15 اقپان, 2023 الەم
فوتو: alexander demianchuk/tass
رەسەي ۋكرايناعا سوعىس اشۋىنا بايلانىستى سانسىز سانكسيا استىندا قالعانىنا ءبىر جىلدان استى. دەگەنمەن كرەملدىڭ سوعىسقا قۇيۋتىن ءقاراجاتىنىڭ بىتەتىن ءتۇرى جوق. رەسەي اسكەرى ۋكراين حالقىن قىرىپ, ولاردىڭ جەرىن توقتاۋسىز وككۋپاسيالاۋىن جالعاسىرىپ جاتىر. رەسەي ەكونوميكاسىنا سانكسيالار نە سەبەپتى اسەر ەتپەدى؟ سانكسيا اگرەسسوردى توقتاتا الا ما؟ وسى سۇراقتارعا جاۋاپ ىزدەگەن ۆۆس ماتەريالى تومەندە ۇسىنىلىپ وتىر.
ۇلىبريتانيالىق باق كرەمل سانكسياعا الدىن الا دايىندالعانىن جازادى. رەسەي ۇكىمەتى ەكونوميكالىق ساياساتتا ورەسكەل قاتەلىك جىبەرۋدەن قاشىپ, ەنەرگەتيكالىق كريزيس كەزىندە ءبىرشاما پايدا كوردى.
"رەسەي كەدەي ادامداردان قۇرالعان باي مەملەكەت. ولار سوعىسقا ۇلكەن قاراجاتپەن, اسقان دايىندىقپەن كىرگەن" دەيدى چيكاگو ۋنيۆەرسيتەتىنىڭ ەكونوميسى كونستانتين سونين.
؛
"كرەملدىڭ جيعان اقشاسى سوعىستان كەيىنگى بىر-ەكى جىلدا دا بيۋدجەت جىرتىعىن جاماۋعا جەتەدى. ؛سانكسيا سالىنعان كەزدە قازىنادا ءالى دە ارتىق اقشا بولدى, ال ۆاليۋتانىڭ قۇلدىراۋى وعان دەگەن قاجەتتىلىكتى ارتتىرا ءتۇستى. بۇل جاعدايدا رەزەرۆتى قاتىرۋ, يمپورتتى ەكسپورتقا ەمبارگوسىز شەكتەۋ سىندى رەسەيگە سالىنعان سانكسيامەن قارجىلاي داعدارىس جاساۋ مۇمكىن ەمەس" دەيدى لوس-اندجەلەستەگى كاليفورنيا ۋنيۆەرسيتەتىنىڭ ەكونوميسى ولەگ يسحوكي. ؛
"رەسەي ۇكىمەتىنە قارجىلاي داعدارىس كەزىندە دۇربەلەڭدى توقتاتۋ قيىنعا سوقپادى. سەبەبى ەلگە ەۆرو مەن دوللاردىڭ ۇلكەن مولشەرى ۇزدىكسىز ءتۇسۋىن جالعاستىرا بەردى" دەدى يسحوكي امەريكالىق ەكونوميكالىق اسسوسياسيانىڭ كونفەرەنسياسىنداعى سوزىندە. ؛
كەرىسىنشە سانكسيا سالىنعان ۋاقىتتا رەسەيدىڭ قارجىلىق جاعدايى جاقسارا ءتۇستى. سانكسيالار يمپورتتى شەكتەگەندە تۇتىنۋ مولشەرى تومەندەدى. ال ەنەرگيا تاسىمالداۋشىلاردىڭ ارقاسىندا ەكسپورتتان تۇسكەن پايدا ارتتى. يسحوكي كەلتىرگەن ستاتيستيكاعا سۇيەنسەك, ادەتتەگى جىلى شيكىزات ەكسپورتىنان تۇسكەن تابىس بيۋدجەتتىڭ 40%-ىن قۇراسا, 2022 جىلى 1,5 ەسەگە ارتىپ, شامامەن 60%-عا جەتكەن.
"ەگەر سانكسيانىڭ باستى ماقساتى داعدارىس تۋىنداتۋ ارقىلى رەسەيدىڭ سوعىستى قارجىلاندىرۋىنا جول بەرمەۋ بولسا, بۇل ماقسات جۇزەگە اسپادى. سانكسيا كۇردەلى دە, ۇزاق ويىن" دەيدى ول.
كەلەسى ماقسات &ndash؛ ورتا ەسەپتىك پەرسپەكتيۆادا ءبولىنىپ جاتقان اسكەري شىعىننىڭ ءبولىنۋىن قيىنداتۋ ءۇشىن بيۋدجەتكە اۋىر سالماق ءتۇسىرۋ. بۇل پروسەسس وتە باياۋ ءجۇرىپ جاتقاندىقتان, سوعىستى قارجىلاندىرۋدا شەشۋشى فاكتور بولا المايدى.
سانكسيالار سوعىستى توقتاتا الا ما؟
ەكونوميست ۆلاديسلاۆ ينوزەمسەۆتىڭ بولجاۋىنشا, سانكسيالاردىڭ اسەرى اي سايىن كۇشەيە تۇسەدى. ءبىراق رەسەيدىڭ ۋكرايناعا دەگەن اگرەسسياسىن توقتاتا المايدى. ؛
"سانكسيا سالىنا سالىنىسىمەن ەمەس, كەمىندە كۇشىنە ەنگەننەن كەيىنگى جارتى جىلدان سوڭ عانا اسەر ەتە باستايدى. 2023 جىلدىڭ سوڭىنا قاراي ناتيجەسىن كورەمىز" دەدى ول جەلتوقساندا وتكەن "رەسەي شىندىعى &ndash؛ 2022: ساياسات, ەكونوميكا, ازاماتتىق قوعام" اتتى كونفەرەنسيادا.
"پۋتين ساياساتىن سانكسيالار وزگەرتە المايدى. سانكسيا سالدارىنان رەسەي ەكونوميكاسى قۇلدىراۋى مۇمكىن, ءبىراق ءپۋتيننىڭ ۋكراينانى بوراعان وقتىڭ استىنا الۋعا دەگەن قۇشتارلىعى جويىلا قويماس" دەدى ينوزەمسەۆ.
تىپتى, قاراجات تاۋسىلعان كۇننىڭ وزىندە بيۋدجەتتەگى سوعىسقا بولىنەتىن اقشا مولشەرى زاڭمەن قورعالعان. تۇراقتى قورداعى قاراجاتتى ەسەپتەمەگەندە, رەسەي ۇزدىكسىز اقشا تابۋ ۇستىندە, دەمەك سوعىسقا بولىنەتىن قاراجاتتىڭ بىتەر ءتۇرى جوق.
يسحوكي پىكىرىنشە, سانكسيا سيقىرلى تاياقشا ەمەس. ول سوعىستى قارجىلاندىرۋ مۇمكىندىگىن شەكتەۋى مۇمكىن, ءبىراق ونى توقتاتا المايدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر