نۇرلان نوعاەۆ بەينەۋ اۋدانىنىڭ تۇرعىندارىمەن كەزدەستى

2 اقپاندا ماڭعىستاۋ وبلىسىنىڭ اكىمى نۇرلان نوعاەۆ سارعا اۋىلىنا باردى. جۇمىس ساپارىنىڭ ءۇشىنشى كۇنى اۋدان تۇرعىندارىمەن كەزدەسۋ وتكىزدى, - دەپ حابارلايدى ماڭعىستاۋ وبلىسى اكىمىنىڭ ءباسپاسوز قىزمەتى.

سارعا اۋىلىندا 1 600-دەن استام ادام تۇرادى. اۋىلدا ەكى جالپى ءبىلىم بەرەتىن وقۋ ورنى بار. وندا 87 ءمۇعالىم 467 وقۋشىعا ءبىلىم بەرەدى. وعان قوسا مادەنيەت ءۇيى مەن بالاباقشا بار. ال دارىگەرلىك امبۋلاتوريادا 7 مامان قىزمەت كورسەتەدى. اۋىلدا 130-دان استام شارۋا قوجالىعى مەن ءۇش جەكە قوسالقى شارۋاشىلىق تىركەلگەن. اۋىل تولىقتاي ەلەكتر جارىعىمەن قامتىلعان. الداعى ۋاقىتتا التى كوشەنى جارىقتاندىرۋ, گاز قۇبىرىن جاڭعىرتۋ, جولداردى جوندەۋ, ويىن الاڭدارىن اباتتاندىرۋ جوسپارلانىپ وتىر.

اۋىل تۇرعىندارىمەن كەزدەسۋدە ينفراقۇرىلىم, بايلانىس ساپاسىن ارتتىرۋ, ءۇي جانۋارلارىنىڭ جول بويىنا شىعىپ كەتپەۋى, دارىگەرلەردىڭ جەتىسپەۋشىلىگى, مەكتەپ, بالاباقشا, ويىن الاڭدارىن سالۋ, «؛قازپوشتا»؛ مەكەمەسىنىڭ جۇمىسىن جانداندىرۋ ماسەلەلەرى تالقىلاندى. سونىمەن قاتار تۇرعىنداردى گازداندىرۋ ماسەلەسى, جۇمىستاردىڭ ءتيىستى دەڭگەيدە جۇرگىزىلمەۋى الاڭداتتى.

وبلىس اكىمى نۇرلان نوعاەۆ مەردىگەرلەردىڭ جۇمىسىن باقىلاۋدى كۇشەيتۋدى تاپسىردى.

- ەگەر قانداي دا ءبىر جۇمىس باستالعان بولسا, تەحنيكالىق قاداعالاۋ كۇن سايىن تاڭەرتەڭنەن كەشكە دەيىن باقىلانۋى كەرەك. ال قاداعالاۋشى ورگانداردىڭ, مەردىگەر كومپانيانىڭ وكىلدەرى مەن جۇمىستى تەكسەرىپ, قابىلدايتىندار ۇنەمى سوندا بولۋى كەرەك. مەملەكەتتەن اقشا ءبولىندى, تەندەر وتكىزىلدى. جەڭىمپاز اتانىپ, اقشا الساڭىز, قول قۋسىرىپ وتىرماڭىز. اركىم ءوز جاۋاپكەرشىلىگىن سەزىنۋى كەرەك, &ndash؛ دەدى نۇرلان نوعاەۆ.

نۇرلان نوعاەۆتىڭ جۇمىس ساپارى بەينەۋ اۋىلىندا جالعاستى. ايماق باسشىسى جەرگىلىكتى حالىقپەن كەزدەسىپ, اۋىل تۇرعىندارى ءۇش اۋىسىمدى وقىتۋ ماسەلەسىن تالقىلادى.

وسى جاعدايدى شەشۋ ءۇشىن 2022 جىلى بەينەۋ اۋىلىنداعى «؛اتامەكەن»؛ جانە «؛كۇيكەن»؛ ورتا مەكتەبىندە 312 ورىندىق جاپسىرلاس قوسىمشا قۇرىلىس سالىنىپ, 2022 جىلدىڭ قىركۇيەك ايىندا پايدالانۋعا بەرىلدى.

بيىل «؛جايلى مەكتەپ»؛ ۇلتتىق جوباسى اياسىندا اۋداندا 1200 ورىندىق 3 مەكتەپ سالۋ جوسپارلانىپ وتىر. بەينەۋ, اقجىگىت, ەسەت, سىڭعىرلاۋ, تاجەن اۋىلدارىندا قۇرىلىس اياقتالىپ, اشىق سپورت الاڭدارى پايدالانۋعا بەرىلدى. «؛اۋىل &ndash؛ ەل بەسىگى»؛ باعدارلاماسى اياسىندا سپورت ينفراقۇرىلىمىن دامىتۋ ماقساتىندا بەينەۋ مەن بورانقۇلدا سپورت زالدارى سالىنۋدا.

بەينەۋ اۋدانىندا بارلىعى 11 دەنساۋلىق ساقتاۋ ۇيىمى جۇمىس ىستەيدى. ءار اۋىلدا دارىگەرلىك امبۋلاتوريا, فەلدشەرلىك-اكۋشەرلىك جانە مەديسينالىق پۋنكتتەر بار. وندا 123 دارىگەر, 514 مامان جۇمىس ىستەيدى. اۋىل تۇرعىندارىنىڭ ءوتىنىشى بويىنشا بەينەۋ اۋىلىندا 250 ورىندىق اۋرۋحانا قۇرىلىسىنىڭ جوبالىق-سمەتالىق قۇجاتتاماسى ازىرلەنۋدە.

«؛باستاۋ بيزنەس»؛ كاسىپكەرلىك نەگىزدەرى كۋرستارىنا 453 ادام جىبەرىلدى. 2023 جىلعا ارنالعان مەملەكەتتىك باعدارلامالار ارقىلى بارلىعى 837 جاڭا جۇمىس ورنى اشىلادى دەپ جوسپارلانۋدا.

سام, نوعايتى, تۇرىش اۋىلدارىن ورتالىقتاندىرىلعان سۋ قۇبىرىمەن قامتۋ ماقساتىندا قۇرىلىس-مونتاج جۇمىستارى اياقتالدى. بۇگىنگى تاڭدا اۋدان تۇرعىندارىنىڭ 97,7 پايىزى ورتالىقتاندىرىلعان اۋىز سۋمەن قامتاماسىز ەتىلگەن. جازعى ماۋسىمدا بەينەۋ اۋىلىندا اۋىز سۋ تاپشىلىعى بايقالادى. بۇل ماسەلەنى شەشۋ ءۇشىن بەينەۋ اۋىلىندا ورنالاسقان سۋ تازارتۋ قوندىرعىسىنا قوسىمشا 20 000 م3 سۋ قويماسىن سالۋ جوسپارلانۋدا. ءقازىر بۇل جوبانىڭ جوبالىق-سمەتالىق قۇجاتتاماسى ازىرلەنىپ جاتىر.

سونىمەن قاتار بەينەۋ اۋدانىنىڭ تۇرعىندارىمەن كەزدەسۋدە جول, اۋرۋحانا سالۋ, ۆوكزالداردىڭ ساپاسىن ارتتىرۋ, حالىقتى جۇمىسپەن قامتۋ جانە ت.ب. ماسەلەلەر ءسوز بولدى.

نۇرلان نوعاەۆ ءوز سوزىندە بارلىق ۇسىنىس ەسكەرىلەتىنىن اتاپ ءوتتى.

&ndash؛ ءار ايماقتىڭ وزىندىك ەرەكشەلىكتەرى مەن تالاپتارى بار. ءبىز تۇرعىنداردىڭ وتىنىشتەرىن جيناپ, باسىمدىقتارى مەن قاجەتتىلىكتەرىنە سايكەس شەشىم قابىلدايمىز. ءبىراق ولار ءار اۋداننىڭ, اۋىلدىڭ دامۋ جوسپارىنا سايكەس جۇزەگە اسادى. وزەكتى ماسەلەلەر دە بار. ماسەلەن, ءبىرىنشى كەزەكتە اۋىز سۋ, بالا تاربيەسىنە قاتىستى ماسەلەلەردى قولعا الۋ كەرەك, &ndash؛ دەدى وبلىس اكىمى.