتۋ زاۋىتى سالىندى. قازىرگى تاڭدا اتالعان زاۋىتتان قۇبىر تارتۋ قۇرىلىسى ءجۇرىپ جاتىر. بۇل جۇمىستار 2023 جىلدىڭ ماۋسىم ايىندا اياقتالادى دەپ جوسپارلانىپ وتىر. قۇبىر تارتۋ جۇمىستارى اياقتالعان سوڭ قوسىمشا تاۋلىگىنە 5000 م3 سۋ الۋعا مۇمكىندىك بولادى. بۇل ءوز كەزەگىندە سۋ تاپشىلىعى ماسەلەسىن شەشۋگە سەپتىگىن تيگىزەدى.

اقشۇقىر اۋىلىنىڭ اكىمى ەركەبۇلان جانىبەكتىڭ ايتۋىنشا, جالپى اۋىلعا 3500 م3 اۋىز سۋ قاجەت. وسى ماسەلەنى شەشۋ ءۇشىن 8 قۇدىق سۋ يماراتىنا قوسىمشا ءارقايسىسى 1000 م3 بولاتىن 2 رەزەرۆۋار سالۋ جوسپارلانىپ, جوبالىق-سمەتالىق قۇجاتتارى جاساقتالۋدا.

سودان كەيىن وبلىس اكىمىنىڭ ءبىرىنشى ورىنباسارى اقشۇقىر اۋىلىنىڭ تۇرعىندارىمەن كەزدەسىپ, جەكە ماسەلەلەرى بويىنشا قابىلداۋ وتكىزدى.

اۋىل تۇرعىندارى ەكولوگيا, قوقىس شىعارۋ, جۇمىسسىزدىق, كوشەلەردى جارىقتاندىرۋ ماسەلەلەرىن قوزعادى.

تۇستەن كەيىن جۇماباي قاراعاەۆ سايىن شاپاعاتوۆ اۋىلدىق وكرۋگىندە بولىپ, 75 پايىزعا اياقتالعان 500 ورىندىق مادەنيەت ءۇيىنىڭ قۇرىلىسىمەن تانىستى. عيمارات 2023 جىلدىڭ ءبىرىنشى جارتىجىلدىعىندا پايدالانۋعا بەرىلەدى. وسىلايشا, اۋىل بالالارى شىعارماشىلىق ۇيىرمەلەرگە قاتىسىپ, كىتاپحاناعا بارۋعا مۇمكىندىك الادى.

سونداي-اق ول «؛aلёكا»؛ جشس-نىڭ «؛aura»؛ دەمالىس ايماعىنداعى سۋ تۇشىتۋ زاۋىتىنىڭ جۇمىسىمەن تانىستى. زاۋىتتا قوسىمشا 20 ۇڭعىما قازىلىپ, 1000 م3 رەزەرۆۋار سالىنىپ جاتىر. بۇگىندە 9 600 ادام تۇراتىن اۋىلعا تاۋلىگىنە 3 000 م3 سۋ قاجەت. الايدا, اۋىلعا اقتاۋ-اقشۇقىر-سايىن شاپاعاتوۆ سۋ قۇبىرى ارقىلى 500-600 م3 سۋ بەرىلۋدە. ەگەر «؛aura»؛ سۋ تۇشىتۋ زاۋىتى ىسكە قوسىلسا, تاۋلىگىنە 1300-1400 م3 سۋ ۇزدىكسىز بەرىلەدى. جاۋاپتى مامانداردىڭ ايتۋىنشا, جوبا ءساۋىردىڭ سوڭىندا اياقتالادى.

الەۋمەتتىك نىسانداردى ارالاعان سوڭ وبلىس اكىمىنىڭ ءبىرىنشى ورىنباسارى جۇماباي قاراعاەۆ سايىن شاپاعاتوۆ اۋىلىنىڭ تۇرعىندارىمەن كەزدەستى. جيىندا سايىن شاپاعاتوۆ اۋىلدىق وكرۋگىنىڭ اكىمى سايران قىلىش 2022 جىلى اتقارىلعان جۇمىستاردى باياندادى.

اۋىل اكىمىنىڭ ايتۋىنشا, اۋىلدا 1 مەديسينالىق مەكەمە &ndash؛ دارىگەرلىك امبۋلاتوريا, ەمحانا, 3 مەكتەپ, 7 بالاباقشا قىزمەت كورسەتەدى. ياعني, بالالار 100 % بالاباقشامەن قامتىلعان, ال ءۇش اۋىسىمدى وقىتۋدى بولدىرماۋ ماقساتىندا 1 200 ورىنعا ارنالعان جالپى ءبىلىم بەرۋ مەكتەبى سالىنادى.

اۋىل تۇرعىندارىنىڭ باسىم بولىگىن اۋىز سۋ, قاڭعىباس يتتەردى اۋلاۋ, جۇمىسپەن قامتۋ, ۇيالى جانە ينتەرنەت بايلانىسىنىڭ ساپاسىن ارتتىرۋ ماسەلەلەرى تولعاندىرادى.

&ndash؛ جيىندا ەكى اۋىلدىڭ تۇرعىندارى ءوز وتىنىشتەرىن ايتتى. اۋىل تۇرعىندارىنىڭ پىكىرىن ەسكەرە وتىرىپ, دامۋ جوسپارىنا سايكەس جۇمىس ءارى قاراي جالعاسادى. جەدەل ارەكەتتى تالاپ ەتەتىن وزەكتى ماسەلەلەر دە بار. ەڭ الدىمەن اۋىز سۋ تاپشىلىعىنا قاتىستى جۇمىستار ورىندالۋى كەرەك, &ndash؛ دەدى جۇماباي قاراعاەۆ.