• usd 468.56

  • eur 497.56

  • rub 7.3

  • cny 67.18

30 قاڭتار, 12:08:49
الماتى
-2°

ۇلتتىق قوعامدىق دەنساۋلىق ساقتاۋ ورتالىعىنىڭ دەرەگىنشە, ؛ەلدەگى ءاربىر بەسىنشى ءجاسوسپىرىم بۋللينگكە ۇشىرايدى. ماماندار بالالار اراسىنداعى الىمجەتتىك اۋىلدان گورى قالالىق مەكتەپتەردە ءجيى كەزدەسەتىنىن ايتادى. بالالار پسيحولوگى الماگۇل جەكسەمبايقىزى قامشى تىلشىسىنە بەرگەن سۇحباتتا بۇگىندە ؛بۋللينگتىڭ ءتۇرى كوبەيىپ كەتكەنى, اتا-انالاردىڭ ورەسكەل قاتەلىكتەرى جونىندە ءسوز قوزعادى.

&ndash؛ جاسوسپىرىمدەردى الىمجەتتىككە نە يتەرمەلەيدى؟ ولار نەلىكتەن قورقىتىپ, كۇش كورسەتۋگە بارادى؟

&ndash؛ بۋلينگ &ndash؛ بۇگىندە ءالى دە قوعامداعى وتە وزەكتى ماسەلەلەردىڭ ءبىرى بولىپ وتىر. كوبىسى بۋللينگتى تەك الىمجەتتىك كورسەتۋ, ۇرىپ-سوعۋ دەپ ويلايدى. ادامدى مازاق ەتۋ, قورلاۋ, جەكە زاتتارىن تارتىپ الۋ نەمەسە ءبۇلدىرۋدىڭ ءوزى بۋللينگ بولىپ سانالادى. سوڭعى ۋاقىتتا الەۋمەتتىك جەلىدە وسەك, جالعان اقپارات تاراتۋ, حابارلاما ارقىلى شانتاج جاساۋ سەكىلدى بۋللينگتىڭ ءتۇرى جيىلەپ كەتتى.

جاسوسپىرىم اراسىنداعى بۋللينگتىڭ كوبەيۋىنىڭ بىرنەشە سەبەبى بار:

بىرىنشىسى, بالانىڭ شەكتەن تىس تەلەفونعا تاۋەلدى بولۋى. اتا-انا بالاسىنىڭ نە كورىپ وتىرعانىن مۇقيات قاداعالاعانى ءجون. پسيحيكاعا زيانىن تيگىزەتىن ويىندار مەن اگرەسسياعا تولى ۆيدەو كورگەن بالا ىشتەگى ەنەرگياسىن سىرتقا شىعارا المايدى. بۇل ونى بۋللينگ جاساۋعا يتەرمەلەيدى.

ەكىنشىسى, سترەسستىك جاعداي:

  • اتا-انانىڭ اجىراسۋى؛
  • بالانىڭ كوزىنشە بولعان ۇرىس-كەرىس؛
  • تۇسىنىسە الماعان اتا-انانىڭ اراسىندا قالۋ.

مۇنىڭ ءبارى بالانىڭ سىرتتا اگرەسسيا كورسەتۋىنە اكەلەدى.

ۇشىنشىسى, بالاعا دۇرىس كوڭىل بولمەۋ. كوپ اتا-انا بالانىڭ تاماعى توق, كيىمى ءبۇتىن بولسا جەتكىلىكتى دەپ ويلايدى. سول سەبەپتى بالالار ءوزىن جالعىز, ەشكىمگە كەرەكسىز سەزىنەدى. بالانىڭ جانىنان تابىلۋ ؛&ndash؛ تاماعى مەن كيىمىنەن دە ماڭىزدى ەكەنىن ۇمىتپاۋ كەرەك.

بوب

&ndash؛ الىمجەتتىك كورگەن نەمەسە كەرىسىنشە الىمجەتتىك كورسەتكەن وقۋشىلارمەن قالاي جۇمىس ىستەيسىز؟

&ndash؛ كەز كەلگەن بالا بۋللينگكە ۇشىراۋى مۇمكىن. مەنىڭ تاجىريبەمدە مۇنداي جاعداي ءجيى كەزدەستى. «؛مەنىڭ بالام باسقالارعا الىمجەتتىك كورسەتەدى»؛ نەمەسە «؛مەنىڭ بالام مەكتەپتە بۋللينگكە ۇشىرادى»؛ دەپ كومەك سۇراپ كەلەتىن اتا-انا وتە كوپ. ەكىگە وقيتىن, بەسكە وقيتىن وقۋشى دا بۋللينگكە ۇشىراۋى مۇمكىن.

مۇنداي بالالارمەن ءبىرجاقتى جۇمىس جۇرگىزە المايمىز. العاشىندا بالامەن جەكە, اتا-انامەن جەكە, كەيىن, جالپى, وتباسىمەن بىرگە پسيحولوگيالىق جۇمىس جۇرگىزىلەدى.

ارينە, ەڭ ءبىرىنشى بالامەن اڭگىمەلەسەمىز. ونىڭ سەنىمىنە كىرۋدىڭ ءوزى وڭاي ەمەس. ەمىن-ەركىن ىشىندەگى سەزىمى مەن بۋللينگتەن العان زاردابىن, بويىنداعى قورقىنىشىن ءبولىسۋى ءۇشىن ارت (ناۋقاس ادامنىڭ پسيحو-ەموسيونالدىق ءحالىن شىعارماشىلىق ارقىلى ەمدەم) جانە قۇم (قۇممەن سۋرەت سالعىزۋ ارقىلى بالانىڭ ؛اشۋشاڭدىعىن, اگرەسسياسىن, جىلاڭقىلىعىن باسۋ) تەراپياسىنان وتەدى. مۇنداي تەراپيالار تەك بالاعا عانا ەمەس, اتا-اناعا دا قولدانىلادى.

&ndash؛ اتا-انا بالاسىنىڭ بۋللينگكە ۇشىراعانىن, قورقىپ جۇرگەنىن قالاي بىلە الادى؟ جالپى, جاسوسپىرىممەن اتا-انا قالاي سويلەسۋى كەرەك؟

&ndash؛ شىن مانىندە, باسقالارعا بۋللينگ جاسايتىن بالالار پسيحولوگيالىق كومەككە كوبىرەك مۇقتاج. ول نە سەبەپتى وزىنەن ءالسىز ادامدى تاۋىپ, ونى كەمسىتەدى, الىمجەتتىك كورسەتەدى؟ كەيبىرى, ءتىپتى مۇنداي ارەكەتىنەن ءلاززات الادى. نەگە؟ مىسالى, مەنىڭ تاجىريبەمدە رۋستام (ەسىمى وزگەرتىلگەن &ndash؛ رەد.) ەسىمدى بالا بولدى. ونىڭ بۋللينگ جاساۋىنا وتباسىندا پسيحولوگيالىق جانە فيزيكالىق قىسىم كورۋى سەبەپ بولعان. ول باسقا بالالارعا الىمجەتتىك كورسەتۋ, قىسىم جاساۋ ارقىلى ءوزىنىڭ جەكە قۇندىلىعىن قالىپقا كەلتىرگىسى كەلەدى.

بالاعا كۇندەلىكتى 10-15 مينۋت كوڭىل ءبولۋ جەتكىلىكتى. بالاعا كوڭىل ءبولۋ &ndash؛ تاڭنان كەشكە دەيىن بالانىڭ قاسىندا بولۋ ەمەس. مىسالى, ساباقتان كەلگەن بالاعا «؛ساباعىڭ قالاي؟»؛, «؛قانداي باعا الدىڭ؟»؛ دەپ ەمەس, «؛بۇگىن ءۇزىلىس كەزىندە نە ىستەدىڭ؟»؛, «؛ساباقتا قانداي تاقىرىپ وتتىڭدەر؟»؛ دەپ سۇراعان ءجون. اتا-انا بالاسىنا ءوزىنىڭ بۇگىنگى كۇنى قالاي وتكەنىن ايتىپ بەرسە دە بولادى. بۇگىن كىمگە رەنجىگەنىن, نە ءۇشىن كوڭىل-كۇيى تۇسكەنىن ايتسا, بالامەن جاقىن قارىم-قاتىناس ورنايدى. ال ۇيدە وتىرعان انالار تاماقتىڭ دۇرىس پىسپەگەنىن, ءۇيدى جيناۋعا ۇلگەرمەگەنىن اڭگىمەلەپ بەرسە, بالا دا ءوز ماسەلەسىن ايتا باستايدى. بالامەن اڭگىمەلەسۋ &ndash؛ كوپ اتا-انا ويلاعانداي قيىن ەمەس. قۇربىڭىزبەن, دوسىڭىزبەن جاقسى اڭگىمەلەسە الساڭىز, بالاڭىزبەن دە اڭگىمە-دۇكەن قۇرا الاسىز.

بالانىڭ قىزىعۋشىعى مەن الەۋمەتتىك جەلىدەگى «؛اۆاسىنا»؛ قاراپ تا كوپ نارسە بىلۋگە بولادى. اتا-اناعا تەك بالاسىن باقىلاپ, مۇقيات قاداعالاۋى كەرەك. ارينە, ونىڭ جەكە زاتتارىن اقتارىپ, ۇرسىپ, ايعاي شىعارۋ دۇرىس ەمەس. جاي عانا قانداي سايتتى قارايتىنىن, قانداي اقپارات الىپ جۇرگەنىن ءبىلىپ ءجۇرىڭىز.

بالاعا بۋللينگ جاسالعانىن كيىمىنىڭ القام-سالقام بولۋىنان, دەنەسىندە كوگەرگەننىڭ جەرىنەن بايقاۋعا بولادى. قورقىپ, قوبالجىعان بالا ساۋساقتارىن ءجيى قوزعاپ, تىرسىلداتادى. كوپ ۇيىقتاۋ, باسى مەن ءىشىنىڭ ءجيى اۋرۋى دا &ndash؛ بۋللينگكە ۇشىراعان بالانىڭ العاشقى بەلگىلەرى.

&ndash؛ بالامەن بۋللينگ تاقىرىبىندا قالاي سويلەسۋگە بولادى؟ ؛

بالامەن بىرگە بۋللينگ تاقىرىبىنداعى فيلم كورۋدى ۇسىنار ەدىم. فيلم &ndash؛ بالامەن ورتاق تاقىرىپتا سويلەسىپ, پىكىر الماسۋعا سەبەپ. ءجاسوسپىرىم بالا اتا-اناسىنان «؛قانداي جاعداي بولماسىن سەنىڭ جانىڭدامىن»؛, «؛ساعان ۇنەمى تۇسىنىستىك تانىتامىن»؛ دەگەن ءسوزىن ەستۋى كەرەك. تەك ەستىپ قانا قويماي تولىق سەنىپ, سەزىنۋى دە ماڭىزدى.

&ndash؛ ەلدە الىمجەتتىك كورگەن بالالار وزىنە قول سالۋعا دەيىن بارعان جاعدايلار بار. ؛قايعىلى وقيعالاردىڭ الدىن الۋ ءۇشىن مەكتەپ مۇعالىمدەرى مەن اتا-انا قانداي ارەكەت جاساعانى ءجون؟

&ndash؛ بالا ءبىر وقيعادان كەيىن سۋيسيد جاسامايدى. ۇزاق ۋاقىت بويى جالعاسىپ كەلە جاتقان پسيحولوگيالىق جانە فيزيكالىق قىسىمنان, شاراسىز, جالعىز سەزىنگەندىكتەن وسىنداي قادامعا بارادى. ال بۋللينگ &ndash؛ ءبىر كۇندىك ەمەس, ۇزاق ۋاقىتقا سوزىلاتىن پروسەسس. العاشقىدا ءبىر بالا قىسىم كورسەتسە, كەيىن توپتاسىپ جينالىپ الادى. ۇزاق ۋاقىت بويى بۋللينگكە ۇشىراعان بالا پسيحولوگيالىق تۇرعىدا تۇنشىعادى. وعان سۋيسيدتەن باسقا جول جوق سەكىلدى كورىنەدى.

پسيحولوگتار تەك مەكتەپتە جۇمىس ىستەمەيدى. كەز كەلگەن قالادا پسيحولوگ بار. اتا-انا بالامەن مۇلدەم سويلەسە الماعان جاعدايدا پسيحولوگ كومەگىنە جۇگىنۋگە ۇيالماۋى كەرەك. بالاسى بىردەن تۇيىقتالىپ قالعانىن, مەكتەپتە بۋللينگكە ۇشىراعانىنان كۇدىكتەنسە, مۇعالىممەن جانە مەكتەپ پسيحولوگىمەن جەكە سويلەسكەن دۇرىس. ال كۇدىگى راستالسا, بارلىق بالانىڭ كوزىنشە ۇرىس-كەرىس شىعارۋعا بولمايدى. ؛ مامانداردىڭ كومەگىنە جۇگىنىپ, مۇعالىمگە ەسكەرتۋى قاجەت.

بالا وزىنە الىمجەتتىك جاسالعانىن ايتىپ بەرسە, كەي اتا-انا ابدىراپ, نە ىستەرىن بىلمەي بالانىڭ وزىنە ۇرسادى. مۇنداي جاعدايدا اتا-انا ءوز ەموسياسىن باقىلاۋدا ۇستاپ, بالاسىنىڭ قورقىنىشىن جەڭىپ, ەرلىك كورسەتكەنى ءۇشىن قۋانۋى كەرەك. «؛جارايسىڭ, ماعان سەنىپ ماسەلەڭمەن بولىسكەنىڭ ءۇشىن راقمەت!»؛ دەپ ايتسا بولادى. سودان سوڭ بۇل ماسەلەنى بىرگە شەشەتىنىن ايتىپ قورقىنىشىن سەيىلتكەن ابزال.

كەي اتا-انا كىنانى بالانىڭ وزىنەن ىزدەپ, ۇلكەن قاتەلىك جاسايدى. «؛نە ءۇشىن باسقاعا ەمەس, ساعان تيىسەدى؟»؛ دەپ سۇراۋدىڭ ءوزى بالا ءۇشىن قانشالىقتى اۋىر ەكەنىن بىلسەڭىز عوي... وسىدان كەيىن «؛ۇيدە مەنى تۇسىنەتىن ادام جوق»؛, «؛اتا-انام مەنى ەستىمەيدى»؛ دەپ جالعىزسىرايتىن ءجاسوسپىرىم كوبەيەدى. ۇيىندە ءوزىن تۇسىنەتىن, قولداۋ بىلدىرەتىن ادام بارىن بىلەتىن ءجاسوسپىرىم سۋيسيدكە بارمايدى.

ال «؛نازار اۋدارما, سول كەزدە ساعان تيىسپەيدى»؛ نەمەسە «؛سەن دە وعان جاۋاپ قايتار, ونى دا ۇر»؛ دەپ كەڭەس ايتۋ مۇلدەم دۇرىس ەمەس. مۇنداي كەڭەس ارقىلى بۋللينگكە ۇشىراعان بالا كەرىسىنشە, الىمجەتتىك كورسەتەتىن بالانىڭ رولىنە اۋىسادى. ال بۇل پروبلەمانى ودان سايىن ۋشىقتىرادى.

بۋللينگتەن زارداپ شەككەن جانە الىمجەتتىك كورسەتەتىن بالالارمەن جەكە-جەكە جۇمىس ىستەۋ كەرەك. كەيىن توپتىق تەراپيا نەمەسە ترەنينگ وتكىزۋگە بولادى.

اسەل بولاتقىزى

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر