ماڭعىستاۋدا بەينەۋ-جاڭاوزەن ماگيسترالدىق گاز قۇبىرىنىڭ ەكىنشى جەلىسىنىڭ قۇرىلىسى باستالدى

7 اقپاندا ماڭعىستاۋ وبلىسىندا «؛بەينەۋ-جاڭاوزەن»؛ گاز قۇبىرىنىڭ ەكىنشى جەلىسىن باستاۋ ءۇشىن سيمۆوليكالىق دانەكەرلەۋ ءراسىمى ءوتتى. سالتاناتتى شارانى ماڭعىستاۋ وبلىسىنىڭ اكىمى نۇرلان نوعاەۆ پەن «؛qazaqgaz»؛ ۇك»؛ اق باسقارما ءتوراعاسى سانجار جاركەشوۆ اشتى, - دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.

جوبانىڭ تەحنولوگيالىق سحەماسى بويىنشا, گاز قۇبىرىنىڭ ء2-شى جەلىسىنىڭ جالپى ۇزىندىعى &ndash؛ 308 كم. ال وتكىزۋ مۇمكىندىگى جىلىنا &ndash؛ 5,8 ملرد تەكشە مەتر. 2023 جىلدىڭ جەلتوقسان ايىندا قۇرىلىس جۇمىستارىن اياقتاۋ جانە پايدالانۋعا بەرۋ جوسپارلانىپ وتىر.

سالتاناتتى شارادا وبلىس اكىمى نۇرلان نوعاەۆ جوبا ءوڭىردىڭ الەۋمەتتىك-ەكونوميكالىق دامۋىنا قولايلى مۋلتيپليكاتيۆتىك اسەر بەرەتىنىن اتاپ ءوتتى.

&ndash؛ مەملەكەت باسشىسى قاسىم-جومارت توقاەۆ ماڭعىستاۋ وبلىسىن تۇراقتى گازبەن قامتاماسىز ەتۋدى تاپسىردى. وسى ماقساتتا qazaqgaz ۇلتتىق كومپانياسى بەينەۋ-جاڭاوزەن گاز قۇبىرىنىڭ ەكىنشى جەلى قۇرىلىسىن باستادى. جوبا ىسكە اسسا, شاعىن جانە ورتا بيزنەستىڭ دامۋىنا, جاڭا جۇمىس ورىندارىنىڭ اشىلۋىنا, سونداي-اق حالىقتىڭ ءومىر ءسۇرۋ ساپاسىن ارتتىرۋعا سەپتىگىن تيگىزەدى, &ndash؛ دەدى وبلىس اكىمى نۇرلان نوعاەۆ.

qazaqgaz باسشىسىنىڭ ايتۋىنشا, مەگاجوبا ماڭعىستاۋ وبلىسىنىڭ ەلدى مەكەندەرىن گازبەن قامتۋعا مۇمكىندىك بەرەدى. ەلەكتر ەنەرگياسىن, جىلۋ مەن سۋدى ءوندىرۋ ءۇشىن گازدى ۇزدىكسىز تاسىمالدايتىن ءىرى كاسىپورىنداردىڭ جۇمىسىن جەتىلدىرەدى. سونىمەن قاتار وبلىس تۇرعىندارى ءۇشىن ستراتەگيالىق ماڭىزى بار الەۋمەتتىك نىساندارعا جانە ونەركاسىپ ورىندارىنىڭ گازبەن قامتاماسىز ەتىلمەي قالۋ ءقاۋپىن, توتەنشە جاعدايلاردىڭ الدىن الادى.

«؛بۇگىنگى تاڭدا ماڭعىستاۋ وبلىسىنىڭ ىشكى نارىقتاعى تابيعي گازدى تۇتىنۋ كولەمى ارتقانى بايقالادى. سوندىقتان مەگاجوبا بويىنشا ەكىنشى جەلى قۇرىلىسىنىڭ الەۋمەتتىك-ەكونوميكالىق ماڭىزى زور. سونىمەن قاتار وبلىستىڭ ەنەرگەتيكالىق قاۋىپسىزدىگىن ارتتىرۋعا مۇمكىندىك بەرەدى»؛, &ndash؛ دەدى سانجار جاركەشوۆ.