07 اقپان, 2023 ماڭعىستاۋ وبلىسى
فوتو: ماڭعىستاۋ وبلىسى اكىمدىگى
6 اقپاندا ءوڭىر باسشىسى نۇرلان نوعاەۆتىڭ توراعالىعىمەن توتەنشە جاعدايلاردىڭ الدىن الۋ جانە ونى جويۋ جونىندەگى كوميسسيانىڭ وتىرىسى ءوتتى, - دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.
وتىرىستا توتەنشە جاعدايلاردىڭ الدىن الۋ جانە جويۋ جونىندەگى كوميسسيانىڭ 2022 جىلى اتقارعان جۇمىسى, اۆتوموبيل جانە تەمىرجولدى سۋ باسۋ ءقاۋپىنىڭ الدىن الۋ بويىنشا جەرگىلىكتى اتقارۋشى ورگانداردىڭ دايىندىعى تالقىلاندى. سونداي-اق سۋ وتكىزۋ قۇرىلىسىن, درەناج جۇيەلەرىن دايىنداۋ جانە "سارىقاباق" گيدروتەحنيكالىق قۇرىلىسىن كۇردەلى جوندەۋگە قارجى ءبولۋ ماسەلەلەرى ءسوز بولدى.
ماڭعىستاۋ وبلىسى توتەنشە جاعدايلار دەپارتامەنتىنىڭ باسشىسى مۇرات مۇحانوۆتىڭ ايتۋىنشا, وبلىس ورتالىعىنداعى جوعارعى شاعىناۋداندارداعى ءورت ءسوندىرۋ گيدرانتتارىنىڭ اقاۋىن جويۋ جوسپارلانعان. الايدا, بۇل جۇمىستار ءالى جۇرگىزىلمەي وتىر. سونىمەن قاتار وسى ۋاقىتقا دەيىن بەينەۋ اۋدانىنداعى توزىعى جەتكەن كوپقاباتتى ۇيلەر مەن اقتاۋ قالاسىنداعى گالەرەيا ۇيلەر جوندەۋدەن وتپەگەن.
ايماق باسشىسى نۇرلان نوعاەۆ اتالعان جۇمىستاردى جەدەلدەتۋدى جانە جاۋاپتى ماماندارعا العا قويعان مىندەتتەردىڭ ورىندالۋىن باقىلاۋدى تاپسىردى.
سونداي-اق وبلىستىق جانە رەسپۋبليكالىق ماڭىزى بار جولدار مەن ەلدى مەكەندەردى سۋ تاسقىنىنان قورعاۋ قاجەتتىگىن ايتتى.
- اقتاۋ قالاسىندا قاتتى جاڭبىر جاۋسا, ۇيلەردى سۋ باسىپ كەتۋ ءقاۋپى بار. جىل سايىن قايتالاناتىن بۇل ماسەلەنى شەشۋدىڭ جولى جوق پا؟ ءار جاۋعان قاتتى جاڭبىردان كەيىن سۋ ارنايى سورعىمەن تازارتىلادى. قاجەتتى جاعداي جاساۋ ءۇشىن قولدا بار مۇمكىندىكتى نەگە پايدالانباسقا؟ بۇل ماسەلەنى اۋدان, قالا اكىمدەرىنە باقىلاۋعا الۋدى تاپسىرامىن. قاجەتتى شارالار دەر كەزىندە قولعا الىنسا, ارتىق شىعىن دا بولمايدى, - دەدى نۇرلان نوعاەۆ.
سونداي-اق جيىندا ءوڭىردىڭ سەيسميكالىق قاۋىپتىلىگىن زاماناۋي عىلىمي-ادىستەمەلىك زەرتتەۋ ماسەلەلەرى تالقىلاندى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر