14 اقپان, 2023 الەم
فوتو: اشىق دەرەككوز
تۇركياداعى جەر سىلكىنىسىنەن كەيىن گازيانتەپ پرۆينسياسىنداعى نۇرداعى قالاسى تولىعىمەن سۇرىلەتىن بولدى. ؛ ؛بۇل تۋرالى گۋبەرناتوردىڭ مىندەتىن اتقارۋشى وسمان بيلگين مالىمدەگەن. ؛
شەنەۋنىك ءقازىر سوڭعى 8 ۇيدە ىزدەۋ-قۇتقارۋ جۇمىستارى جۇرگىزىلىپ جاتقانىن ايتتى. سودان كەيىن قالا تولىقتاي ءسۇرىلىپ, عيماراتتار قايتا سالىناتىن بولادى. ؛
"بىز ۇلكەن اپاتتى باستان وتكەردىك. قالا قۇرىلىسى ءمينيسترى كۋرۋممەن بىرگە شەشىم قابىلدادىق. بارلىق قوقىستى تازالاپ, قالانى تولىق سۇرەمىز, 100 پايىز. قالا قايتا سالىنادى. ءبىز كوپ ادامنان ايىرىلىپ قالدىق. دەگەنمەن بۇل اپاتقا دا شامامىز كەلگەنشە قارسى تۇرامىز", - دەدى بيلگين.
تۇركيا مەن سيرياداعى ءزىلزالادان بەرى 8 كۇن ءوتتى. رەسمي اقپارات بويىنشا, ەكى ەلدە قازا تاپقانداردىڭ سانى 37 مىڭنان اسقان. تۇركيادا 31 643 ادامنىڭ ءمايىتى تابىلسا, سيريادا 4 614 ادامنىڭ ولگەنى راستالدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر