«5 كۇن دالادا قالدىم»: كوپبالالى انا قالاي ميلليونەر اتاندى؟

الەۋمەتتىك جەلى بىرەۋ ءۇشىن قىزىعۋشىلىق بولسا, ەندى ءبىرى ءۇشىن تابىس كوزى. اتىراۋلىق گۇلزات وتەمىسقىزىنىڭ ينفوبيزنەسپەن اينالىسىپ جۇرگەنىنە 3 جىلدان استى. العاشىندا اقشا تابۋ ءۇشىن باستاعان بۇل كاسىپ ءقازىر ونىڭ ميسسياسىنا اينالعان. qamshy.kz 2 مىڭنان استام قىز-كەلىنشەكتىڭ كاسىپپەن اينالىسۋىنا اتسالىسقان 5 بالانىڭ اناسى گۇلزات وتەمىسقىزىمەن بولعان سۇحباتتى وقىرمان نازارىنا ۇسىنادى.

&ndash؛ گۇلزات وتەمىسقىزى ونلاين بيزنەس سالاسىنا قالاي كەلدىڭىز؟ جالپى بيزنەس باستاۋىڭىزعا نە تۇرتكى بولدى؟

&ndash؛ 2017 جىل. ول كەزدە 3 بالام بار. كۇيەۋىم اتىراۋدا ۆاحتادا جۇمىس ىستەيدى. جالاقىسى جاقسى بولسا دا, ايلىقتى جەتكىزە المايمىز. نەسيە بار, قارىز بار. كۇندە ۆەرميشەل, ماكارون پىسىرەتىن ەدىم. سونداي كۇندەردىڭ بىرىندە بالام «؛بۇگىن دە ماكارون با؟ مەن جەمەيمىن»؛ دەدى بۇلدانىپ. تۇسىنبەي نە سەبەپ بولعانىن سۇرادىم. ء«؛بىز نەگە باسقالار سەكىلدى رەستورانعا بارمايمىز؟ قىدىرمايمىز»؛ دەپ بالام رەنىشىن ءبىلدىردى. كىشكەنتاي قىزىم كاۋسار وسكەن سوڭ جۇمىسقا تۇراتىنىمدى ايتىپ بالامدى كوندىرۋگە تىرىستىم. ال ول قوياردا قويماي «؛بالالاردىڭ بارىنە مەن قارايمىن. سەن جۇمىسقا شىقشى»؛ دەدى. اڭ-تاڭ بولدىم. مەنىڭ بيزنەسكە ارالاسۋىما, جەكە دامۋدى قولعا العانىما وسى وقيعا سەبەپ بولدى.

ارينە, العاشىندا نەگاتيۆ ويلار بولدى. قالاي مەن جۇمىس ىستەيمىن؟ ۇيدە وتىرىپ تابىس تابۋ مۇمكىن ەمەس. ادام دامۋدى قولعا الىپ, يدەياسىن جۇزەگە اسىرار كەزدە تاۋەكەل جاساي ءبىلۋى كەرەك. سول كەزدە كوزدى جۇمىپ قويىپ تاۋەكەل جاساماعانىمدا قازىرگى گۇلزات بولا الماس ەدىم.

العاشقى جولىم ءتۇرلى جەلىلىك ماركەتينگتەن باستالدى. جەكە كاسىپ باستايمىن دەپ الماتىدان تاۋار الىپ ساتتىم. ناتيجە جوق. سول جىلدارى قاتتى اگرەسسيۆتى بولدىم. وزىمە كوڭىلىم تولمايتىن. بىردە ءتۇپساناعا بايلانىستى ترەنينگكە قاتىستىم. اۋىلدىڭ قىزىمىن. بۇعان دەيىن مەنى باسقالار بولەكتەپ, مەنسىنبەي قارايتىنداي كورىنەتىن. ءبىراق بۇل &ndash؛ ءوزىمنىڭ ىشكى ويىم ەكەن. وسىنى تۇسىنە سالا وزىممەن جۇمىس ىستەي باستادىم. تۇلعا رەتىندە دامىعان سايىن باسقالارمەن دە قارىم-قاتىناسىم جاقساردى. قارىم-قاتىناس جاقسارعان سايىن جاڭا يدەيالار كەلىپ, جۇمىسىم ورگە دومالادى.

كەيىن 2018 جىلدان باستاپ smm سالاسىن دامىتۋدى قولعا الدىم. وسى سالادا ءبىلىمىم كوبەيگەن سايىن الەۋمەتتىك جەلى &ndash؛ قازىنانىڭ قاينار كوزى ەكەنىنە كوزىم جەتە باستادى.

&ndash؛ كوپبالالى انا بولا تۇرا بيزنەسپەن اينالىسۋ قيىن ەمەس پە؟ كۇنىڭىزدى قالاي جوسپارلايسىز؟

&ndash؛ بالالارىم بالا-باقشادا, مەكتەپتە. تاڭەرتەڭ كەتىپ, كەشكە كەلەدى. اتىراۋدا بولعان كەزدە قىستا بالام مەكتەپتەن جاياۋ كەلەتىن. كىرپىكتەرى سۋىقتان قاتىپ قالعان بالامدى كورگەندە جۇرەگىم اۋىراتىن. بالامدى ارنايى قىمبات مەكتەپكە بەرۋدى ارماندايتىنمىن. سول كەزدەگى ارمانىم بۇگىنگى كۇنگە جەتكىزدى.

مەنىڭ دە ۇلگەرمەي قالاتىن كەزىم بولادى. ءمىنسىز ەمەسپىن. ءبىراق وزىمە ەركىندىك بەرەمىن. جۇمىستى قاي كەزدە ىستەگىم كەلسە سول كەزدە باستايمىن. دەمالۋعا دا ۋاقىت بولەمىن. ءبىراق كۋرسقا قاتىسۋشىلارعا جاۋاپكەرشىلىك العان سوڭ «؛دەمالۋ كەرەك»؛ دەگەن ءسوزدى مۇلدەم ايتپايمىن. بارلىق نازارىم مەن ويىمدى كۋرس قاتىسۋشىلارىنا ارنايمىن. كەيدە كەلەڭسىز جايتتار بولادى. الايدا جەكە پروبلەمامدى كۋرسقا ارالاستىرماۋعا تىرىسامىن. ولار ماعان وتباسىلىق ماسەلەم ءۇشىن ەمەس, پايدالى اقپارات ءۇشىن كەلەدى. سول سەبەپتى جاۋاپكەرشىلىكتى سەزىنەمىن.

&ndash؛ بىلتىر تۇركيامەن ساۋدانى ۇيرەتەمىن دەگەن بلوگەرلەردىڭ سوڭىنان ەرگەن ءبىر توپ قازاقستاندىق «؛الداندىم»؛ دەپ شاعىمدانعان ەدى. شەتەلمەن ونلاين ساۋدادا الدانىپ قالماس ءۇشىن نەنى ەسكەرۋ كەرەك؟

&ndash؛ ەشتەڭە وڭاي بولمايدى. جەكە كاسىپتى باستاعان كەزدە نەشە ءتۇرلى قيىندىقتى باستان وتكەرەسىز. ال قيىندىقتى «؛وسى دەڭگەيدەن ءوتۋىم كەرەك»؛ دەپ قابىلداعان ءجون. كاسىپ ميلليونداعان اقشا الىپ كەلەدى. ەندى سەنىڭ ارەكەتىڭ مەن باستان وتكەرەتىن قيىندىعىڭ دا سوعان ساي بولاتىنى زاڭدىلىق ەمەس پە؟! ال الدانىپ قالعان ادامنىڭ كوبى ميلليونداعان نەسيە الادى, ءبىراق سول جاقتاعى ارەكەتكە دايىن بولمايدى. ارزان تاۋارعا قىزىعىپ ساتا الماي قالاتىندار دا بار. كوبىنىڭ الدانىپ قالۋىنا بىلىمسىزدىگى سەبەپ دەپ ايتار ەدىم. ەكسپەرتتىڭ سوڭىنان قالماي, ايتقانىن ىستەۋ كەرەك. ال كوبىسىنە شۋ شىعارىپ, اقشاسىن قايتارىپ الۋ وڭاي بولعان سەكىلدى. تۇركيامەن, قىتايمەن ساۋدا جاساپ  ؛ميلليون تاباتىندار بار. ءبىراق ساۋدا جاساۋ ءۇشىن سول ەلگە بارۋدىڭ قاجەتى جوق. ونلاين جاساۋ الدەقايدا ءتيىمدى.

&ndash؛ كەز كەلگەن كاسىپ ءبىر ساتتە ناتيجە بەرمەيتىنى بەلگىلى عوي. قانداي قيىندىقتى باستان وتكەردىڭىز؟

&ndash؛ الماتىعا ءبىلىم الامىن دەپ جالعىز كەلگەن كەزدە دالادا قونعانىم بار. اتىراۋدا بولعاندا پاتەرگە الدىن-الا تولەم جاساپ قويعانمىن. الماتىعا كەلسەم پاتەر دە, اقشام دا جوق. وزىممەن بىرگە 280 مىڭ الىپ كەلگەن ەدىم. بىرنەشە ريەلتورعا تولەم جاساپ, اقشادان دا ايىرىلدىم. 5 كۇن دالادا قالدىم.

كۇزدىڭ كۇنى. تاڭعى ساعات 6:00. دالا قاپ-قاراڭعى. توڭىپ ءارى قورقىپ وتىرمىن. 2 ساعات بويى اۋلادا اتكەنشەكتە وتىردىم. سول كەزدەگى 2 ساعاتىم 2 جىلعا پارا-پار بولدى. تاڭ اتىپ, كۇن شىققان كەزدە كوۆوركينگكە جاياۋ بارامىن. 2000 تەڭگە تولەپ 24 ساعات بويى جۇمىس ىستەۋگە بولادى ەكەن. ورتالىقتا ۇيىقتاپ قالسام, قىزمەتكەرلەر وياتىپ جىبەرەدى. سەبەبى ۇيىقتاپ وتىرساڭ, شىعارىپ تاستايدى ەكەن. ءۇشىنشى كۇنى كۋرستا بىرگە وقىپ جۇرگەن قىزداردىڭ ءبىرى كومەكتەستى. ءبىراق اناسى قاتال بولعان سوڭ ونى ۇيىندە دە ۇزاق قالا المادىم. ارينە, «؛ۇيگە قايتىپ كەتسەم بە؟»؛ دەگەن ويلار بولدى. ءبىراق بالالارىمدى ويلادىم. ولاردىڭ ەشقانداي شەكتەۋسىز, باقۋاتتى ءومىر ءسۇرۋىن قالادىم.

&ndash؛ بيزنەس باستايتىن كەزدە جولداسىڭىز قالاي قابىلدادى؟ قارسى بولمادى ما؟

&ndash؛ ايەل ادامنان قۋلىق ارتىلمايدى دەيدى عوي. العاشىندا قارسى بولعانى راس. كەيىن ويى وزگەردى. ءقازىر ايەلدەردىڭ كوبى جەكە دامۋمەن اينالىسىپ ءجۇر. دامىعىسى كەلەتىن ايەلدەرگە كۇيەۋى تۇك بىتىرمەي, ۇيدە وتىرعانداي بولىپ كورىنەدى. ال كەيدە ايەلىنىڭ دامىپ, جاقسارىپ كەلە جاتقانىن كورگەن ەر ادامنىڭ تىيىم سالۋى, «؛بارمايسىڭ, ۇيدە وتىر»؛ دەۋى كوبەيەدى. مۇنداي جاعدايدا ايەل ادام ءوزىنىڭ دامىپ, اقشا تاۋىپ جاتقانىن مىندەتسىنبەۋى كەرەك. ءوز باسىم كۇيەۋىمدى بيزنەسمەندەرمەن ارالاسىپ, ءتۇرلى كەزدەسۋلەرگە بارۋعا يتەرمەلەدىم. جاي عانا «؛كۇشتى ترەنينگ بولىپ جاتىر ەكەن. بارىپ كورسەڭ قالاي؟»؛ دەپ قىزىقتىرۋعا تىرىستىم. العاشىندا كۇيەۋىم كەلىسپەدى. ۇندەمەدىم. ءبىراق ءوز ورتامدا كۇيەۋىمدى جارنامالاپ ءجۇردىم. كەيىن وعان قوڭىراۋلار ءتۇسى, ۇسىنىستار جاسالدى. وسىلاي جايلاپ-جايلاپ بيزنەسكە ارالاستى.

«؛ۆەبيناردى قالاي باستادىڭ؟ قالاي كاسىپ جاساپ ءجۇرسىڭ؟»؛ دەپ سۇراعاندا كوزگە كورىنبەيتىن قيىن جۇمىستى كۇيەۋىم جاسايتىنىن ايتامىن. ايەل ادام جۇمىس ىستەگەن كەزدە كۇيەۋىنىڭ بەدەلىن تۇسىرمەۋ كەرەك. ء«؛سىز رۇقسات بەرگەن سوڭ وسىنداي دەڭگەيگە جەتتىم»؛ دەپ ماقتاپ, شابىتتاندىرىپ وتىرعان ءجون. ەر ازامات سول كەزدە وزگەرەدى. ۇرىس-كەرىستىڭ كوبى ايەلدىڭ مىندەتسىنگەنىنەن باستالادى.

سوسىن ءبىز ادامدى وزگەرتۋگە تىرىسامىز. مۇنداي كەزدە اللا تاعالا ءومىرىمىزدى بەرەكەسىز قىلادى. باسقانىڭ كەمشىلىگىن بەتىنە باسپاي, ۇرىسپاي تەك قانا دۇعا جاساۋ ارقىلى ادامدى وزگەرتۋگە بولادى. سەبەبى جۇرەكتەردىڭ ءامىرشىسى &ndash؛ قۇداي. ؛ كوبىمىز جۇمىس ىستەپ اقشا تاپساق تا, سىيلىق بەرىپ قۋانتساق تا قايتارىمىن كۇتپەي, شىن كوڭىلمەن جاساۋدى ۇمىتىپ كەتەمىز.

سۇحباتتاسقان اسەل بولاتقىزى