الماتى وبلىسىندا عىلىم جانە جوعارى ءبىلىم مينيسترلىگىمەن ەكى جاقتى جول كارتاسى جاسالادى

بۇگىن الامتى وبلىسىنىڭ ورتالىعى قوناەۆ قالاسىنا عىلىم جانە جوعارى ءبىلىم ءمينيسترى ساياسات نۇربەك جۇمىس ساپارىمەن كەلدى, دەپ حابارلادى وبلىس اكىمىنىڭ ءباسپاسوز قىزمەتى.

مينيستر ەڭ الدىمەن وبلىس ورتالىعىنىڭ, جالپى العاندا ءوڭىردىڭ دامۋ جوسپارىمەن تانىستى. كەمەل جەردىڭ كەلەشەگىن ايماق باسشىسى مارات سۇلتانعازيەۆ ايتىپ, باس جوسپارعا كىرىكتىرىلگەن جوبالاردى تالداپ بەردى.

ارتىنشا, مينيستر مەن اكىمدىك وكىلدەرى دوڭگەلەك ۇستەلدە باس قوستى. كۇن تارتىبىندەگى نەگىزگى تاقىرىپ, قوناەۆ قالاسىننان اكادەميالىق قالاشىقتى قۇرۋعا ارنالدى.

كەزدەسۋ بارىسىندا الماتى وبلىسى ءبىلىم باسقارماسىنىڭ باسشىسى سالتانات بەسپاەۆا العاشقى بولىپ ءسوز الىپ, تاياۋ بولاشاقتا اتقارىلار كەلەلى ىستەر تۋراسىندا بايانداما جاسادى.

وڭىردىڭ باس ۇستازىنىڭ ايتۋىنشا, وسىعان دەيىن الماتى وبلىستىق ءبىلىم باسقارماسى قر وقۋ-اعارتۋ مينيسترلىگىنە اكادەميالىق قالاشىقتا 1200 ورىندىق پوليتەحنيكالىق كوللەدج سالۋ تۋرالى ۇسىنىس بەرىپ, ول مينيسترلىكتەن قولداۋ تاۋىپ, وبلىس اكىمى مارات ەلەۋسىزۇلىنىڭ اتىنان ۇكىمەتكە سۇرانىس حاتتا جولدانعان. بۇل باستامانى قر پرەمەر-مينيسترى ءاليحان سمايلوۆتىڭ ءوزى دە قولدايتىندىعىن ايتقان ەدى.

وڭىردە اكادەميالىق قالاشاقتى قۇرۋداعى ماقسات-وبلىس اۋماعىندا ورنالاسقان كاسىپورىندار مەن شارۋاشلىقتارعا قاجەتتى بىلىكتى مامانداردى شەت مەملەكەتتەن الدىرماي, ءوز جەرىمىزدە دايارلاۋ.

قر عىلىم جانە جوعارى ءبىلىم ءمينيسترىنىڭ ايتۋىنشا, قازىرگى تاڭدا ءبىلىم سالاسىنداعى باستى تۇيىتكىل ينفراقۇرىلىمدى ارتتىرۋ بولىپ تابىلادى. ويتكەنى, ەل اۋماعىنداعى دەموگرافيالىق ءوسىم مەن شەت مەمەلەكەتتەن ستۋدەنتتەردىڭ اعىلىپ كەلۋى ءدال وسى ماسەلەمەن بەتپە-بەت كەزىكتىرىپ وتىر.

ساياسات نۇربەكتىڭ ايتۋىنشا, قازىرگى تاڭدا قازاقستاندا ءبىلىم الاتىن ستۋدەنتتەردىڭ سانى 626 مىڭدى قۇراسا, 2025 جىلى بۇر كورسەتكىش 800 مىڭعا جەتسە, 2030 جىلعا قاراي 1 ملن-نان اسىپ جىعىلماق. سوندىقتاندا, اكادەميالىق قالاشىقتى سالۋ اسا ماڭىزعا يە.

الماتى وبلىسى مارات سۇلتانعازيەۆ قوناەۆ قالاسىنىڭ باس جوسپارىنا سايكەس, ارنايى جەر قاراستىرىلعانىن, كوكتەم ايىندا باس جوسپار بەكىتىلگەننەن كەيىن ينفراقۇرىلىمعا قاتىستى جۇمىستار ءوز جالعاسىن تاباتىندىعىن اتاپ ءوتتى.

«؛الداعى ۋاقىتتا, وزدەرىڭىز ايتقانداي ەكونوميكالىق قولايلى ايماق قۇرىلىپ, ينفراقۇرىلىم جولعا قويىلادى. شەت ەلدەن كەلەتىن ۇستازدار قاۋىمىن تۇرعىن ۇيمەن قامتۋ ماسەلەسىندە قاراسىتارمىز»؛,-دەدى وبلىس اكىمى مارات ەلەۋسىزۇلى.

جيىن بارىسىندا مينيستر ساياسات نۇربەك وبلىس بيلىگىنە ايماقتاعى تاپشى ماماندار ءتىزىمىن بەرۋدى تاپسىرىپ, الماتى وبلىسى اكىمدىگىمەن بىرلەسە وتىرىپ, ەكى جاقتى جول كارتاسىن دايىنداۋدى ۇسىندى. باس قۇجات الداعى ءبىر اپتانىڭ ىشىندە راسىمدەلۋى ءتيىس ەكەنىن قاداپ ايتتى.

«؛مەملەكەت باسشىسىنىڭ تاپسىرماسىنا سايكەس, قوناەۆ قالاسىنان اكادەميالىق قالاشىق سالۋ جوسپارلانعان. ول ءۇشىن وبلىس اكىمدىگىمەن كەلىسە وتىرىپ 100 گەكتار جەر بولىنگەن. ءبىز كەلەشەكتە شەتەلدىڭ دامىعان ۋنيۆەرسيتەتتەرىمەن كەلىسسوز جۇرگىزۋ ارقىلى وسى ماڭدا جوو اشىۋدى كوزدەۋدەمىز. جوسپار بويىنشا, g4 city &ndash؛دە ۇلكەن يندۋستريالىق, ونەركاسىپتىك كلاسستەر ورنالاسپاق. سول ءۇشىن ارنايى مامانداردى دايىنداۋىمىز قاجەت. جاڭادان قالىپتاسىپ جاتقان ونىدىرىستىك ايماققا قاجەتتى مامانداردىڭ ءتىزىمىن جاساقتاپ, كادرلىق تاپشىلىقتى ايقىنداۋ كەرەك»؛,- دەدى مينيستر ساياسات نۇربەك.

ونىڭ ايتۋىنشا, بۇگىنگى كۇنى ينجەنەرلىك-تەحنيكالىق مامانداردىڭ 70 پايىزدان استامى الماتى قالاسىنداعى ۋنيۆەرسيتەتتەردە دايارلانادى, الايدا ولاردىڭ باسىم بولىگى ءدال سول شاھاردا قالىپ قويىپ, وندىرىسكە شىقپايدى. سوندىقتان الداعى ۋاقىتتا ۋنيۆەرسيتەتتەردى وندىرىستەرمەن تىعىز بايلانىستىرىپ, دۋالدى فورماتقا كوشىرۋ باستى نازارعا الىنباق, دەگەن مينيستر ارتىنشا وبلىستاعى قوس بىردەي كاسىپورىنعا اتباسىن بۇرىپ, ءوندىرىس وشاقتارىنداعى قانداي ماماندارعا سۇرانىستىڭ ارتقانىن زەردەلەدى.

مينيستر باس سۇققان كاسىپورىننىڭ ءبىرى &ndash؛ «؛مارەۆەن فۋد تيان شان»؛.

2018 جىلى ەلدە ىرگەسى قالانعان زاۋىتتىڭ الەۋەتى جوعارى ەكەنى انىق. 5 جىلدىڭ ىشىندە ءوندىرىس كولەمىن 3 ەسەگە ۇلعايتقان بۇل جەردە 900 ادام ەڭبەك ەتەدى. الايدا, بەلگىلى ءبىر ماماندىق يەسىنە سۇرانىستىڭ بارى جاسىرىن ەمەس.

زاۋىت الماتى ەنەگەرگەتيكا جانە بايلانىس ۋنيۆەرسيتەتىمەن جانە دە الماتى تەحنيكالىق جوعارى وقۋ ورنىمەن بايلانىستا. سونىڭ وزىندە مامان تاپشىلىعى ماسەلەسى تۇبەيگى شەشىمىن تاپپاعان. مۇنداعى جاۋاپتىلار تەحنيكالىق قۇرىلعىلارمەن جۇمىس جاسايتىن ينجەنەرلەر مەن تەحنولوگتاردىڭ قاجەتتىگىن بۇكپەسىز ايتتى.

ايماقتاعى زاۋىتتارداعى كادرلىق الەۋەتكە كوز جۇگىرتكەن مينيستر ساياسات نۇربەك, اكادەميالىق قالاشىق سالىنىپ, ماماندار وزىمىزدە وقىتىلعاندا ماسەلەنىڭ كۇرمەۋى تارقاتىلادى دەپ سەندىردى.

ەستەرىڭىزگە سالامىز, پرەزيدەنت قاسىم-جومارت توقاەۆ 2025 جىلعا قاراي ەلگە شەت ەلدىك ەڭ مىقتى 5 جوعارى وقۋ ورنىنىڭ بولىمدەرىن اشۋدى تاپسىرعان. بىلتىردىڭ وزىندە مەملەكەت باسشىسىنىڭ پارمەنىنىڭ شەڭبەرىندە 4 بىردەي ۋنيۆەرسيتەتتىڭ فيليالى اشىلعان ەدى. مينيستر مىرزانىڭ ايتۋىنا قاراعاندا, بيىلعى جىلى تاعى دا 6 جوو قازاقستانعا كەلەدى. ولاردىڭ ىشىندە شوتلانديانىڭ ەڭ كونە تەحنيكالىق ۋنيۆەرسيتەتى heriot-watt-تا بار.

«؛ەندىگى كەزەكتە بۇل ءبىلىم وردالارىن وسىنداي ارنايى اكادەميالىق قالاشىقتارعا اكەلۋ جوسپارلانعان. مينيسترلىك پەن الماتى وبلىسى اكىمدىگىنىڭ رەسۋرستارىن بىرىكتىرىپ, ءبىز قوناەۆ قالاسىن ۇلكەن اكادەميالىق ۇتقىرلىق حابىنا اينالدىرۋعا جوسپار قۇرىپ وتىرمىز»؛,-دەدى مينيستر ساياسات نۇربەك.