• usd 468.56

  • eur 497.56

  • rub 7.3

  • cny 67.18

29 ناۋرىز, 00:19:53
الماتى
+35°

"پۋتين ۋكرايناعا باسىپ كىرۋ جايلى شەشىم قابىلداعاندا كوپپەن كەڭەسپەگەن. سودان بەرى ول وقشاۋلانا باستادى" دەپ جازادى رەسەي بيلىگىنىڭ بۇرىنعى شەنەۋنىكتەرىمەن سۇحباتتاسقان financial times ؛باسىلىمى.

ولاردىڭ ايتۋىنشا, سىرتقى ىستەر ءمينيسترى سەرگەي لاۆروۆتىڭ ءوزى ؛ ۋكرايناعا باسقىنشىلىق باستالعانىن ەل قاتارلى 24 اقپاندا ەستىگەن.

"كرەملدەگىلەر باسىپ الۋ جايلى تەلەديداردان "ارنايى اسكەري وپەراسيا" جايلى حابارلاعاندا عانا ءبىلدى" دەپ جازادى ft.

سول كۇنى كرەملگە جينالعان وليگارحتار لاۆروۆپەن مۇنداي ماڭىزدى شەشىمدى ەشكىممەن اقىلداسپاي قابىلداعانى جونىندە سويلەسكەنىندە ول ء"پۋتيننىڭ ءۇش-اق كەڭەسشىسى بار. ول "يۆان گروزنىي", ءبىرىنشى پەتر جانە ۇلى ەكاتەرينا" دەپ جاۋاپ بەرگەن.

"بارلىعى ويلاعانداي بولماعانىن كورگەن ول ودان ءارى وشىگە ءتۇستى. ەندى سوعىستى جالعاستىرۋدان باسقا امال قالمادى. سوعىس باستالعالى ەل باسشىسى بۇرىننان بەتەر وقشاۋلانىپ كەتتى" دەيدى ەكس-شەنەۋنىكتەردىڭ ءبىرى.

"ستالين زۇلىم بولعانمەن جاقسى مەنەدجەر ەدى. سوندىقتان ونى الداۋ مۇمكىن ەمەس. ال پۋتينگە شىندىقتى ايتاتىن ادام جوق. ەشكىمگە سەنبەيتىن ادامدار وزىنە وتىرىك ايتقانداردى عانا تىڭداي باستايدى" كەلەسىسى.

پۋتيننىڭ باسقىنشىلىق جوسپارىن ءوز كەڭەسشىلەرىنەن دە جاسىرۋى ءبىرىنشى رەت ەمەس. رەسەي 2014 جىلى قىرىمدى اننەكسيالاعاندا ول بۇل تۋرالى قاۋىپسىزدىك كەڭەسىنە دە ەسكەرتپەگەن. تەك تاڭعى 7-گە دەيىن قورعانىس ءمينيسترى سەرگەي شويگۋمەن عانا اقىلداسقان.

بۇرىنعى رەسەي شەنەۋنىگىنىڭ ايتۋىنشا, كەڭەسشىلەر باستاپقىدا ءپۋتيندى قىرىمعا اسكەر جىبەرمەۋگە شاقىرعان. الايدا ول: "بۇل تاريحي ءسات. كەلىسپەسەڭدەر كەتە بەرىڭدەر" دەگەن. ول ؛ورىستاردىڭ باسىن بىرىكتىرىپ, جەرىن كەڭەيتكەن ءبىرىنشى پەتر سياقتى تاريحتا قالاتىنىنا جانە پەتر تۋرالى اڭىزداردىڭ بارلىعىنا ؛سەنەدى.

پۋتين باسقىنشىلىق جوسپارىن جاساۋ كەزىندە ۋكرايندىقتار ورىس اسكەرلەرىن قۇشاق جايا قارسى الاتىنىن ايتقان ۋكراينانىڭ مەملەكەت قايراتكەرى ۆيكتور مەدۆەدچۋكقا ەرگەن.

"ماسكەۋدە بۇعان كۇمانمەن قاراعاندار كوپ بولدى. "ەگەر مەدۆەدچۋك جاڭبىر جاۋادى دەسە, كۇن اشىق بولادى" دەيدى رەسەيدىڭ بۇرىنعى جوعارى لاۋازىمدى شەنەۋنىگى.

شابۋىلدان ءۇش كۇن بۇرىن وتكەن قاۋىپسىزدىك كەڭەسىنىڭ وتىرىسىندا كەڭەس حاتشىسى نيكولاي پاترۋشەۆ ماسەلەنى ديپلوماتيا جولىمەن شەشۋدى ۇسىنعان. الايدا پۋتين وزىنە سەنىمدى بولعانداقتان, كەڭەس حاتشىسىن تىڭدامادى.

"پۋتيننىڭ اقىل-ەسى ورنىندا. ءبىراق ونىڭ كەڭەسشىلەرى قازىرگىدەي ءۇنسىز وتىرماي, شىندىقتى بەتىنە باسۋى كەرەك. بۇل تاريحتاعى بارلىق ەليتا باسشىسىن قولداماعان العاشقى سوعىس" دەيدى بۇرىنعى شەنەۋنىك.

"قامشى" سىلتەيدى
ىلمەك سوزدەر: پۋتين رەسەي ۋكراينا

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر